الأربعاء، 22 يوليو 2009

بقايا وثنية


لما صدام حسين اتعدم واتصور وهو بيتعدم والفيديو اتنشر فى كل حتة فيه ناس برضه مصدقتش انه مات وكأنه استغفر الله العظيم حد ميجوزش فيه الموت او انه اله خالد خلود لا نهائى يعنى باختصار كده رجعنا لعصر الجاهلية والاصثنام واحنا مش واخدين بالنا احنا بنعمل ايه ومن تقريبا كده حوالى سنتين تلاتة لما رئيس الفيفا جوزيف بلاتر كان قال بعد ماتش الصفاقسى التونسى ان ابوتريكة وعماد متعب كانوا خدوا منشطات لقينا كل الناس طالعة تقول ازاى ابو تريكة ده ياخد منشطات ده مبيغلطش واستغفر الله العظيم برضه رفعنا انسان لمرتبة اله مبيغلطش ورجعنا برضه لعصر الجحاهلية وعبادة الاصنام واحنا مش واخدين بالنا من كلاما ولا اللى احنا بنعمله

اللى فكرنى بالموقفين اللى فاتوا دول دللوقتى ايه مع ان مفيش مناسبة ايه؟....اللى فكرنى بيهم تصرف بعض الاعلاميين تجاه زميل ليهم نقل خبر للناس من 5 صحف ومن تقرير بوليس جنوب افريقيا وطبعا الاعلامى كان عمرو اديب والخبر كلنا عارفينه وانا بتكلم بعد ماالموضوع هدى خالص واظن فيه ناس كتيرة جدا سواء اعلاميين او مدونين او حتى المواطنين العديين تناولوه لكن بقى الحاجة اللى غايظانى فى الموضوع كله ان فيه ناس مستثنية ناس بعينها من الغلط يعنى رجعنا لنفس المشكلة بتاعة التأليه

الخلاصة انى عايز اقول حاجة بدأت تغيب عن أذهان الناس وهى ان مفيش انبياء ولا رسل دللوقتى ولا بقى فيه حد معصوم يعنى المفروش اننا بنغلط ولما نغلط وحد يواجهنا بغلطنا ميبقاش كفر ومنحاولش نطلع فيه القطط الفطسانة وناخده بعيد عننا وعن غلطنا يعنى اتمنى اننا نعرف كده ونعرف كمان ان مفيش حد خالد وكله بيموت حتى لو كان صدام حسين يعنى من الاخر- لا اله الا الله- ومتخلوناش نفتكر -على اخر البوست- واحد اتحط فى قضايا ومحاكم عشان خاطر نشر خبر عن صحة الرئيس المصرى بتاعنا

هناك 36 تعليقًا:

أحمد الصعيدي يقول...

كفكف دموعك وماتنوح

واعمل كفانك طواقي

آدم توفي ومات نوح

مين اللي ع الدنيا باقي


السلام عليكم

أتفق معك أخي الفاضل والكل في قلب الخلاط ومعرض للغواية والعصيان

اللهم زدنا بالايمان ولا تنقصنا

شكرا لقلمك

EMMY BABY يقول...

انا معاك طبعا ان مفيش حد مبيغلطشى

بس لما كانوا مش مصدقين ان صدام مات لان كان ليه كذا شبيه فهما كانوا فاكرينها خدعة

بالنسبة لابو تريكة ممكن برضه يكون اشاعات هما يقصدوا كدة ميقصدوش انه مبيغلطشى والله اعلم

تحياتى ليك

ايمى

Lyssandra يقول...

جئت أعلمك أن بانتظارك تاج
ع الهامش

لابد وحتماً تستلمه :))

لي عودة

Lyssa

Nostor Azzuro يقول...

كلامك مظبوط جدا جدا

محدش معصوم من الخطأ ومحدش اكبر من الخطيئة

اما بالنسبة لزيارتك انت نورتنى وشرفتنى

والاختلاف فى الرأى لا يفسد للود قضية

والقصة مش انا اللى كاتبها

اتمنى تبادل الزيارات والاراء

marwa يقول...

