الأربعاء، 29 يوليو، 2009

التاج علينا حق....





نخش فى الموضوع كده علطوووووووووووول

انا ياجدعااااااان جالى تاج من رؤية صاحبة مدونة تنهيدة
ومن ليساندرا صاحبة مدونة ع الهامش
يشكروا الاتنين طبعا ودول اول تاجين يجولى من حد وتاج تنهيدة كان جه الاول
يعنى هما الاتنين بكده دخلوا التاريخ هههههههههههههههههههه
احم..احم.الو ..الو
كويس الميكروفون شغال تمااااااااااااااام ندخل بقى حاميين ع التاج وامرنا لله
بس خدوا بالكوا انا هتكلم عن نفسى يعنى استحملوا بقى..وانتو حرين

من أنت ؟
والله اوقات كتيرة بحتار فى جواب السؤال ده وحتى لما بقعد مع نفسى واسالها هو انا مين صحيح؟....بجد سؤال محير لاى حد فى مجتمعنا ده...مجتمع الناس فيه بتحاول تطلع عيالها نسخة كربونية من صورة معينة ..تقريبا صورة واحدة فى اذهان الناس كلهم وان كانت بتختلف من فترة زمنية لاخرى..انا تقدروا تقولوا انى اتصبيت فى قالب معين مش شبهى خالص ...ورفضت بس رفضت متاخر قوى..بس رغم كل اللى فات ده اقدر اقولكوا انى محمد التميمى....واحد اوقات بيبقى معتز جدا بنفسه واوقات بيبقى غضبان قوى عليها...بيقولوا عنى مدرس وانا بقول لاء...وبيقولوا كمان انى صريح لحاد الوقاحة واونطجى جامد بس انا بقول انى مجرد بطلع اللى فى قلبى بس يعنى لو حاجة معجبتنيش بقول ولو حاجة عجبتنى واستمتعت بيها ان يارب لو كانت ايه لازم اديها حقها ع الاقل بكلمة شكر كويسة...كفاية بقى تلاقيكوا زهقتوا.....


ما الذى تفعله هنا ؟
بفضفض....
ايا كانت صورة الفضفضة
وبتعلم..
وبفرح قوى لما بعرف حاجة جديدة....

إسرائيل تقصف كل جنوب ممكن بحثاً عنك أى شمال تقصد ؟
مش هاقصد اى شمال
ووقوع البلاء ولا انتظاره
وبعدين تعالوا هنا
هى اسرائيل هتدور عليا ليه؟
ههههههههههههههههههه

أنت مكلف بحذف حرف من حروف اللغة العربية أيها ستختار ولماذا ؟
لا يمكن
طب وامشى فى حوارى نجيب محفوظ ازاى ولا اتنفس احمد العربى ازاى ولا الف اللفة بتاعة كل يوم بين المدونات ازاى؟وقبل دول كلهم واهم حاجة طبعا اقرا القران ازاى؟
طبعا لايمكن احذف اي حرف من اللغة العربية
بس على فكرة معظم البنات حاذفين حرف الطه كده من نفسهم
هههههههههههههههههههههه
رقة يعنى
وايام الثانوية العامة لما كنا فى در س الكيميا كان عندنا حصة عنوانها مركب عضوى اسمه الطولوين
فالمدرس كتبها الطولوين للولاد والتولوين للبنات
هههههههههههههههههههههه


لو قدر لك أن تدخل السجن فما هى القضية التى تتمنى أن تدخل بها إليه؟
اغتيال حد كده فى بالى اهو ابقى ريحت واستريحت وكمان احس انى عملت حاجة منعت الدنيا كلها من اعتبارى كنبة اة كرسى بيتورث من ابن لابوه...

