السبت، 4 يوليو 2009

اتحملى




اتحملى..
مع كل جرح جديد

فيه الف عيد
راح يترسم
اتحملى...
مع كل قولة اه
زلزلتى بيها كيانى
فيه ضحكة جاية من بعيد
وبتبتسم...
اتحملى
ياخضرا
وان شق جوفك مرة حر العطش
دابنك بيكبر ع العيدان
حيبل ريقك
حبل الوريد بادىء من امى
ومنتهاه جوايا
وقلبى
بصيله
هتلاقى قلبى مرايا
فازاى تخافى؟!
صوتك معشش جوا منى
صوتك معشش ف الودان
املك فى نفسى
بالغ مداه
ساعة اكتمال البدر
ساعة صلاة الفجر
ساعة الادان
وانا لسه فاكر
فاكر كفاح الجدر
فاكر نيرانك وهى بتقيد
وفاكرها غولة
بالعة افاعى الغدر
وفاكرها اغنية
وفاكرها صرخة
(هل من مزيد؟)

هناك 78 تعليقًا:

ماما أمولة يقول...

جميل رد الجميل بيبل حر العطاشى

مستنياك ياابن النيل أشوف فيك غرس السنين

أشوف تستاهل ألمي اللي خط على الجبين من الانين

ولا يا خسارة تعبي

تسلم ايدك

رائعة

marwa يقول...

ايه الكلام الحلو ده بجد أكتر من رائع
تسلم ايدك ويسلم أسلوبك البديع
صدقني بستمتع قوي وانا بقرأ حاجاتك الحلوة دي

اتحملى..
مع كل جرح جديد
فيه الف عيد
راح يترسم
اتحملى...
مع كل قولة اه
زلزلتى بيها كيانى
فيه ضحكة جاية من بعيد
وبتبتسم...

خليتني ابتسم فعلا بكلامك الجميل
دمت مبدع دائما

أنــا يقول...

هي ... بتفرح ..
مش عارفه حسيت معاها حاجه غريبه .. حاجه جوايا مش عارفه اوصفها ..
مش عارفه الرساله دي لمين بالظبط .. لارض ولا لام ..لكن ايا كانت هي لمين ..
احساسها بجد جميل ..

تحياتي..

mohamed ghalia يقول...

الكلمات روعة بجد
بجد المدونة كلها روعة
تسلم ايدك

youssif يقول...

تسلم ايديك يابني ...

يارب الأمل إللي جواك دة يتحقق ...

و بكرة فعلا يكون احسن ...

شريكة في المطعم يقول...

اتحملى...
مع كل قولة اه
زلزلتى بيها كيانى
فيه ضحكة جاية من بعيد

كلمات جميلة جدا..والمدونة كلها حلوة اوي

بنجاواتى يقول...

اكيد فى ضحكة

واكيد الليل بييجى بعده نهار

بجد مكتوبة بشكل رائع

يسلم قلمك

تحياتى

kmt يقول...

السلام عليكم ورحمة الله وبركاته

عجبتني الروح الايجابية اللي فيها
بس ليا تعليق على كلمتين

في البيت ده
(فيه ضحكة جاية من بعيد
وبتبتسم...)

ايه فايدة كلمة بتبتسم طالما ان الضحكة اصلا اكبر من الابتسام
اعتقد انها مضافتش للمعنى بل على العكس

الكلمة التانية ودي مش فهمتها
في البيت ده
(فاكر كفاح الجدر)
الجدر
هل تقصد القدر ولا ليها معنى آخر

آخر جملة في القصيده في محلها بالضبط

تحياتي
الى اللقاء

المشخبطاتى يقول...

السلام عليكم..

جميلة جداً والصورة مع الموضوع...روووووعة..تسلم إيدك..



ماالكتابة حلوة أهى ياعم..ليه مزعل نفسك....

تحياتى. 

حاول تفتكرنى يقول...

