السبت، 29 أغسطس 2009

استنضف وشجع الزمالك....



الحقيقة مبقتش حاجة غير عادية دللوقتى انى اسمع اى نشرة اخبار والاقى مصادمات بين مجموعة من المسلمين والمسيحين والاقى كمان اصابات ويمكن خساير فى الارواح واخر الحوادث دى-ان جاز تسميتها حوادث-المصادمات اللى حصلت فى مارجرجرس بالدقهلية.الشىء الغريب هو اننا عايشين مع بعض ووشنا فى وش بعض طول السنة وبناكل مع بعض وكل حاجة بس برضه قلوبنا مش صافية لبعض وعندنا حساسية رهيبة جدا ومبنستحملش حاجة من بعض(هى فزورة باى حال من الاحوال).
طب يعنى ايه مثلا ان الامام يدعى على جار ليه وهو بيصلى والادهى ان الناس بترد وراه وتقول امين؟!!..ايوه والله هو ده اللى بيحصل وبعدين نيجى نقول ققبول اخر..قبول اخر ايه بقى؟!!!ازاى ناس عايشين معاهم ونيجى ندعى عليهم فى الصلاة ومكبرات الصوت توصل الصوت لكل مكان....يعنى صاحبك_لو ليك صاحب مسيحى مثلا- لما يسمع الجامع اللى انت بتصلى فيه وهو بيدعى على النصارى هيمشى معاك بعد كده عادى؟!!!وتلاقى المسيحين هما كمان واخدين نفس النهج ويقولك المسلمين دول ولا كذا فى كذا ...افتكر ان الرسول عليه الصلاة والسلام اتجوز واحدة كانت مسيحية واسلمت-وعلى حد علمى وان كنت غلطان حد يصحح- ان االجواز من مسيحية مباح شرعا ..طب ينفع تبقى مراتك وتروح الجاتمع تدعى عليها؟!!!
انا مش بتكلم فى الدين على فكرة بس بحاول اناقش حاجة معاكم يمكن حد يقدر يفهمهالى كويس عشان هى بقت اشبه بالفزورة اللى مش لاقيين لها حل...ناس عايشين مع بعضهم وقلوبهم هما الاتنين مش صافية لبعض على الرغم من ان ظاهرا هما متصاحبين وبينهم ود وفيه ناس منهم متجوزين من بعض
يمكن حل الفزورة دى ان مفيش عندنا حاجة مهمة جدا او يمكن تكون عندنا بس برضه زى الحاجات التانية عندنا كده وكده وبتدرس للعيال فى المدارس وبتتقال كتير قوى فى الخطب وبتتقال لما حد يطلع فى التلفزيون ويقول بؤين حلوين كده يهدى بيهم الجو او يجمل الصورة والوضع العام
(قبووووووول الاخر)ام المشاكل واكتر حاجة بيتغيظنى انا شخصيا لان انا شخصيا اوقات بقع فى المشكلة دى.احنا شعب ايماننا بان فيه حد غيرنا وقيمه وتقاليده وعقيدته مختلفة عننا وعايش جنبنا هو بالظبط نفس ايماننا بان فيه كائنات فضائية هتهجم علينا وتحتلنا وتموتنا.
حتى فى الرياضة اللى هى المفروض تكون مساحة اوسع لوجود القيمة دى فيها برررررضه بتعانى من نفس المشكلة واوضح مثال على كده تناحر مشجعى الاهلى والزمالك ومحاولة كل طرف لالغاء التانى .
وبما انى زملكاوى ومعنديشس ومعرفش حاجة اسمها قبول الاخر فانا من هنا ومن هذا المنطلق ومن هذه المدونة هطلق حملة اسمها.........؟!
اسمها ايه ..اسمها ايه..ايييييييييه اااه..اسمها ...استنضف وشجع الزمالك....هههههههههههههههههههههههههههههه
كل سنة وانتم طيبين ومحدش ياخد باله من الكلام اللى فوق ده عشان انا كنت بهيس وجعااااااااااااان والصيام ماثر عليا قوى وكنت بفكر اصوم لحاد الضهر بس رجعت فى كلامى وقلت اكمل بقى لحاد المغرب وخلاااااااااااااااااااااااااااااااااص
امتدادا للفتاوى الصادرة عن ال82 مليون مفتى اللى عايشين فى مصر احب ابلغكم بفتوى المفتى اللى عنده الرواتر وماسك الشبكة اللى انا موصل منها النت....هاااااااا. مستعدين لسمااااااااااع الفتوى ولا لاء؟ اقولها بقى وخلاااااااااااااص عشان يمكن ده يبقى اخر بوست ليا فى رمضااااااااااااان...فضيلة المفتى اللى عنده الراوتر ياجماعة بيقول ان النت حرام فى رمضان وعشان كده هيضطر انه يفصله لحاد ما رمضان يخلص وانا طبعا رضيت بفتوى المفتى لان طبعا انتم عارفين اصلا ان ال82 مليون مفتى فتواهم لا ترد ومحدش اصلا يستجرى يناقش حد فى الافتوى بتاعته هههههههههههه بس والله العظيم هتوحشونى..يللا بقى دنيا ومحدش واخد منها حاجة
طبعا لو وحشتونى قوى يعنى هبقى اخش ارخم عليكو من اى سيبر مع انى ماليش تقلا عليهم اصلىى عندى مبدأ (بلايستيشن ؟ممكن انما سيبر لااا يومكن استغفر الله ههههههههه) والله العظيم الواحد مابقى عارف ايه حرام وايه حلال فى ظل الزمن الاسود اللى احنا فيه ده اللى كله بيفتى فيه.

