السبت، 20 يونيو 2009

قليل البخت

( 1 )
يا طير قليل البخت
غنيت ومين يسمع
غنيت لحاااااااد ما شخت
والفجر لم يطلع
هد الضباب حيلك
ومن الضلام ونخت
مدبوح كمين سبقوك
ووقعت فى الفخ
عمر الغنا يا طير
يهدم حصون الظلم
عمر الغنا يا طير
يقلب امالنا علم
لكن محال الان يهدى الغنى فرعون
يمكن يا طير ندمع
نحلم معاك...وبصدق
لكننا بنرجع اسوأ ما كان فى البدء
ومحال يا طير الان
انيت....
غنيت....
او حتى صرخت
(2)
قالوا الجناح مكسور
قلت بلحنى حرفرف
ميهمنيش السيف
ميهمنيش مسرور
وف اى حتة حغنى
وبصوتى اهد السور
قالوا عجوز بيخرف
قلت العجوز بخلافكم
حالف يعيش فى النور
3)
لو كل ليل كان كمل
ما حد شاف الشمس
ولا ناديتنا يا بكره
ولا كنت كنت يا امس
لكنها حكمة
زايل ياليل وان طولت
حيجى بعدك نهار
وحيكمل................

هناك 45 تعليقًا:

MaNoOoSh يقول...

دايما بيعجبني الامل

بيديني قوة كده فى نفسي بحس انى ممكن اهد بيها الجبال

الشعر جميل لا جدال عليه
تسلم ايدك

حلم بيعافر يقول...

منوش
منورانا دايما
وكويس انه عجبك

سماء يقول...

قالوا الجناح مكسور
قلت بلحنى حرفرف
ميهمنيش السيف
ميهمنيش مسرور
وف اى حتة حغنى
وبصوتى اهد السور
قالوا عجوز بيخرف
قلت العجوز بخلافكم
حالف يعيش فى النور

سماء يقول...

كلامك جميل جدا وقصيدة كلها تفاؤل

قالوا الجناح مكسور
قلت بلحنى حرفرف
ميهمنيش السيف
ميهمنيش مسرور
وف اى حتة حغنى
وبصوتى اهد السور
قالوا عجوز بيخرف
قلت العجوز بخلافكم
حالف يعيش فى النور

GiGi worled يقول...

الله الله الله
ده فى عندنا شاعر بجد
ربنا يكرمك ويعزك يارب

حلم بيعافر يقول...

سماء
يمكن انت شايفة فيه تفاؤل
وغيرك شايف حاجة تانية
عموما نورتينى
ومعانا كده دايما

حلم بيعافر يقول...

جيجى
ربنا يخليكى
ومنورانا دايما

E73 يقول...

بسم الله الرحمن الرحيم
السلام عليكم ورحمة الله وبركاته

حقيقي قصيدة فوق الوصف
مش عارفقة أعلق أقول إ]ه لكن بجد متمكن

7annen يقول...

انا جيت ارد الزياره ولقيت بلوج هااااااااايل ورائعه

اسمحلى اكون من متابعى واصدقاء المدونه بتعتك

وياريت تبقى تقرى ردى فى البلوج بتاعى

بتاع مفيش حد بيتحكم فى احزانه

حنين

قلب ارهقته الاحلام يقول...

قالوا الجناح مكسور
قلت بلحنى حرفرف
ميهمنيش السيف
ميهمنيش مسرور
وف اى حتة حغنى
وبصوتى اهد السور


جمييلة اوي بجد

تسلم ايديك

ديالا يقول...

جميله جدا

وبج بقي كلامها حلو اوي وبسيط وسهل ان اي حد يقرأه

بجد بحييك علي اسلوبك وروعته

تقبل مروري

حلم بيعافر يقول...

E73
ماشى فوق الوصف فوق الوصف
هو انا خسران حاجة
ههههههههه
منورانا

حلم بيعافر يقول...

حنين
احم احم
تابعى ياختى براحتك
انا هضيفك عندى اهوه فى القايمة

حلم بيعافر يقول...

