الأربعاء، 26 أغسطس 2009

احصائية مستفزة...


الاول طبعا كل سنة وانتم طيبين ورمضان كريم ويارب تكونوا فى اتم الصحة والخير والسعادة

العماااااااااااااااااااااااااااااال...مين بيتكلم باسمهم؟!!!....وله الحق يتكلم باسمهم ولا لاء؟!!...ومين بيعمل احصائيبات عنهم وبيتابع اخبارهم ومشاكلهم؟!!!....وبيتابع وبينقل بامانة ولا لاء؟!!! ..مؤخرا قريت احصائية استفزتنى قوى فى مدونة عمال مصر الاحصائية بترصد عدد ساعات العمل اللى بيقدمها العمال على مستوى العالم وطبعا كمان العامل المصرى هو الاول فى الاحصائية دى بعدد ساعات 2373 ساعة سنويا ....طبععععععععععععا احصائية اى كلام وفشنك واللى عملها لانزل للمصانع وشاف ولا اتحرك خطوة واحدة من مكانه وعملها بناء عهلى حاجات كده متعرفش هى ايه بالظبط...والاحصائية او الدراسة دى اجراها زى ماورد فى المدونة المذكورة فوق مصرف سويسرى اسمه (يوبى اس)..اجراها بقى ازاى وبناء على ايه ..الله اعلم بقى...طبعا اللى هيقرا الرقم هيقول ياااااااااااااااه الله يكون فى عون العمال المصريين دول وبفضل يضرب كف بكف ويقول ده ظلم والله

سيبنا من احصائية المصرف السويسرى بقى وتعالوا نشوف كده احصائية واحد فى المطبخ وشايف وبحكم شغله عارف الارقام وعدد ساعات العمل المظبوطة...لو العامل المصرى بيشتغل فى السنة اقل من 3000 ساعة يبقى انا عبيط ومبعرفش اى حاجة فى الدنيا خالص(انا بتكلم عن اللى قدامى واللى انا شايفه بعينى واعرفه)....يعنى حاجة كده زى الاستعباد واعتبار العمال دول شوية بهايم مبيحسوش ولا ليهم اى لازمة فى الدنيا والمصيبة الكبيرة بقى ان نادرا لما تلاقى حد فى العمال دول بيتكلم او بيطالب بحقه او حتى بيعترض على عدد ساعات العمل الاضافى الكتيييييييير اللى بتوصل متوسط عدد ساعات عمله على مدار السنة لاكتر من 3000 ساعة

طبقة العمال فى مصر تكوينها وتركيبها اختلف كتير جدا عن زمان ودخل فيها فئة جديدة المفرووض انها فئة مثقفة ومتعلمة وتعرف تطال بحقوقها بس ياخسارة وللاسف سلوك العمال ماختلفش من زمان لدللوقتى رغم دخول خريجى الجامعات والتعليم العالى عليهم ولسه برضه لحاد دللوقتى الطبيعة السايدة بين العمال هى الصمت والانكسار والرضا
بالقليل اللى هو اقل من حقهم بكتير قوى قوى قوى قوى

طبعا الدولة ولا هى هنا ومالهاش اى دعوة غير انها تشجع اللى يبتقول عليهم مستثمرين وتديهم كل حاجة رخيصة وتديهم جميع التسهيلات وتسيبهم يولعوا فى العمال بجاز وسخ مع ان المفروض التسهيلات اللى بتتعمل للناس دى بتتعمل على اساس انهم بيوفروا فرص عمل جديدة للشباب يعنى الدولة بتهتم بشبابها كده وكده حاجة من بره بره تقضية واجب يعنى وضحك ع الدقون وعد كام الف فرصة عمل بتتوفر من خلال التسهيلات للمستثمرين(لزوم البرنامج الانتخابى لابو علاء) اللى هيشغلوا الشباب ويحلوا مشاكلهم(ابقوا قابلونى)

فيه حاجة كده غايظانى بجد وهى ان بعض المدونين خلوا الدخول لمدوناتهم اللى كانوا فاتحينها بدعوة...طبعا دى حاجة مش من حقهم انهم يعملوها غير بعد تنويه وبعد فترة انتقالية فيها الناس تعرف ان المدونة هتتقفل على القراء المدعوين وبس وحاجة تانية كمان وهى انقطاع بعض المدونين عن الكتابة فى رمضان مش عارف ليه بالظبط ..يمكن الكتابة بقت حرام وانا مش واخد بالى ولو الكتابة حرام هل هى حرام فى رمضان وبس؟!!!

اتجاه كل الناس لعمل واحد او لموضوع واحد شىء يدعو للملل ومع بداية شهر رمضان بصراحة وانا بلف كده فى المدونات لقيتها تقريبا نسخة واحدة واللى هنا زى اللى هناك ...طبعا كلنا فرحانين برمضان وبالصوم بس برضه التكرار مبحبوش وحاجة بتضايقنى جدا

هناك 22 تعليقًا:

فتاه من الصعيد يقول...

