السبت، 15 أغسطس، 2009

من يملك المضمار يبتدع الدمى....



معرفش ايه الهوس اللى صاب المثقفين وكتاب المعارضة وخلاهم يتفقوا على ان العيشة فى مصر كده وكده,من سنة تقريبا قريت مقال لايمن نور كان عنوانه -بلد شاسيهات-وكان بيقول فيه ان مفيش فى مصر حاجة بحق وحقيقى يعنى كله ضحك ع الدقون ...حاجات كده تقضية واجب بس مش حقيقية واتكلم فيه بقى عن التعليم وعن الديموقراطية وعن وعن ...المهم الراجل طلع كل حاجة فى البلد كده وكده وانا برضه فى اخر مقاله كنت سيبت رد وقلت برضه انه هو نفسه مسجون كده وكده ومقالاته مصادرة كده وكده-ماهى كانت فى الدستور كل يوم بلانيلة قال مصادرة قاال-والنبى حد يقولى ياخوانا ان احنا مش كده وكده....
قريييييييب برضك ابراهيم عيسى رئيس تحرير الدستور كان معمول معاه لقاء فى برنامج واحد من الناس وقاااال برضه نفس الفكرة واعتبر ان البلد كده وكده ومفيش حاجة حقيقية -الله يخربيتكوا يا بعدا ...امال احنا اييييه؟-وبرضه ذات نفس الفكرة نفسيها وهى هياهاااااااااها حصلت معاه شخصيا لما اتصادرلته رواية بس اتباع منها 5000 نسخة-هههههههههههههه(ضحكة كده وكده...) حد عمره سمع عن رواية اتصادرت واتباع منها 5000 نسخة؟-حتى انت يا استاذ ابراهيم طلعلك حاجة كده وكده
قريب برضه فى مقال للاستاذ فهمى هويدى قاااال ان فيه حاجات بقت بتتمرر من قبل الحكومة والجهات العليا من خلاال صحف المعارضة لان صحف الحكومة اتكشفت وحمضت-ههههههههههههههه حتى المعارضة بقت كده وكده واللى بيقول كده مييييييين؟واحد من اكبر كتابها-حاااااااااجة تجننننننننننننن يعنى كل اللى بيتهمنا اننا عايشين كده وكده بيطلع هو كمااااان فى الاخر عنده حاجة كده وكده
يوسف القعيد بقى-ربنا يسامحه-رعبنى بجد بجملة قالها (انا خايف اصحى ابص من الشباك مالاقيش مصر)الجملة دى قالها من يجى نة ونص فى برنامج الطبعة الاولى بس لسه معششة فى دمااااغى ومش عايزة تطلع خاااااااااالص ...مش احنا كده وكده؟..يبقى فعلا ممكن نقوم الصبح ومنلاقيناش..!!!!!!
طالما احنا كده وبقينا كده وكده ..يبقى احنا كده عراايس ماريونت بنتحرك بخيووووووووط يعنى بالعربى شوية دمى ..طب مين بقى اللى بيعمل الدمى دى وبيحركها بقى؟!!!!

كانت خيولا سادرة
تنساق خلف الريح
للغرب ريح..
للشرق ريح

ريح للجنوب..ريح للشمال
والخيل تعدو...
عبر مضمار يطول ويقصر
يمتد عند تخوم عرش أو يهادن سلطنة
من يملك المضمار يبتدع الدمى
ويسوقها
فالقاتل المقتول
الغالب المغلوب
والحلم يذوى يختنق
وتصوح الآمال فى رحم الوطن
وعلى المدى..كانت فتاة تنتحب...
صبحا..مساء..مستباح عرضها
بين خيول الريح تعدو ليس تعرف وجهها
...

