الأحد، 17 مايو، 2009

بكرهكم كلكم



الواد احمد وابن عمه محمد جيراننا

بيقلدوا المصارعة اللى بيتفرجوا عليها
فراح محمد جايب احمدddtراح مكسرله سنانه
ياعينى الواد عنده عشر سنين وسنانه وقعت
كل واحد يخل باله من سنانه
ومحدش يقول ان العيال الصغيرة هما لوحدهم اللى بيتاثروا باللى بيشوفوه او بيقروه او بيسمعوه
انا لسه جاى دللوقتى من دراسة تحليلية عملها واحد من اخوانا عن فلسفة شوبنهور
وكانت الدراسة بالتحديد بتدور حوالين كتاب شوبنهور-العالم كارادة وفكر-
انا كنت من زمان اصلا بطلت قراية للراجل ده بس شوفت الراسة كده قدامى مقدرتش اقاوم نفسى
ودخلت وذهلت
الراجل اللى بيحلل عمال يعيب فى شوبنهور وفى طريقة تفكيره وف اخر المقالة اتحول لنسخة من شوبنهور واتشائم تشاؤم خلانى انا كمان اتشائم وبقى عندى كمية كره فظيييييييييييعة لكل اللى حواليا
ودللوقتى كمان انا اصلا كرهتكم وهغير عنوان التوبيك ده وهاخد خط ف الاخر واكتب تحته اللى هتشوفوه ده
----------------------------
بكرهكم كلكم

اه اشمعنه الراجل ده يتشائم ويكره وانا لأ
شوفتوا ازاى ان احنا مهما كبرنا بنتاثر برضه بالفكار والاراء حتى السىء منها
دى طبيعة بشرية بس الطفل الصغير اصلا بيبقى البيض فبيخرج الطبيعة دى واضحة من غير ستاسر وحواجز
الواد جاب ابن عمه ddtطب وايه يعنى مش بيفرغ الطاقى اللى عنده ياجماعة...........
انت نفسك مبيجيش عليك اوقات وبتقول اوديك فين ياصحة وتدور تلطش ف اللى حواليك؟
محدش يقول لأ............
انا شفتها بعينى
الواد هلال قايم رايح الشغل ع الصبح وكان عنده شوية عافية زيادة راح مدور الضرب فى كل الى واقفين معاه مش احسن مايطلع الطاقة اللى عنده دى ف حاجة وحشة والواد لسه شاب وطرق الانحراف مفتوحة ع الاخر قدامه.........
ربنا معاك ياهلال والله........
ومع اللى زيك من الشباب العفى المفترى وهى دى مصر ياجماعة
وانا برضه عملت الواجب وحبيت اعمل الواجب ورحت ناديت الامن والمدير العام والمسكين خد وقف3ايام عن العمل..............
يللا بقى يبقى يخلى صحته تنفعه.........
قال اوديك فين ياصحة صحيح.........
دا ايه الهبل ده
ناس فاضية والله
التوبيك فتح منى وراح فى محتت تانية خالص
بس متزهقوش راجعين تانى اهون
انا شايف ياجماعة ان الواد احمد دهون والواد هلال هما الطبيعة اللى مش متزوقة للبنى ادم
بس مع شوية عقل وشوية قوانين وتمدن وقيم حضارية وشوية قيود وقوانين بقينا بنعمل حساب لبعض ومش بنفترى على بعض زى الاول..........
ياخسارة ياجماعة جربوا الافترى دى حاجة حلوة ومش هتندموا صدقونى......
خدوها كده ببساطة وعيشوا اللحظة
اول ماتصحى من النوم وتلاقى اخوك لسه نايم جنبك تروح رافصة كده رافة تلزقة فى الحيطة
ايه يعنى مانت تلاقى عندك سبع تمن اخوات غيره مش مشكلة واحد
اول ماتنزل من العمارة روح رازع البواب قلم معتبر من بتوع زمان لحاد ماوشه يورم وعبقرية البواب بقى انه يرد عليك ببونية صعيدى تفركش وشك
هى دى الحياة اللى متخليش الواحد يمل ويزهق يا جماعة صدقونى بقى متقرفونيش معاكوا انا مش ناقصكوا والله العظيم اعصركوا انزل منكم اعضاء احداث.....الله ..فيه ايه؟.ززماتسمعوا الكلام بقى عايز اشوفكوا كده فى الشارع مقطعين بعض مينفعش الملل اللى احنا بنعيشه ده
ادينى خلصت ومستنى النتيجة
عايز تغييييييييييييييييييييييييييييييييييير سامعين بس ادينى بلغتكم وانا مش مسئول بقى عن اى واحد يقعد ساكت
اتحركووووووووووووووووووووووووووووووووووووووووووووو ووا
اه نسيت اقولكم
---------------------
بحبكم كلكم

هناك 5 تعليقات:

ahmed shahata يقول...

تسلم الايادي علي المجهود العالي


مووووووووووفق انشاء الله

بس اشمعني بقي ال dtt دا اصل انا مبعرفهوش

د/عرفه يقول...

سلام عليكم
ازيك محمد
اكيد الافكار معدية جدا
وخصوصا مع العيال الصغيرة


وبما انى اتعديت منك
فى البوست
فانا ناوى اضربك
بس لما ابقى اشوفك
هههههههههههههههههه

محمد التميمى عبدالحق يقول...

منورين ياجماعة

E73 يقول...

هههههههههههههههههههههههههههههههههه
..............
ههههههههههههه

طيب إمشي من وشي السعادي بدل ما.......

خلاص خلاص هتمسك ببقايا الحضارة اللي عندي بقى

بجد بوست لذيذ جدا

حلم بيعافر يقول...

لا لا الطيب احسن
انا همشى خلاص
متعصبيش نفسك
ههههههه
منورانا والله