انا معاك ان العمال دول ولا عمال التراحيل

ورمضان كريم بس الناس يمكن مشغوله عن التدوين شويه

واحده من الناس يقول...

انت محصلتش
اولا العمال دول مش بيتكلموا لاننا ف مصر
عارف انت احنا لو فى دوله تانيه كان الوضع اختلف
لان كان العمال هيقوموا مظاهرات ويطالبوا بحقهم بس عارف انت
ماهم بردوا العمال عندهم حق
هيعملوا ايه
هيبطلوا شغل ويعملوا مظاهرات ولا حد هيسمعه ومش بعيد يفقدوهم السمع كمان
طاب يعملوا ايه
يبطلوا شغل كوسيلة ضغط
والله الحكومه انت عارفها ولا يهمها تبعت تجيب عمال من الصين زى ما غزت العماله الصينيه شركات مصر ف الايام اللى فاتت

وطبعا العمال محتاجين لكل قرش ولو قليل
ماهى بيوت مفتوحه

طاب يعملوا ايه فكر كده
هيقولوا بس
سلمنا امرنا ليك يارب

بالنسبه بقا للمدونات فده لفت انتباهى فعلا
بس قلت براحتهم
ولو انها فى الحاله دى تبقا مش مدونات دى تبقا مدونات قطاع خاص
واحنا حكومى
ولا تبقا زى النوادى اللى تبع النقابات
اظن دى تبقا دونات للدلع والهء والمء وطبله ورق
وياعم هما اللى خسرانين

اما للتوين فى رمضان فوالله انا فعلا رفضت خالص اكتب عن رمضان عشان الملل
بقيت كل ما افتح مدونه الاقيها عامله بوست عن رمضان
تحس كانه موضه وكله مقلدها
انا كان عندى افكار لكام بوست بس معلش فعلا زى ما قالت فتاه من الصعيد فى مدونين مشغولين برمضان
وكل سنه وانت طيب
:)

شبه إنسانه .....( سهوره ) يقول...

عندك حق وربنا يا حلم أفندى

أشكرك لطرح هذا الموضوع

تحياتى

سهوره

youssif يقول...

المعافر الدائم ...

اولا مفيش احصاء حقيقي في مصر ...
الدولة بطريقة شبه رسمية مانعة اي احصاء يتم علي اي اسس صحيحية في مصر علي اي مستوي ... و علي اي حاجة مش العمال بس ...

الحالة إللي وصل ليها العامل المصري هي حالة وصلها المجتمع ككل و الدولة ككيان مدني المصيبة انه المفروض صناعي و اصبح يعتمد علي الصناعة ... لكننا للأسف الشديد اصبحت دولتنا دولة سمسرة و عمولات و المواطن المصري مجرد وسيلة او زي القطيع إللي بيتم تجميعه و تحصيله لخدمة مصالح رجال الأعمال و المستثمرين الأجانب ...

اصبح الأهتمام بكفاءة العامل المصري متدنية جدا و غير كافية حتي لا يكون للعامل المصري قيمة لا في بلده او في اي بلد اخر ...
و بالتالي يتم استغلاله و استغلال ادميته كايد عاملة بشرية و العمل لأطول الساعات و بأقل سبل الحماية و الأمان و بإدني الأجور ...

مع ان العامل هو مقياس تقدم الدول الصناعية الكبري دائما ...

لنا الله يا عزيزي ...

وومن يقول...

هو انت علي طول كدة يا حلم لا بجد فعلاً عندك حق طب احنا مش من فئة العمال تعالي كدة شوف اي شركة قطاع خاص بتصول ساعات العمل فيها كام ساعه في اليوم وتعالي بقي اتكلم وقول قانون عمل ولا مش قانون انا بشوف وبسمع من صحابي العجب

نيجي بقي للمدونات مين قال الكتابة حرام في رمضان لاء مش حرام ولا حاجة بس طبيعي ان في ناس كتير لا بتتفرغ لشغل البيت زي حالاتي لا بتتفرغ للعبادة او بتخطط للشهر بشكل مختلف من باب الإستفادة الأكتر والتغيير

شهر رمضان مش زي اي شهر تاني كل واحد بيقضية بطريقتة كل سنة وانت طيب ومختلف

مي يقول...

عندك حق فى موضوع العمال ده
ربنا يستر علينا كشعب ويستر على الايام الجاية
بالنسبة للتدوين هو مش حرام بس ممكن يكون الشغل والعبادة وقيام الليل وكده يعنى هو اللى بيشغل الواحد شوية
كل سنة وانت طيب
تحياتى

حاول تفتكرنى يقول...