منذ متى اكتشفت نفسك ؟
بمعنى؟
هى غباوة بقى
هرد ع السؤال بسؤال اصله سؤال مش محدد سؤال عايم


على مفترق طريق الإفتتان اليمنى تقول ( إلى حلمك ) واليسرى تقول ( إلى ما لم يحلم به البشر ) أى الطرق ستسلك ؟
ايوه بس انا بشر
يبقى هروح لحلمى طبعا
ربنا خلقنى كده ببص لحلمى الاول

نحن لا نعيش حياتنا بل نتعلم فيها كيف نعيش .. ما تعليقك
انا شايف ان اللى بيعيش حياته بيتعلم وشسايف برضه ان اللى بيتعلم بيعيش حياته بس انا بفضل انى اعيش حياتى واتعلم منها
بجملة واحدة فقط اكتب تعريفاً لكل كلمة من الكلمات التاليه :
الوطن
كمين ياريت محدش يقع فيه
الأم
الرحمة والحب الطاهر اللى من غير مصلحة
الليل
صاحبى
الحب
احلى حاجة فى الدنيا
أمريكا
قناع وسخ بيخوف الناس التعبانة اللى لازقة فى الكراسى ومش عايزين يغوروا بقى
المرأه
الدنيا وطريق للاخرة
الصمت
لغة اخرى
الإنترنت
شبكة معلومات جميلة جدا سهلت عليا حاجات كتيرة

اخترمنصباً واتخذ قرارا
رئيس الولايات المتحدة الامريكية من 9 سنين
القرار هو
الابتعاد عن اى حروب وصرف نفقات الحروب على مشاريع التنمية بدول العالم الثالث

قيس ، عنتره ، جميل هم الذين يقولون شعراً ، وليلى وعبله وعزه " صموت " لماذا هذا التغييب للمرأه ؟
اين هذا التغييب؟!!!
ده كل اللى اللى اتقالوا دول كان معظم شعرهم فى المرأة وبعدين سكوت المرأة مش زى أى سكوت


أن تكون مطلوباً لإرتكابك جريمة خير لك من ألا تكون مطلوباً مطلقاً ؟ هل تتفق مع هذه العبارة ؟ علل ؟
السؤال برضه فيه جزء غريب شوية
مطلوب مطلقا التانية دى مش واضحة
المهم نعتبر انى مطلوب فى الحالتين من قبل البوليس لتقديمى للمحاكمة ونجاوب بقى على الاساس ده
طبعا متفقش مع العبارة
وعلل دى فكرتنى بايام الثانوية العامة هههههههههههههههههه
المهم بقى لما اكون مش مطلوب طبعا احسن لانى مش هكون ارتكبت جريمة ع الاقل من وجهة نظر الناس وطبعا لو ارتكبتها ومتطلبتش ده يبقى عقاب اشد من نفسى على نفسى برضه


إلى أين تمضى كلمات الحب بعد أن نقولها ؟
الله يرحمك يانزار لما قولت ان الحروف تموت حين تقال طبعا هندخل فى موضوع كبير وهناقش فلسفة الغياب والحضور بس فى بوست تانى قريب ان شاء الله


هل تجد علاقة بشكل أو بآخر بين المرأة وقطاع الطرق ؟
الاتنين بيشطبوا ع اللى فى جيب الواحد ههههههههههههههههه


هذا فراق بينى وبينك متى ولمن تقولها ؟
لكل واحد مقدرنيش ولا قدر حبر ليه

كيف هو غداً ؟
الله اعلم


لمن تمرر التاج ؟
لمعيد كحيان صاحبة مدونة يوميات معيد كحيان
ولا حمد الصعيدى صاحب مدونة احمد الصعيدى
ولحاول تفتكرنى صاحب مدونة حاول تفتكرنى
ولكل حد لسه ممرش عليه التاج


طبعا مش قدر اختم الا لما اخليكوا تشاركونى فى حاجة كده قريتها مؤخرا لشاعر اسمه صلاح الغزالى
بس محدش يفهمنى غلط بقى
قصيدة قصيرة كده اسمها سادن اللهب من ديوانه(فستذكرون ما أقول لكم)
تبت يدا ملك وتب
سكب الوقود على اللهب
ودعا اللصوص ليطفئوه
فما أفاد وما كسب
سيهار قائم عرشه
والنار تنهب مانهب
بشراك يا رأس النفاق
وفى العمالة يا ذنب
الله يكره ماجنيت
وان زعمت لنا السبب
والله يأبى أن ان يطول
بك الجلوس على الذهب
والله يشهد أن
ظاهرك المبرأ قد كذب
يا خادع اللقبين\هل
خدم الحجيج ابو لهب؟!