حلم
مواضيعك جميلة وهادفة
صح ان الانسان بيخطا ومفيش حد معصوم من الخطأ لكن ما يمنعش اننا ندافع عن أشخاص محترمة وواثقين فيهم ومثال على كده الكلام الوحش اللي قالوه عن المنتخب المصري واحنا كذبناه أول ما سمعناه
فلما ندافع عن اشخاص معينة مش معناه اننا بنبرر لهم اي خطأ يرتكبوه اللي يغلط يتجازى لكن الرحمة مطلوبة
تسلم ايدك

ليس فقيرا من يحب يقول...

السلام عليكم
اكيد طبعا كلنا ممكن نغلط لان مفيناش ملايكه ولا برده فينا شياطين دى طبيعه الانسان
ربنا لاتؤاخدنا ان نسينا او اخطأنا

تقبل تحياتى

7annen يقول...

احم احم

ازيك

مفيش انسان معصوم من الخطا

لاننا بشر

وصدام وابو تريكه بشر

حنين

norahaty يقول...

ده طبعنا
إن احببنا حد
(استغفر الله)نجعله كالآله.
وإن كرهنا حد
يبقى يارحمن يارحيم عليه.
صحيح الحكم العقلانى مش كتير
وركوب الموجة وتزاحم مصادر الاعلام والكل فى سباق اعمى بسرعة قبل ما
الخبر يبرد بينتج عنه اخطاء كتير.

مذكرات زوجة يقول...

صدقت .. لكن احنا عندنا آفة اسمها المثالية

نورت مدونتى على فكرة واشكرك قوى قوى خاصة ان المدونة جديدة ولسة محدش عارفها قوى

(Joudy) يقول...

الحكاية مش اننا بنديهم صفة الألوهيه ماعاز الله الحكاية ايه بقى ان على عينا شيفين سلوكيتهم فمش معقول تصدق عليهم شئ بالشكل ده بس من الجايز اللى اتكلم اتكلم بتعصب أكتر هى دى المشكلة

دمت بكل الخير

fL0weR-giRL يقول...

السلام عليكم
**********
فعلا عندك حق مفروض مانديش اي حد حاقه زياده عن حقه كأنسان وان كل حاجه بتحصلي سواء كانت مصيبه او فرح دي من عند الله والناس الصراحه يتفتلها بلاد

لااله الا الله محمد رسول الله

**تقبلي مروري **

MaNoOoSh يقول...

فعلا علشان احنا شعب عاطفي لما بنحب حد مبنصدقش انه ممكن يغلط

كمان ممكن من جبروت حد منبقاش مصدقين انه مات خلاص

حاول تفتكرنى يقول...

بالطبع

لا احد معصوم من الخطأ

كلام منطقي

تحياتي

GiGi world يقول...

ربنا يكرمك يارب
معاك حق

قلم رصاص يقول...

صدقت يابن خالتي في الفكرة

لكنك لم تضع في اعتبارك ان الأمثلة التي سوقتها للتدليل على فكرتك لها من الخصوصية ما يخرجها عن نطاق الفكرة

يعني مثلا بمناسبة موضوع الرئيس الراحل صدام ، لم يكون الهدف من تكذيب او عدم تصديق مماته ، لم يكن الهدف إلباسه رداء الألوهية والعياذ بالله .. وانما كان السبب سياسي وناتج عن كواليس حرب أمريكا على العراق ، فكلنا نعلم انه كان يقال آنذاك بأن صدام له شبيه
.. الى اخر هذا الكلام..ولم يخطر بعقل احد ما انت فكرت فيه يابطل.

وأما بخصوص محمد أبوتريكه ومتعب أو غيرهم .. ياعم الحاج انت عارف اننا بلد اشاعات ومش جديدة الحكاية دي..ودايما احنا كده عاوزين جنازة ونشبع فيها لطم بدون ادلة وقبل التأكد .. يعني انت نسيت واقعة المنتخب وهجوم عمرو أديب والتشنيع على المنتخب بدون دليل وقبل ما يأكد كلامه ان كان على بينه او خطأ

قال تعالى : " يأ أيها الذين آمنوا إن جائكم فاسقِ بنبأ فتبينوا أن تصيبوا قوما بجالة فتصبحوا على مافعتلم نادمين " .

اللي انا عاوز أقوله ايه .. اني متفق معاك في محتوى البوست جدااااا
وهو انه ليس هناك انسان معصوم من الخطأ .. لكني أختلف معك في الأمثلة التي طرحتها .