هناك 56 تعليقًا:

د. ياسر عمر عبد الفتاح يقول...

بقي كده؟
استنضف وشجع الزمالك؟

طيب ما توفر أدوية الضغط والسكر وتقي نفسك الذبحة الصدرية وأمراض القلب ,, وشجع الأهلي
قال زمالك قال

اسمع كلام الشيخ صاحب الراوتر
طيب ومقالكش إيه دليله علي كده؟
يعني حد من الأئمة الربعة قال الكلام ده مثلاً؟
أه يا بلد

المهم تبقي تعالي زورنا من حين لأخر كده
وبلاش تنفض
كل سنة وانت طيب بمناسبة العيد
اقولهالك من دلوقت يمكن يأخر توصيل النت بعد رمضان ومنعرفش نقولهالك

3mr wa2el يقول...

استنضف و شجع الزماللك

زى استرجل واشرب بريل

اولا هقوللك المفتى بتاعك دة حلو اوى و ربنا يديم و يخيل فيروسة عندة ف روتورة و احي مفيتنا منا لاشاعات دي هههههههه

و كلامك حلو

و انا و العياذ بالله من قولت انا زملكاوي مسلم مصري دقهلاوى و ناقد لاى حد

خلقت لكي اعترض يعني

بس بجد اسلوبك حلو يا مللك

كل سنة و انت طيب

7annen يقول...

كل من قال الله اعلم فقد افتى

طالما مبتستخدمش الحاجه دى فى شئ يغضب ربنا تبقى فى السليم

اهم حاجه استخدام الشخص للشئ

وبعدين زمالك ايه دا

هو لسه فى فريق بالاسم دا

ههههههههههههههههههه

بعد الاهلى محدش يتكلم ويقول انه بيعرف كوره

حنين

مي يقول...

استنضف وشجع الزمالك هههههههههههه
الحمد لله انا ماليش فى الكرة جت سليمة
بس حكاية النت حرام دى جديدة
ربنا يبارك فى شيوخنا نفسى يتفقوا على رأى واحد
وبلاش الفتاوى اللى بتودينا فى داهية
وانت خلاص مش هتدخل ههههههههههههه
بس الشيخ مش قال المدونات حرام ولا لاء
ههههههههههههههههههههه
تحياتى يا عثللللللللللللل

مسدس صغير يقول...

انا كان ممكن اشجع الزمالك بس فى حالة وحدة لو كان ميدو وعمرو زكى وشيكابالا بيلعبو فى الزمالك
ايه ده هما فى الزمالك؟؟؟؟؟؟؟؟؟؟
بجد؟؟؟؟
امال بتروجيت والمقاولين والكلام ده ازاى؟؟
ههههههههههه
تعيش وتشرب
طالما من بلدكو صدقو لأن بلدكو فيها دار الافتاء
ههههههه
اما بقى بالنسبة للموضوع الرئيسى

" لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ"

(المهاجر الى الله) يقول...

السلام عليكم ورحمة الله وبركاته:
كل عام وانتم بخير بمناسبة شهر رمضان الكريم.
واوعى تعملها بصحيح وتصوم لحدالضهر
اما بخصوص استنضف وشجع الزمالك ، فأنت عندك حق مائة بالمائة، انا دايما اقول ان الانسان الطبيعى المتوافق مع نفسة ومع المجتمع والراقى واللى عنده ذوق رفيع لابد وان يختار الزمالك وهوه مغمض عينه.