قلب ارهقته الاحلام
تسلمى لمرورك

حلم بيعافر يقول...

ديالا
ربنا يخليكى
كزيس انها عجبتكوا

Lyssandra يقول...

:)

أخدت جرعة أمل
شكراً لكلماتك المفعمة بالتفاؤل

--

حاولت اعلق قبل كده بس دايماً بيفشل اتمام التعليق
أظن ممكن تشيل التدقيق الإملائي هابقي أسهل كتير
:)

شكراً لك وتقبّل مروري

Lyssa

لاسع افندى يقول...

لو كل ليل كان كمل
ما حد شاف الشمس

جميل جدا البيت ده

تقبلوا تحياتى ومرورى

حلم بيعافر يقول...

lyssa
منورة المدونة باول زيارة
يارب دايما معانا
ومعندناش غير الامل
عشان كده لسه عايشين

حلم بيعافر يقول...

لاسع افندى
مرورك رائع
يارب منورنا دايما كده

اسماء واحلام فى وجدانى يقول...

بيقولوا انك مدرس

نورتنى وضحكتنى اوى والله حتى الضحكة بيقت صعبة اوى

ويارب يدوم التواصل دايما ياابو الكوميديا

وعلى فكرة ده رابط المدونة الرئيسية

انتظر تواجدك الطيب

http://elham-me2.blogspot.com/

جريدة الصباح العربي يقول...

انتهينا من اختيار الفائزين في مجالي الشعر والقصة القصيرة وذلك لعددنا الأول ولكن مازلنا نرحب بكل الأعمال لأن المسابقة دورية , من يريد أن تصل أعماله من مدّونته الى جمهور القراء فى مصر والوطن العربي , ارسل لنا أعمالك من قصة وشعر وخواطر الى البريد الألكتروني التالي
arabicsabah@yahoo.com
كما نرحب بمقالاتكم التي ستنشر فور ارسالها على جروب الجريدة وستصبح مفتوحة لمناقشتها بين القراء ... تابعونا على جروب الجريدة
http://www.facebook.com/group.php?gid=78080770039
انتظرونا قريباً في الاسواق
تحياتي
الصباح العربي

hager za3bal يقول...

قالوا الجناح مكسور
قلت بلحنى حرفرف
ميهمنيش السيف
ميهمنيش مسرور
وف اى حتة حغنى
وبصوتى اهد السور
قالوا عجوز بيخرف
قلت العجوز بخلافكم
حالف يعيش فى النور


الله عليك بجد
كلمات جميله اوي وملموسه

كلماتك فعلا ادتني امل

تسلم ايديك..:)

وومن يقول...

حلم

أسعدتني زيارتك جداً وأسعدني اكثر الفرصة التي اتحتها لي للتعرف علي مدونتك

مدونة متميزة بالتأكيد سوف أستمتع بقراءتها أولا عن أخر فإلي لقاء قريب

لك مني خالص تحياتي ومودتي

(Joudy) يقول...

جميلة حقيقى بجد حلوة ومن غير مجاملات حاسه فيها بأمل برغم كل شئ بصراحة جميل ان الانسان يتمسك بالأمل رغم كل الاحباط من حواليه ....

تقبل مرورى ويارب أكون ضيفة خفيفة

دمت بكل الخير والأمل والسعادة والتفاؤل

حاول تفتكرنى يقول...

لغة سهلة

تعبيرات واضحة

جميل ومعبر

أحييك بشدة

تحياتي

حلم بيعافر يقول...

اسماء واحلام فى وجدانى
هما اللى قالوا
انا ماليش دعوة بقى
منورانا وتواجدك انت اللى تواجد طيب والله

حلم بيعافر يقول...

هاجر
اهلا بيكى منورة المدونة

حلم بيعافر يقول...

وومن
تحياتك ومودتك تشرفنى
ومستنيينك اهوه تنورينا وتشرفينا تانى

حلم بيعافر يقول...