بحس فى كلامك بنبض ابن البلد

وفي حروفك بصدق المعاني

دمت مبدعا

تحياتي

حلم بيعافر يقول...

ماما امولة

منورانى دايما

كان معايا واحدة فى الشغل

بتفكرينى بيها

وجودك اسعدنى ومنورانى

حلم بيعافر يقول...

مروة

منورانى وابتسامتك كده خلت للبوست فايدة


منورة دايما

حلم بيعافر يقول...

انا
هى رسالة
لارض لوطن بقى افهميها على هواك

ومنورانى دايما

حلم بيعافر يقول...

محمد غاليا

منورنى بوجودك وتشكر يامعلم

شباك موارب يقول...

جميل اوي الابداع؟؟؟
كلامك بيفكرني بكتاب شعر كنت قريته وانا صغيره بس مش فاكره مين كان كاتبه.....
انت كاتب اصلا؟؟؟؟
ولا بتشتغل ايه؟؟؟

مع كل قوله اه زلزلتي بيها كياني
فيه ضحكه جايه من بعيد
وتبتسم

الكلام اكثر من رائع

شكرا ليك بجد
منار

حلم بيعافر يقول...

يوسف
شكرا لكلامك الجميل
منورنى يامعلم

حلم بيعافر يقول...

ياشريكة فى المطعم

ماتورينا حاجة بقى
احنا على لحم بطننا من ستت سنين

منورانا

حلم بيعافر يقول...

بنجاواتى

اكيد اكيد فيه ضحكة
منور يامعلم

حلم بيعافر يقول...

كيمت

منورة ورايك يحترم

بصى هى كلمة بتبتسم جت تكمل صورة معينة وجو معين

ومقللتش ولا حاجة من المعنى بالعكس دى حددت حالة الضحكة

وكلمة الجدر
دى العامية من جذر
وهى دارجة جدا زكله يعرفها

ونورتينى كمان مرة

حلم بيعافر يقول...

المشخبطاتى

اهو بنفضفض احسن ماننفجر
وساعات الكتابة بتبقى لعنة يامعلم

ومنور

حلم بيعافر يقول...

حاول تفتكرنى

(نبض البلد)او نبض ابن البلد
لازم يبقوا موجودين فيا وفيك وف كل واحد عايش فيها

ومنورنى

حلم بيعافر يقول...

شباك موارب

انا مدرس كيميا مع ايقاف التنفيذ

منورانى

جريدة الصباح العربي يقول...

أقتربنا كثيراً من تنفيذ الحلم .. واقترب العدد الأول من الجريدة , أنتظرونا قريباً جداً , إذا كان لديك مقترح قد يفيدنا في عملنا .. إذا كان لديك عمل أدبي أو تحقيق أو موضوع يستحق النشر أرسله لنا على بريد الجريدة
arabicsabah@yahoo.com
تابعونا على جروب الجريدة
http://www.facebook.com/group.php?gid=78080770039
الجروب هو نقطة الالتقاء بيننا وبينكم فلا تحرمونا من مساهمتكم

norahaty يقول...

عفوا للسؤال:
هل انت محترف !
فالكلمات والموسيقى بها
رائعة بل اكثر من رائعة
القصيدة جميلة واكثر جزء أعجبنى بها
(صوتك معشش جوا منى
صوتك معشش ف الودان
املك فى نفسى
بالغ مداه
ساعة اكتمال البدر
ساعة صلاة الفجر
ساعة الادان)

E73 يقول...

اتحملي اتحملي
ايام كتير تتبهدلي
ولسة الآهة جواكي
تغيب وتكبر جواكي
لكن يا محلى محياكي
في لحظة تيجي تنسي قوام كل اللي كان
وترسمي بسمة زمان رغم الزمان

سلمت ووفقت ان شاء الله

بقايا إنسانه .... يقول...

أحلامك رائعه

وإصرارك على الحلم فى حد ذاته رائع

لان مبقاش فى ناس زيك كتير كده

الحلم بقى نادر

وبرغم اننا مبقاش حيلتنا غيره

دمت بخير
ودام قلمك مبدعا

تقبل مرورى
سهوره

mahasen saber يقول...