مصري جدا يقول...

أولا انا أهلاوي

ثانيا البركة في الشيوخ والقساوسة اللي ما عندهمش اي فكر غير ولع ولع

ثالثا سلم لي على مفتي النت وقول لة والنبي تتلهي على عينك

youssif يقول...

انت الصيام مأثر عليكي اوي اه والله ...

نفسي مرة يا اخي تتكلم في موضوع واحد في بوست واحد مش تقعد تنط بيا و بأفكارك كدة مليون نطة ...

مبدئيا عاش الزمالك عاش ...

ثانيا بقا و دة الأهم :

مش كل الناس عندها حالة الأحتقان بين المسلمين و المسحيين ... لا في ناس كثير معندهاش الأحتقان دة فمينفعش نعممه ... لكن في نفس الوقت مننكرش انه زاد ... و من الواضح ان الأحتقان دة بيظهر اكثر مع الجهل و الفقر ... و كل ما بيزيد الجهل و الفقر كل ما بيزيد الأحتقان و شحنات الغضب إللي بتحتاج لأخر تفرغها فيه و هنا يساعدك الجهل إللي بيقنعك ان الأخر دائما وحش مش انك تتعامل و تتواصل معاه ...

ثقافة التعامل مع الأخر عموما مش موجودة في فئات كثير في المجتمع المصري ... الأخر دائما غير مقبول و غير مرغوب فيه ...

خصوصا الأخر في الدين ...

مش قادرين يفهموا او يتخيلوا ان مبدئيا مفيش حد حيبص لدينه انه اقل مرتبة من دين اخر ... ياعني عمر البوذي ما حيقول انا ديني كويس بس بعد الأسلام و المسيحي حيقول انا ديني يقع بين اليهودية و الأسلامية ...

فبقت نقطة العقيدة شئ لازم تحترمه في الأخر عشان الأخر يحترم عقيدتك ...

و ان الدين في النهاية لله ...

و انك قبل ما تحاسب اي حد ... حاسب نفسك ... مين ضامن جنته ... مين ضامن انه صالح ... هي مجرد عقدة نقص لا أكثر بتعوضها في شخص اخر يختلف عنك ...

عموما انا اصدقائي فيهم قبطيين كثير و اساسا بعد بكرة رايح افطر برة مع واحد صاحبي قبطي ...

و ميجوزش ابدا اني احكم علي حد من دينه و انما من شخصيته و اخلاقه نفسها ... و اظن كمية الصيدليات إللي بيشتغل و اصحابها قبطيين و اسلوبهم المحترم و كفائتهم في شغلهم و المحلات الأخري التجارية لأصحاب الذقون إللي بيغلوا في الأسعار و بيسرقوا اكبر دليل علي ذلك ...

تحياتي ليك ايها المشاغب ...

استمر برضه في معفرتك ...

شبه إنسانه .....( سهوره ) يقول...

صباح الخير

عايزه أأقولك ان تناولك للقضايا رائع بجد

ربنا يبارك فيك

وكل سنة وانته طيب

تحياتى

فتاه من الصعيد يقول...

استنضف وشجع الزمالك ..... قصدك استحمل وشجع الزمالك لغايه ما تموت ناقص عمر ..... ودوري وكاس :))

بس بالنسبه للمشاحنات بين المسلمين والمسيحيين ..... فطبعا في حاجات جوه الناس ..... واي شويه مشاكل بتطلعها ..... بس التعامل الامني بيزود المشاكل جدااااا

وعلى فكره المفتي بتاعكم ده بيستهبل ..... ومتسيبهوش كده

ضكتور جدا يقول...

طيب
مابقاش الا الزمالك
تحياتي

ليس فقيرا من يحب يقول...

ههههههههههههههههههههههههه

استنضف وشجع الزمالك

حاضر

ترجع بالف سلامه

أم مالك يقول...

انا جاية اسلم عليك واقولك
كل سنة وانت طيب
بالنسبة للكرة مليش فيها بس عمك ابو مالك زملكاوى
بالنسبة للمفتى مش عارفة فين الحرمانية
ربنا يهدى
حاسة انك اكيد حترجع تانى متقدرش
تستغنى عن الاحباب
دمت بخير

حمدى جعوان يقول...