جودى
بالطبع ضيفة خفيفة وزى العسل كمان
منورانا(من غير مجاملات برضه)

حلم بيعافر يقول...

حاول تفتكرنى
من يقرا يشارك فى الكتابة
وجودك اضافلنا
منور

محمد فكري يقول...

جميلة فكرة النصّ..
اتمنى أقرألك نصوص اخرى أكثر عمقاً
.
دم بخير :)

فشكووول يقول...

يا حلم بيعافر
ازيك
ابدعت فى وصفك لحلمك بس كلمات فيها من السخريه والشجاعه الكثير

هى دى رسالة المعلم (كاد المعلم ان يكون رسولا)
ان شالله حتى فى يزرع الوعى فى عقول العامه فما بال عقول الطلبه
تحياتى واتمنى دوام الزيارات

اللى موش عارف يتغير يقول...

عمر الطير مايكون قليل البخت

كفاية ان هو طاية واحنا فى كبت

يارب نطير ونعيش زيه

نملك فلوس ونفوذ ونعيش حياتنا فى يخت

حلم بيعافر يقول...

محمد فكرى
الشاعر
اقل كلمة تتقال عنك انك فنان
منورنا ويارب تداوم معانا

حلم بيعافر يقول...

فشكول
اهلا بيك
وماتقولش معلم ياعم لاحسن اصدق نفسى
منور

حلم بيعافر يقول...

ياللى موش عارف تتغير
ازيك

marwa يقول...

انت مش حلم بيعافر انت حلم عافر ووصل لقمة الموهبة وحسن القاء الكلمات ماشاء الله عليك

بالتوفيق دايما وان شاء الله أحلامك البعيدة تقرب
وأحلامك الجميلة تتحقق

تحياتي

احنا يقول...

مدونة جميلة
واسم معبر (حلم بيعافر)
وقصيدة جميلة
وزن وقافية ومعنى
عجبنى جدا المقطع بتاع
(ياطير قليل البخت
غنيت ومين يسمع
غنيت لحد ما شخت)
بيعبر عن ضياع العمر
وغفلة المجتمع الذى لا يسمع لصوت اى حكيم
الا اذا كان حكيم بتاع نار ...نار واس اس السلام عليكوا

كمان عجبنى المقطع بتاع
(عمر الغنا يا طير
يهدم حصون الظلم
عمر الغنا يا طير
يهدم حصون الظلم)

باحس انك بتقول ان الكلام مش هايفيد بحاجة
احنا محتاجين عمل
----------------------------------
مع تحياتى / حازم ربيع

حلم بيعافر يقول...

ريم
شكرا ع الكلام الحلو ده
ومنورانى

حلم بيعافر يقول...

حازم ربيع
منور المدونة يا معلم
وشكرا على رايك

ثورة يقول...

لو كل ليل كان كمل
ما حد شاف الشمس
ولا ناديتنا يا بكره
ولا كنت كنت يا امس
لكنها حكمة
زايل ياليل وان طولت
حيجى بعدك نهار
وحيكمل................

*********************


أنا زيك بعافر
بس ديما لوحدي
بيأس لوحدي
وبفوق لوحدي
وبعاند لوحدي

بعد ما قرأت الكلمتين دول
طبطبوا عليا ف وقت صعب
و رجعولي الأمل من جديد

ولا مانع

أن أعود هنا من الحين للآخر
لكي أستلهم شيء من العناد
ومقاومة الاستسلام

فيزداد صمودي عما لو كنت بمفردي
:)

أحييك

ثورة يقول...

ملحوظة :
لون المدونة مع لون الخط بيجيب زغللة في العين
*****

تقبل تحياتي
و يارب دائما تكون في أفضل حال
:)

حلم بيعافر يقول...

ثورة
منور
ونحاول نغير الالوان والخطوط حاضر

مجرد مدونة يقول...

يا عم سيبها على الله :)
بس كلمات جميلة ربنا يكرمك :)

حلم بيعافر يقول...

مجرد مدونة

ماهى على الله يا عم فعلا

بس اهى فضفضة

منورنى