الله الشعر من اجمل ما يكون رائع

والصوره لا تعليق
لان مفيش حاجه توصف قوة تعبيرها

اختيارك ليها موفق جدااااااااااااا

kmt يقول...

السلام عليكم ورحمة الله وبركاته

اها
انا مش قريتها كده خالص
انا قرأتها بفتح الجيم والدال

مش عارفة اذا كان المقصود من كلمة بتبتسم
ان حتى الضحكة اللي المفروض ضحكه ليها صوت وصورة ماتدلش غير ع السعادة ولو لحظة مش قادرة غير انها تبتسم

يمكن اكون وصلت لمقصود ويمكن لك

شكرا لتحملك مروري

تحياتي
الى اللقاء

عاشقة الأحزان يقول...

السلام عليكم

انا جايا ارد الزياره

اشكرك على مرورك الكريم عندى

وان شاء الله يبقا التواصل

تحياتى

ايناس

(Joudy) يقول...

حلوة وحقيقى جميلة ماشاء الله ربنا يوفقك

دمت بكل الخير

عايش... ولكن !!!! يقول...

تلسم ايدك
ويارب الامل ده يبقى حقيقه
ونتغير

رابطة هويتي اسلامية يقول...

السلام عليكم ورحمه الله وبركاته

ما شاء الله كلمات جميله

ندعوكم لمشاركتنا النقاش فى رابطه هويتى اسلاميه فى موضوع هام

نسعد بذلك,,

لو عرفوه هيحبوه يقول...

الا تنصروه فقد نصره الله

ندعوكم للمشاركه معنا فى حمله لو عرفوه هيحبوه للتعريف بالنبى صلى الله عليه وسلم

حلم بيعافر يقول...

norahaty
شكرا على الاطراء والكلام الحلو ده
منورة
انا مش محتررف وعموما الادب مفيهوش حاجة اسمها احتراف

حلم بيعافر يقول...

e33
شكرا ع المرور والمشاركة

حلم بيعافر يقول...

بقايا انسانة(سهورة)

منورانا واعتقد اول زيارة هنا

يارب يدوم التواصل

حلم بيعافر يقول...

محاسن صابر

انتم شركاء فى اللى بيتكتب ده

ومنورة

حلم بيعافر يقول...

كيمت

منورة للمرة التانية هنا

ومن حقك تقولى اللى عندك طالما انا كتبت

يبقى لازم استنى انتقاد مش ثناء بس

حلم بيعافر يقول...

عاشقة الاحزان

زيارة كريمة

ويدوم التواصل ان شاءالله

حلم بيعافر يقول...

جودى

نورتى
ودمتى بكل الود والخير

حلم بيعافر يقول...

عايش ولكن

منور

ويدوم التواصل يارب

حلم بيعافر يقول...

رابطة هويتى الاسلامية ولو عرفوه هيحبوه

باذن الله نشارككوا فى اللى بتعملوه

MaNoOoSh يقول...

كلامك وأشعارك طبعا جميلة جدا

وهى هتتحمل غصب عنها علشان هي كده
واحنا كمان هنتحمل معاها
بس لازم تيجي اللحظة اللي نثور ونبعد عنها الحمل التقيل ده

واحدة مجنونة يقول...

يعني صعيدي و مدرس زي حالاتي
و شاعر كمان
اللهجة مدياها طعم تاني خالص
و القصيدة جميلة لوحدها طبعا بس بالصعيدي احلى
تقبل تحياتي و مروري

ليس فقيرا من يحب يقول...

السلام عليكم
يا اهلا يا اهلا بالمدرسين ياعم هما المدرسين كده طول عمرهم مبدعين بجد بوست جميل جدا والمدونه كلها اصلا جميله ومتشكره جدا على مرورك العطر على مدونتى الوليده وان شاء الله تكرر الزيارة
تقبل تحياتى وفى انتظار جديدك

الكحيان يقول...