واضح ان المفتى بتاعك له فرع تانى فى الشارع بتاعنا
لانه اصدر نفس الفتوى عندنا ... بس مسكتناااااش
وسيبك من التشكيك اللى بيحصل الايام دى فى الزمالك واثبت وخلييييييييك زملكاوى ( دا حبى الاول والاخير )

موضوع المشاحنات بين المسلمين والمسيحين بصراحه بحس انه انه مشكله مستحدثه او حاجه يمكن تكون جديده على مصر ... يمكن لانى بسمع من الناس الكبيره وكدا انهم كانوا عايشين مع بعض بدون اى مشاكل او حاجه فى النفوس الا طبعا الامور البسيطه اللى لا تذكر ... ويمكن المشكله دى من مشاكل كتير اتغلغلت فى المجتمع مع الظروف اللى بنمر بيها كلنا ( مسلمين ومسيحين )..
انا رايى ان الحوار والنقاش بنفس صافيهوالمصارحه هو الحل الوحيد للموضوع ده .

أبو العريف يقول...

ازيك يا باشا

انا اول مره اجي هنا

واول مره الاقي حد بيستنضف قوي كده

والله انا اكاد اجزم ان جمهور الزمالك هو اخلص جمهور علي الاطلاق

تحياتي

بنجاواتى يقول...

سلام عليكم

كل سنة وانتم طيبين
ويارب تكونوا بخير

ده سلام ع السريع كده معلش بقى


كل سنة وانت بخير

غير معرف يقول...

السودان أرض مصرية

لم يعد مخطط تقسيم السودان إلى دويلات – بالأمر السري الذي تتداوله أجهزة مخابرات الدول الكبرى بل أصبح متداول فى وسائل الأعلام الأوروبية و الأمريكية . فالسودان سيتم تقسيمه إلى خمسة دويلات هي : دارفور ، جبال النوبة ، الشرق ، السودان الجديد ، السودان الشمالي والمقصود بالسودان الجديد – بداهةً – جنوب السودان. ويهدف هذا المخطط لخدمة “إسرائيل” أولاً وأخيراً، وحرمان العرب من أن يكون السودان الغني بأراضيه الخصبة وموارد المياه “سلة الغذاء العربية”، ومحاصرة واستهداف مصر، بالتحكم في مصدر حياتها، أي مياه النيل، ودفعها لأن تضطر إلى شراء مياه النيل بعد اجتراح قوانين جديدة بتقنين حصص الدول المتشاطئة القديمة والدويلات الجديدة…………………….

باقى الموضوع يوجد ضمن مقالات ثقافة الهزيمة فى الرابط التالى:

www.ouregypt.us

Sharm يقول...

فكرتني بأعلان استرجل و اشرب بيريل

kmt يقول...

السلام عليكم ورحمة الله وبركاته

كل سنه وانت طيب

هوا لسه في حد زمالكاوي هما مش انقرضوا باين
D:

رمضان كريم

تحياتي
الى اللقاء

اللى موش عارف يتغير يقول...

هههههههههههههههه
ازيك يا محمد وكل سنة وانتم جميعا بخير
موضوع الزمالك ده عادى وده طبعا متفقين عليه

بس ايه موضوع الفتوى ده بتاعة النت
ههههههههههههه
سلامى للجميع

mahasen saber يقول...

طب واليى ملوش فى الكوره يستنضف ويشجع ايه ...نفسه

عيد سعيد عليك وعلى كل احبابك ويا رب كل ايامك مباركه وسعيده

mimi يقول...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

ألعبوا مع بعض ما تتخانقوش

د. ياسر عمر عبد الفتاح يقول...

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

ghorBty يقول...

كل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

سراج يقول...

عيدكم مبارك وأيامكم سعيدة وإن شاء الله من العايدين بصحة وسلامة

أنت قلت أنها حساسية والحساسية مرض والمريض ليس عليه حرج:)

GiGi world يقول...

كل عام وحضرتك بيخر وصحه وعافيه
تقبل الله منا ومنك صالح الاعمال

ليس فقيرا من يحب يقول...

السلام عليكم

كل سنه وانت طيب يارب

عيد سعيد عليك وعلى كل حبايبك

فتاه من الصعيد يقول...

كل سنه وانت طيب بمناسبه العيد .... الا هو المفتي بتاعك افتى ان النت حرام طول السنه ولا ايه ؟

حلم بيعافر يقول...

