السبت، 20 يونيو، 2009



اصنام
1
ربيع صريع الحر والخماسين
جيت ياربيع متاخر
جيت والعيون ناعسين
جيت والانوف بتشخر
وم النسيم يائسين
لة كنت بس تبدر...
ما كنا قلنا..
ياربيع أسفين
دى جريمة تحت النظر
تحت العيون والسمع
حلمى اللى ياما انتظر..
يبقى مصيره القمع
يبقى حبيس جوه حبيس
جوه بلاد من شمع
تماثيل وشوشها غضب
وارض طافحة صهد
يازرع يامغتصب
ياخضر برىء فى المهد
كان قوللى ذنبك ايه؟
كنت ف يوم جنبك
عيل بمصمص قصب
واجمع عشانها الورد
يبقى مصيرى كده؟!!!
ابقى حيالله حطب؟!!!
انده واصرخ بتحرق
اصحوا بقى
كفاياكوا موت
مستنى رد.........
تماثيل وشوشها من غضب
تمثال يكرر فى الخطب
تمثال يقول هتعيشوا....
وعد.........
2
اصنام تفرق م السكوت ع الناس
يتحولوا اموات
ويهللوا.........
تحيا ياعصر المعجزات
اصنام تطلع للنبى لسانها
وينصبوا منهم اله
فاكرين وجودهم ف الحقيقة وجود
فاكرين خلودهم ف الحقيقة خلود

هناك 9 تعليقات:

يساري نوبي يقول...

جامده جداااااااااااااا
أوعي تكون انت اللي ماالفها.......بإذن الله بكره يبقي عندك دواوين في السوق بس ابقي افتكرنا

انا عايز اسالك علي حاجه ....المدونه عندي كل اما اعمل عليها بوست و اروح الصفحه الرئسييه الاقيه ماظهرش و لمابيظهر بيتكتب عليه تاريخ قديم غير اللي انا كاتبه عليه.....تفتكر ليه

حلم بيعافر يقول...

منورنا يانوبى دايما كده
بص ياسيدى
دى هتبقى غلطة فى الاعداداات
روح الاعدادت والتخطيط فى المدونة بتاعتك
وظبطهم من الاول خالص

حسام خليل يقول...

عميقة بمعنى الكلمة
لا فض فوك

حلم بيعافر يقول...

حسام خليل
ربنا يخليك ياشاعر سبيل
ومنورنا دايما كده

E73 يقول...

الله يهدي الجميع

كلمات رائعة ومعبرة كالعادة

حلم بيعافر يقول...

E73
ربنا يخليكى
منورة

سراج يقول...

فعلاً البعض منا - إن لم نكن منهم حيناً - قبور تمشي على الأرض..
كلمات معبرة حـــــــــــــداً.. تحياتي

حلم بيعافر يقول...

قبور تمشى على الارض

الجملة دى صعبة بدرجة فوق الوصف

حلم بيعافر يقول...

سراج
نسيت ارحب بيك
عموما ياسيدى منور