وانا لسه فاكر
فاكر كفاح الجدر
فاكر نيرانك وهى بتقيد
وفاكرها غولة
بالعة افاعى الغدر
وفاكرها اغنية
وفاكرها صرخة
هل من مزيد؟

الله الله الله هذا هو الكلام لا فض فوك وبارك الله في أحلامك . تقبل مروري .

عطش الصبار يقول...

حلو قوى
الحلم اللى بيعافر
معناه ان فيه امل وان الحلم ممكن يتحقق مادام بيعفر
برضه كلمات القصيده بتمل امل حتى مع الجرح ممكن يبقى فيه الف عيد
نورت مدونتى المتواضعه
تقبل تحياتى

شجر الليمون يقول...

السلام عليكم

كلمات غنائية جميلة
لا يأس مع الحياة

ويبقي دائما البحث عن الحلم

7annen يقول...

جميل اوى تسلم ايدك بجد راااااااااائع

حنين

dina يقول...

بجد حلوة اوى اوى اوىىىىىى و كمان الصورة اللى اختارتها قوية جدااااا و ملامح الست دى معبرة اوى

محمد سلامة يقول...

نعم
هل من مزيد

حلم بيعافر يقول...

منوووووش

مفتقدينك ومفتقدين كتاباتك وتعليقاتك

متبقيش تغيبى كتير

منورة

حلم بيعافر يقول...

واحدة مجنونة

انا مش صعيدى بس انتو اجدع ناس

واقرى بالطريقة اللى تريحك

ومنورانى

حلم بيعافر يقول...

رانيا على

ههههههههههههه

انا مبشتغلش مدرس هما بيقولوا على مدرس عشان انا بكالوريوس تربية

يمكن اكون مدرس
بس لسه مشتغلتهاش

منورانى

حلم بيعافر يقول...

ياكحيان

حضورك مميز وجميل

وبكرة تروق ياعم الحج

حلم بيعافر يقول...

ياعطش الصبار

فسر واول المعافرة على راحتك

ومنور

حلم بيعافر يقول...

شجر الليمون

يبقى دائما الحلم


منورنى

حلم بيعافر يقول...

حنين

منورانى دايما كده

حلم بيعافر يقول...

دينا

منورة والصورة والكلام واللى كتب وحط الصورة بيرحبوا بيكى

حلم بيعافر يقول...

محمد سلامة

اول زيارة ليك عندنا

يدوم التواصل والود ان شاءالله

ومنور

شمس النهار يقول...

كلام جميل فعلا

ومعبر بشكل سلس

ولطيف

قلم رصاص يقول...

جميل يامحمد الاحساس العالي ده

دمت في تميز

قلم رصاص يقول...

يامحمد ده ردي على ردك الاخير عندي
هحطهولك هنا عشان اما انزل بوست جديدة فيمكن تنسى تشوفه

أي خدمة ياعم ههههههههه
-----------
حلم بيعافر

هههههههههههههههه

لاياعم احب اطمنك .. انت ناصح بطبيعتك
مش بتتنصح ولا حاجة

انت معاك بطاقه ياض انت ؟

خلاص طالما ممعكش ايه يجيبك في هذه المنطقة الحساسه كده وبدون حساب لفرق الأمن والأسوار المتكهربه كده بدون وعي .. انت شارب حاجة طيب.. اوعى تقولي : شارب شاي بلبن
هههههههههههههههه

واما بخصوص التعديل بتاعك ، لو كلامك صح انا معنديش مانع اتعلم من اي حد أي حاجة جديدة ، حتى لو كان الحد ده أقل مني في المستوى بمراااااااااحل
هههههههههههههههههههههه

واعذرنا ياسيدي على الغلطة البسيطة دي ان جاز لنا احتسابها بغلطة

ومتلعبش في النت تاني عشان مترجعنيش للمنطقة دي تاني واعلم عليك زي زمان اول ما انت جبت كمبيوتر وياما بهدلتك انا وايهاب ههههههههههههه