بس

وفكك بقى من الاحقاد الزملكاوية دي
أبو ترييييييييييكه أبو تريكه

ارحمونا بقى .. هتكرهونا في الراجل
هههههههههههههههههههه

دمت في حفظ الله

Mo7ammed يقول...

كله بيغلط ياصحبى
بس الناس احيانا بتسبعد غلط معين من شخص معين
زى حوار المنتخب
الناس عارفة ان المنتخب فى كتير محترمين
واستبعدو ان حاجة زى دى تحصل
وكمان عمرو اديب خلى الحوار كأنه حصل بالفعل وشتم فى الناس والصراحة مكنش معاه حق ابدا
كان يعمل زى بقيت الناس وينشر الخبر بس مش يعلق على ايه كأنه حصل اكيد

فالناس بقى خدتها الجلالة ودافعت عن المنتخب بالطريقة دى



وعلى فكرة بلوج لزيزة
اول مرة اجى هنا الحقيقة

وحلو اوى موضوع منار وعمر ده
ههههه
عثل

تسلم ياباشا

أعـــ * أصحاب * ـــز يقول...

يلا بسرعه الحق عيد ميلاد ديالا فى شقاوة اخر حاجه واعز اصحاب

اوعى الحفله تفوتك

اعز اصحاب

حلم بيعافر يقول...

احمد الصعيدى
منورنا ياعم الحج دايما كده

اللى موش عارف يتغير يقول...

صدام ده كان فله
يكفى ايران بعده شمت نفسها

حلم بيعافر يقول...

ايمى
منورانى برايك
ودايما معانا كده

حلم بيعافر يقول...

ليساندرا
البوست الجاى ان شاءالله هيبقى تاج منك انت وتنهيدة
منورانى دايما وشكرا ليكى

حلم بيعافر يقول...

نوستور
لولا اختلاف الاراء لبارت السلع يا معلم
منورنى وطبعا التواصل بينا شىء يسعدنى

حلم بيعافر يقول...

مروة
ربنا يخليكى
بس مبتاخديش بالك ان ساعات الدفاع عن ناس معينة بيبقى فى الصح والغلط؟
وبيبقى مبالغ فيه كمان؟
نورتينى

حلم بيعافر يقول...

ليس فقيرا من يحب
جبتى الخلاصة يابنتى بالدعاء ده
منورانى

حلم بيعافر يقول...

حنين
ازي انت الله يسلمك
فعلا زى ماقلتى
منورانى دايما

حلم بيعافر يقول...

norahaty
الله ينور عليكى
هو ده الكلام
منورانا

حلم بيعافر يقول...

مذكرات زوجة
المثالية مش افة بس لازم نفرق بين بشر مثالى وبسين اله واحد
صح كده؟
منورانى وبتشكرينى على ايه ياستى ؟
عادى كله كان كده فى الاول
منورة

حلم بيعافر يقول...

جودى
لتعصب اعمى وهو ده مربط الفرس
يعنى المتعصب ده اعمى مش بيفرق
وبيبدل دور بدور مهما كان الفرق بينهم شاسع
منورانى

حلم بيعافر يقول...

flower girl
اولا انا واحد مش واحدة
ثانيا كلامك مظبوط جدا وهو حل المشكلة من الاول (لا اله الا الله محمد رسول الله)
منورانى

حلم بيعافر يقول...

منوووش
منورة والله
بس لازم يبقى فيه حدود منعديهاش
مش معنى اننا عاطفيين يبقى خلاص كله يخش فى بعضه

حلم بيعافر يقول...

حاول تفتكرنى
اسعدتنى زيارتك يامعلم

حلم بيعافر يقول...

جيجى
منورة يا جيجى وربنا يخليكى

حلم بيعافر يقول...

قلم رصاص

كويس اننا اتفقنا فى حاجة
ههههههههههههههههه
منورنى

حلم بيعافر يقول...

محمد
ياعم انت اللى عثل
منور يامعلم
ويدوم التواصل

حلم بيعافر يقول...

اللى مش عارف يتغير
مش موضوعنا يابوب
بس منورنا برضك

غير معرف يقول...

اليوم هنتقابل على النت الساعه 10 الا ربع تقريبا وهنبقى فى محادثه واحده على الايميل ده علشان المدونه

ضيف الاميل ده عندك بعد اذن حضرتك

marwa_elsherbiny09@yahoo.com
جزاك الله خيرا
جيجي والعالم