معلهش اعذرونى فى حكاية التشكيل بقى
واشوفكم على خير فى البوست الجااااااااااااااى

هناك 50 تعليقًا:

7annen يقول...

اجابات جميله من انسان جميل

ربنا يكرمك يارب

حنين

7annen يقول...

ايه دا اول تعليق طيب مبرووووووووووووك عليا اول تعليق

Lyssandra يقول...

ما شاء الله يا محمد إجاباتك خفيفة أوي
شكراً لاستجابتك السريعه وقبولك التاج :)

حلو أوي القصيدة اللي في الآخر دي

عجبني كمان قصة الطولوين وحرف ال ط :)))))

تحياتي

ليس فقيرا من يحب يقول...

السلام عليكم

وسعوا للمدرسين بقه لما يدخلو

احم احم

ايه الاجابات الخفيفه الجميله دى

وعايز تدخل السجن فى قضيه اغتيال

انا ياخويا مليش دعوة ومعرفكش

والمدرسين كلهم كلهم اتبرو منك

الا قولى هو مين ده اللى انت عايز

تغتاله ربنا يجعل كلامنا خفيف عليه؟

تقبل تحياتى

ليس فقيرا من يحب يقول...

اسكت دا انا تالت تعليق

أحمد الصعيدي يقول...

السلام عليكم يا من لست فقيرا

إجابات سريعة بغير تفكير وربما تعني اني اللي في قلبك علي لسانك

أما القصيدة اللي تحت بقي هيا اللي عجبتني جدا

أسعدك الله

THE illusionist يقول...

اول زياااره
انا منور
وانتى منوره
وسلام مصحح مكسر مظبط
كل تاج وانتى طيبه
انا جاى تانى

اتمني الشهادة يقول...

تاجك جميل باجابات حضرتك
وجميل اوي اجابتك علي امريكا
وكل الاجابات حلوه طبعاَ
تحياتي لحضرتك واسمح لي ان اضافت مدونتك في مفضلتي
واسفه جدا اني اضافتها قبل استئذانك

لكن اعجبتني كثيرا وارغب في متابعتها
وكل عام وحضرتك بالف خير

شباك موارب يقول...

احلى حاجه التاج علينا حق
بس مين دا اللي عايز تموته؟؟؟؟
شكلك قلبك اسود من ورانا
تقبل مروري
وشكرا
منار فايد

اقصوصه يقول...

ههههههههههههههه

عجبني عنوان التدوينه بصراحه

فريد من نوعه ومبتكر

كل تاج وانتم بخير :)

اجابات جميله

ومدونه اجمل

اطيب التحيات :)

mahasen saber يقول...

يا تيجانك يا حبم

شوف الشات بوكس انا مشلتوش ده ضد التيار حبيبتى
وهيا بتغير تمبلت المدونه معايا شالته
بتقلى سهوا
بس عن عمد ولااا سهوا مقدرش افتح بقى مع ضدتى اصلها غاليه عندى قوى قوى

المهم بئه ازيك بقا...

dina يقول...

اجابات جميلة و التاج دا مفتكس اوى و اسألته جديدة...القصيدة كمان حلوة اوىىىىىى من غير ما اقصد اىىىىى حاجة بردو

حاول تفتكرنى يقول...

إجابات منطقية وخفيفة

أختتمت بأبيات قمة فى الإبداع

حقا أنت مبدع

شكرا على التاج اتمني لو استطعت

احييك بشدة

e_emy يقول...

سلام عليكم

حلو عنوان البوست جداا (:

واجاباتك جميلة أوووى

تقبل مرورى (:

معتز شاهين - باحث تربوي يقول...