رأي شخصي فى مسألة ساعات العمل وبعيدا عن الإحصاءات ، أن المصريين فعلا ربما تتجاوز ساعات العمل لديهم العدد المتعارف ، ولكن المشكلة الأزلية أن ععد ساعات العمل أكثر ، والانتاج الفعلي اقل بما يزيد عن 80%

تعرف ليه
كلنا نذهب للعمل ونحن مثقلون بمئات العباء النفسية ، والمشكلات الاجتماعية ، والتفكير المضني في العيش والعيشة ، نحن لا نجيد افراغ الشحنات السلبية قبل ذهابنا للعمل ، مثلما يفعل الآخرون فى الويك إند
حاول ان تكون اجازتك الاسبوعية ن بلا اعباء ، بلا تليفون ، فقط خروج للطبيعة واستمتاع بالحياة ، اعدك ستجد اسبوعا من العمل المنتج الفعال


بالنسبة لموضوع المدونات ، فاعتقد انها صفحة خاصة ، وكل شخص يكتب ما يريد أن يكتب ، ومسألة الاتجاه العام محض صدفة ، احيانا نتمني أن يكون هناك اتجاها عاما فى احداث معينة لنزيد الحدث هذا اهمية

فى النهاية ، لن انسي شكرك على موضوعاتك

تحياتي

ليس فقيرا من يحب يقول...

السلام عليكم


يبنى الاحصا دى شغلتنا

نعملك اجدعها احصائيه متخرش المياه

وطبعا حياتنا زى الفل والامور تحت

السيطرة والكلام اللى انت بتقوله

ده كلام الحاقدين المتمردين على النظام

العمال ميت فل وعشرة ومأنتخين على

الاخر ومفيش تعب ولاذل ولاقرف ولا

استعباد

المهم ربنا كبير وقادر يعدل الحال

وبالنسبه للكتابه مين قال انها حرام

بس المشكله ان فى حجات كتير بتشغل

فى الشهر ده ومش هاقولك العبادات بس

لان شغل البيت بياخد وقت كبير برده


كل سنه وانت طيب ورمضان كريم

ضكتور جدا يقول...

أولا كل سنة وأنت طيب
..................
معك في أن الإحصاء ليس حقيقيا في مصر وأحيانا برة مصر
.......................
وكذلك بتضايق من اللي بيقفل مدونته في وش الناس بدون سابق انذار
....................
ورمضان كريم

بنت الأسلام يقول...

بوست موفق وطرح رائع
وبعدين إحنا فى مصر يعنى توقع أى شىء
أما بالنسبة للتدوين والمدونين فى شهر رمضان وذلك لقيمة الشهر العظيمة وان كل واحد مش عايز يضيع فية ولا ثانية عشان كدا ممكن تلاقى كتير من المدونين ينقطعوا عن التدوين .وفقك الله إلى ما يحب ويرضى
رمضان كريم

حلم بيعافر يقول...

فتاة من الصعيد

تراحيل تراحيل والرزق قليل معلهش
يازمن يا بخيل معلهش
فكرتينى باغنية يحيى غانم وفرقته

كل سنة وانت طيبة

حلم بيعافر يقول...

واحدة من الناس


لاء انا حصلت ههههههههههه

ونفسى اشوف العمال الصينيين اللى هيجوا هيتحملوا ولا هيبوظوا بعد شهرين

هههههههههههههههه

كل سنة وانت طيبة

حلم بيعافر يقول...

سهورة هانم

منورة يا بنتى وكل سنة وانت طيبة

حلم بيعافر يقول...

يوسف

ايه ياعم قطيع والكلام ده؟

هتودينا فى داهية

كل سنة وانت طيب

حلم بيعافر يقول...

وومن

متفقييييييييين

منورة وكل سنة وانت طيبة

حلم بيعافر يقول...

مى

منولارة وكل سنة وانت طيبة

حلم بيعافر يقول...

حاول تفتكرنى

ياراااااااااااااجل لاء


الانتاج اللى بشوفه انتاج طحن والله

وانت حر فى رايك بالنسبة لتخصيص وقفل المدونات

منور وكل سنة وانت طيب

حلم بيعافر يقول...

ليس فقيرا من يحب

ماااشى يا مسيطرة


منورانانا
كل سنة وانت صايمة
هههههههههههههههه
قصدى وانت طيبة

حلم بيعافر يقول...

ضكتور جدا

منور يا ضططرة
ههههههههههههه
كل سنة وانت طيب

حلم بيعافر يقول...

بنت الاسلام

منورة وكل سنة وانت طيبة

اشراقة فجر يقول...

eshraqtfagr.blogspot.com
هنطير كلنا ان شاء الله

ن يقول...

السلام عليكم
بمناسبة حلول عيد الفطر المبارك .. كل عام وانت بخير .
مع خالص تحياتى