وياعيني انت مكنتش بتبقى واخد بالك ايه اللي بيحصل ومين وراء اللي بيحصل

بس عاااااادي الأيام دول وحارات واديك اهه عرفت شوية حاجات وقرفتنا في عيشتنا ومبوظ علينا وصلة النت دي
لدرجة ان ايهاب طفش وساب لك مصر بحالها تشبع بيها وراح للنت السعودي الحلو ههههههههههه

واحمد ربنا ان العبدلله يامحمد مش حاطط المسائل دي في دماغه اليومين دول زي زمان والا كنت تقدر تقول بعون الله وانت اكيد تعرف : يارحمن يارحيم على اي جهاز تدخل به نت من نفس الوصله او الخط اللي انا داخل منه
هههههههههه ثقه ثقه ثقه مش اكتر
هههههههههههههه

نورتني يابن خالتي

وانتظر البوست الجديد الليله او بكره ان شاء الله حسب ظروفي واهراماتي

في حفظ الله
------------

اتمني الشهادة يقول...

كلمات رائعة ويارب ديما بتعافر وما تستسلمش ...
ما شاء الله علي حضرتك ربنا يوفقك ديما
ودايما بتكتب اجمل الكلمات

حلم بيعافر يقول...

شمس النهار

اسمك بيفكرنى بمسرحية لتوفيق الحكيم

منورانى دايما

حلم بيعافر يقول...

قلم رصاص
ربنا ع الظالم
ههههههههههههههههههههه
بقى انا اقرفك؟
طب ازاى يعنى؟
هاتها كده يمين شمال مش هينفع
دانت حبيبى وصاحبى وكفاءة
بس هى غلطة فعلا
عشانtheترجمتها للعربى ال..
يعنى اداة للتعريف ومينفعش طبعا يتحط قدام لفظ الجلالة اداة للتعريف
بس منورنى والله
ويدوم العز يابن خالتى

حلم بيعافر يقول...

اتمنى الشهادة

ربنا ينولهالك يارب وينولهالنا احنا كمان

والمدونة نورت

واحد من العمال يقول...

السلام عليكم

ياريت كلنا نبقى مليانين بالأمل
عشان ميموتش الحلم جوانا

كلماتك جميله وكلها إحساس

ودمت فى أمان الله

أحساس لسه حى ...أنا مش موافق يقول...

عزيزى

الحمل بقه كبير اوى

وخضرا تعبت اوى

الكلام حلو والامل جواه

ما مفيش غير الامب نعيش بيه

تحياتى

سلام

حلم بيعافر يقول...

واحد من العمال

ربنا يكرمك

ومنورنى ويدوم الود والتواصل

حلم بيعافر يقول...

احساس لسه حى

كل ماالحمل يتقل كل يكون الخلاص منه قرب

وهاااانت

المدونة نورت

طوبة ذهب وطوبة فضة يقول...

جميل اوى الاحساس واجمل الشعور بالانتماء تسلم ايدك ويارب ديما مبدع

pink paradise يقول...

محاولة جيدة
لكنها ليست بالجديدة

على فكرة
صعب ان تبهر من يكتب

تحيتى وشكرا لمرورك على مدونى

حلم بيعافر يقول...

طوبة دهب وطوبة فضة

نورتى ويدوم التواصل كده ان شاءالله

حلم بيعافر يقول...

pink paradise

شكرا لمرورك ومنر ورايك بنقدره ونحترمه على حال

مذكرات زوجة يقول...

انتى بتكتبى حلو قوى قوى

والوزن والقافية وكل حاجة هزتنى وانا اقرأ القصيدة

حلم بيعافر يقول...

مذكرات زوجة

انا رااااااااجل

عموما منورة

رضوى يقول...

ياااااة كل دة في قلبك وساكتةيابنتي