ردود هادئة ومتزنة

أحييك عليها

ويبقى التواصل

(Joudy) يقول...

انا حاسه ان تعمقت فى شخصيتك بشكل ما وأحب أقولك متعبة ههههههههه بس اهم شئ انك واخدها ببساطة ودى أحلى حاجة فى الدنيا البساطة.

دمت بكل الخير والسعادة

مصعب صلاح يقول...

السلام عليكم
مدونة مش هنسكت أصبحت مفتوحة للأعضاء فقط وتدعوكم للمشاؤكة معنا في ملتقاها وم الاثنين المقبل الموافق 3/8/2009 الساعة العاشرة مساءا بتوقيت القاهرة كميعاد للقائنا عبر الشات لمناقشة أوضاع المدونة وما ستئول إليه المدونة في الفترة المقبلة ومراجعة ما وصلنا إليه منذ إنشاء المدونة
نسعد بحضوركم واهتمامكم عبر الإيميل الخاص بالمدونة : marwa_elsherbiny09@yahoo.com

ديالا يقول...

اجاباتك جميله فعلا ودمها خفيف

بس حكايه الشبه بين المراه وقطاع الطرق دي هنحاسبك بقي احنا عليها بعدين

ده احنا والله ملايكه ياابني

آيوشة يقول...

اجاباتك جميلة ودايما بحب فكرة التاج دى علشان بتعرفنا اكتر على شخصيات المدونين
وجميلة القصيدة اللى فى الاخر جدا
مرسيى لزيارتك للمدونة واسفة على التاخير فى الزيارة

GiGi world يقول...

مش عرافه تصدق حضرتك اول ا
بجد اروع اجابات قراتها ربنا يكرمك يارب

إيمان عبد النبى يقول...

الموضوع جميل اللي استفزتني وخلتني اقراها للاخر جميله فعلا
وادعوك لقراءة مدونتي .

فشكووول يقول...

السلام عليكم محمد التميمى

تحياتى

انا بحبك جدا يا محمد وباحترمك جدا عشان انت حتريحنى بالحكايه دى

لو قدر لك أن تدخل السجن فما هى القضية التى تتمنى أن تدخل بها إليه؟
اغتيال حد كده فى بالى اهو ابقى ريحت واستريحت وكمان احس انى عملت حاجة منعت الدنيا كلها من اعتبارى كنبة اة كرسى بيتورث من ابن لابوه...

يا سلام يا محمد لو تقدر

تحياتى

حلم بيعافر يقول...

حنين
ايما منورانى كده وباول تعليق
ماشى ياستى مبروك عليكى اول تعليق
دخلتى التاريخ انت كمان يللا هما رؤية وليساندرا احسن منك يعنى؟
ههههههههه
منورة

حلم بيعافر يقول...

ليساندرا

منورة وبعدين تاج من ليساندرا ميستناتش

حلم بيعافر يقول...

رانيا على اللى موش فقيرة عشان بتحب
ادخلى ياختى وسعنا اهوه للمدرسين
انت فرحانة قوى انك مدرسة؟

ههههههههههه انت متفائلة قوى

ومش هريحك واقر واقول بلسانى ع اللى عايز اغتاله وبعدين المدونات ليها ودان
منورة

حلم بيعافر يقول...

احمد الصعيدى
انت معدى كده ولا كان ليك تاج

بس هتاخده يعنى هتاخده

شغل عافية بقى هههههههههه
منور

حلم بيعافر يقول...

the illusinist
انا واحد ياعم مش واحدة
يوووووووووووووووه
انتوا هتشككونا ف نفسنا ليه ياجدعان؟

منور يا معلم

حلم بيعافر يقول...

اتمنى الشهادة

ربنا ينولك اللى بتتمنيه وينولهالنا احنا كمان

منورانى

حلم بيعافر يقول...

منار فايد

مش هتكلم غير قدام النيابة

هههههههههه مش هريحك انتى كمان واقولك مين اللى عايز اموته

منورة والله

حاجة ساقعة للست هانم يااااااااض

حلم بيعافر يقول...