دكتوووووووووور ياسر

كل سنة وانت طيب والشيخ صاحب الراوتر خلاص فك الحظر والحمدلله انا اللى الكمبيوتر بتاعى ضرب وعمل حظر هو كمان ههههههههههه
زملكاوى بقى وفقر

حلم بيعافر يقول...

3mr wa2el
لاء لاء لاء احنا اصحاب الفكرة من الاول وبيريل اللى خطفتها مننا

منورنى يا دقهلاااااااااوى

حلم بيعافر يقول...

حنين

اه لسه فيه فريق بالاسم ده استخبوا بقى احسنلكوا

ههههههههه
كل سنة وانت طيبة

حلم بيعافر يقول...

مى

لو عايزانى اطلعلك فتوى انا بحرمانية المدونات اطلعهالك انا
بس هتدفعى كااااااااام؟
ههههههههههههه
كل سنة وانت طيبة

حلم بيعافر يقول...

مسدس صغير

جبت الخلاصة ويارييييييييييت مشايخنا يبقوا عارفين ربنا قال ايه

منور وكل سنة وانت طيب

حلم بيعافر يقول...

المهاجر الى الله

وانت طيب ومنورنى

حلم بيعافر يقول...

مصرى جدا

هههههههههه ياعم بالراحة ايه الدخلة دى احنا اخوات برضه

كل سنة وانت طيب

حلم بيعافر يقول...

يوووسف

كل سنة وانت طيب يا جو

على فكرة كلنا اقباط لان القبطية عرق مصرى ملوش دعوة بالدين
انما فيه مسلم ومسيحى
كل شسنة وانت طيب

حلم بيعافر يقول...

سهورة

منورانا ومرورك هو اللى رائع

كل سنة وانت طيبة

حلم بيعافر يقول...

فتاة من الصعيد

هو استهبل علينا والللى كان كان بقى

كل سنة وانت طيبة

حلم بيعافر يقول...

ضكتور جدا

ماله الزمالك؟

شكلك هتتثبت هنا
هههههههههههههه
كل سنة وانت طيب

حلم بيعافر يقول...

ليس فقيرا من يحب

شاطرة والله

انا بحب اللى بيسمع الكلام كده علطول

كل سنة وانت طيبة

حلم بيعافر يقول...

ام مالك

ابومالك ده راجل بيفهم والله

كل سنة وانت طيبة

حلم بيعافر يقول...

حمدى جعواااااااان

حبيبى وابن حبيبى
ههههههههههههه
منور يامعلم والبيت بيتك
كل سنة وانت طيب

حلم بيعافر يقول...

ابو العريف

اى خدمة ومنور يا معلم

كل سنة وانت طييب

حلم بيعافر يقول...

بنجاواتى

وانت طيب يامعلم ومنور

حلم بيعافر يقول...

sharm

قلنا الفكرة بتاعتنا
ههههههههههههههههه
كل سنة وانت طيب

حلم بيعافر يقول...

كيمت

ايوووووووووووووووون فيه

متنسوش بقى زمااااااااااان

كل سنة وانت طيبة ومنورانى دايما

حلم بيعافر يقول...

اللى موش عارف يتغير

هههههههههههههه اهى دى الحاجة الوحيدة اللى احنا متفقين فيها

كل سنة وانت طيب

حلم بيعافر يقول...

mimi
لما نشوف العيدية دى ايه
كل سنة وانت طيبة

حلم بيعافر يقول...

محاسن صابر

كل سنة وانت طيبة ومنورة

حلم بيعافر يقول...

دكتور ياسر

كل سنة وانت طيب ومنور

حلم بيعافر يقول...

ghrobty

كل سنة وانت طيب

حلم بيعافر يقول...

سراج

ربنا يكفينا شر الحساسية

منور وكل سنة وانت طيب

حلم بيعافر يقول...

جيجى

كل سنة وانت طيب ومنورة

حلم بيعافر يقول...

ليس فقيرا من يحب

وانت طيبة وبخير

منورانا

حلم بيعافر يقول...

فتاة من الصعيد

عدنااااااااااااااا

هههههههههههههههه

دانا تعبت قوى لما طلعت فتوى للرجوع


كل سنة وانت طيبة ومنورانى

حلم بيعافر يقول...

كل سنة وكلكم طيبين وبخير وكل اللى جه هنا طيب وبخير وكل مصر بخير وكل المسلمين بخير وك الدنيا بخير