اقصوصة

اول زيارة

يدوم التواصل بقى ومنورانا

والمشاريب فى اول زيارة مجانا
تشربى اييه؟

حلم بيعافر يقول...

محاسن صابر

شوف ياخويا الناس بتتكلم فى ايه والست بتتكلم فى ايه؟

هههههههههههههه

منورانا برضه على اى حال

حلم بيعافر يقول...

دينا

منورة يا ست هانم

حلم بيعافر يقول...

حاول تفتكرنى

ربنا خليك

كلامك ده ياريت استحقه
منورنى

حلم بيعافر يقول...

ايمى

الاحلى والاحلى مرورك

نورتينا

حلم بيعافر يقول...

معتز شاهين الباحث التربوى

منور يافندم

وقهوة يا ابراهيم عشان الاستاذ تبعنا وله مكانة خاصة

حلم بيعافر يقول...

جودى

دانا غلبااااااااااااان

هههههههههه

منورة دايما

حلم بيعافر يقول...

مصعب صلاح

علم وينفذ

منور

حلم بيعافر يقول...

ديالا

هع

ولا بيهمنى

ههههههههههه قال بنت ومش رغاية قال


منورة والله

حلم بيعافر يقول...

ايوشة

تنورتينا ويارب تنورينا دايما كده

حلم بيعافر يقول...

جى جى

يامرحبا يامرحبا

منورانا وتشكرى ياستى ع الكلام ده

حلم بيعافر يقول...

ايمان عبدالنبى

احنا لينا الشرف اننا نزورها

نورتينا

حلم بيعافر يقول...

فشكوووول

ااااااااااه!!!

حضرتك بتتلكك وماصدقت واحد قال عايز يغتاله

امممممممممممممم

طب انا لازمانى تكالبف للعملية

فك كيسك بقى عشان احققلك اللى لابتطلبه ومتخافش لو اتقفشت مش هجيب غير سيرتك

هههههههههههههههههههه

منورنا واله يا عم فشكول

ليس فقيرا من يحب يقول...

ومفرحش ليه بئى انى

مدرسه ومالهم المدرسين

شكلك جاسوس بينا

معشر المدرسين

حلم بيعافر يقول...

خلاص ياجماعة

انا هريحكوا واقر واعترف واقول مين اللى ورايا فى عملية الاغتيال دى واقول هغتال مين كمان

طبعا اكبر راس ورايا الاسيتاذ فشكول وكلامه اللى فى رده ده يعتبر اشارة خضراء معناها نفذ العملية

اما التمويل بقى فهو عن طريق رانيا على اللى متخفية فى صورة مدرسة وهى اصلا زعيمة التنظيم ههههههههههههههههههه(ابقى خلى بقى التدريس ينفعك)

وطبعا هنغتال اخو علاء

بحب الحكومة يقول...

ايه ده كله
ايه ده كله

( نجيب الريحانى )

كل ده يطلع منك انت
انا مازهقتش من طول التدوينة

لان اسلوبك رائع فى السرد

انا اتدايقت من كتر الاسئلة
حسيت انك بتسألنى انا
وانا مابحبش حد يقولى انت ....؟؟؟؟

لانى ما بعرفش اجاوب على اسئلة واقعية

على العموم تقبلنى صديق



تقبل مرورى

اقصوصه يقول...

اشرب سحلب

لوووووووووووول

اللى موش عارف يتغير يقول...

عايزك تكتب عن الزمالك

والاسماعيلى قصدى الاهلى اللى بقى كله اسماعيلى

حلم بيعافر يقول...

بحب الحكومة

اهلا بيك اخ وصديق كريم

ومنورنا والله

حلم بيعافر يقول...

اقصوصة

السحلب غالى

بس هو اول مرة ببلاش

ههههههههه

منورة للمرة التانية

حلم بيعافر يقول...

اللى موش عارف يتغير

كل مرة تتكلم فى حاجة مش موضوعنا

ههههههه

بس كويس انك موجود

عموما منورنا