...ياكل تجار الدمى...
سحقا لكم سحقا لها

القصيدة لجمال صابر نشرت فى مجلة الشعر\ربيع 2007

جالى سؤال -او اتمررلى-من ديالا وكان عن عشر حاجات صادقة فى حياتك

والجواب ان مفيش فى حياتى يكمل عشر حاجات صادقة ولا اعتقد انهم موجودين فى حياة اى حد وصعب جدا انك تلاقى عشر حاجات صادقة مرة واحدة عند حد.....كنت سمعت مصطلح عجبنى جدا وفيه اتوصف الانسان بانه photo copy من مخلوق ارقى شوية او من عالم ارقى شوية عن الدنيا اللى احنا فيها وده طبعا واضح جدا فى جميع الاديان السماوية اللى بتبشرر باخرة وبحساب وبعالم تانى خالد وبجنة ونار...فطبعا الفوتوكوبى دى مش ممكن يبقى فيها عشر حاجات صادقة ..ممكن انا كمسلم اقولك عندى مثلا وجود ربنا هو اصدق حاجة فى حياتى بس لما اقول كده اللى قدامى ميملكش دليل على صدق كلامى حتى...هو احنا كده..photo copy....وكمان عايشين فى دنيا دنية جدا ومش دايمة ومش صادقة حتى...

هناك 51 تعليقًا:

فتاه من الصعيد يقول...

فعلا الدنيا كده وكده ...... مفيش شيء صادق فيها

انا كمان جالي السؤال وموش عرفت ارد عليه

فتاه من الصعيد يقول...

هو انا اول تعليق ...... طيب ناخد التاني

فتاه من الصعيد يقول...

بس كفايه اتنين ...... ولا كمان واحد معلش

فتاه من الصعيد يقول...

موش عايزين نحتل المدونه ..... كفايه تلاته ....... طيب نخليهم اربعه

د. ياسر عمر عبد الفتاح يقول...

المقال جميل
والقصيدة أجمل وأجمل

واحده من الناس يقول...

بص يا سيدى
لو احنا شعب كده وكده يبقى احنا اللى قبلنا ده..ما احنا مغيرناش ف بلدنا حاجه
بصراحه اه احنا شعب اى كلام بنشوف الغلط بعنينا وب وبنعمل احنا غلط فوق غلط والفرصه الوحيده اللى بنستغلها هى فرصة تكرار نفس الغلطه

احنا مش هنشوه بلدنا لما نظهر عيوبها ..احنا مرايتها يعنى حقها علينا اننا نبين عيوبها ونحاول نغيرها
للاسف احنا عايشين كده وكده ورافضين اى تغيير
متزعلش لو رايي ضايقك
انا بنت غيوره على وطنها

حلـم،، يقول...

موضوع جيد


والجيد ان يباري الانسان الواقع


ويتمرد علية


بالتشخيص


وجدوى الطريق


الي العلاج...


حياتنا زي ماقلت


كدة وكده


يمكن لاننا نحي في زمن التفاهة


وغياب القدوة


وقوة المثال وصلنا لهذة السخر


والسخرية من اشياء باتت كبيرة



في تضليل الناس واستزلاال رقاب البشر



وعلشان كدة اصبحت ساداتنادمى


اما مين بصنعها

مين بحركها


هو نفي الاعب



ونفس صناع الالعاب


والالمبيات


هو نفسة ابتاع السياسة و...وو



والباقي عندك


صح قلمك ولسانك



اشكر مرورك مدونتي

لكن مش معقول بدور علي حاجة امامي


لاني لوشفتها ما دورت؟؟


طابت اوقاتك

7annen يقول...

شعبنا فعلا ممكن يكون اى كلام

كده .... وكده

بس دا ميمنعش ان كل حاجه فيها الكويس والوحش

بس فى شعبنا الكويس قليل علشان كدا ملناش كلمه

كل سنه وانت طيب

حنين

سماء يقول...

كل حاجة فى الدنيا كدة وكدة

الصداقة كدة وكدة وللمصالح والحب والاخلاص والضمير مفيش حاجة خالصة علشان كدة هتلاقى حاكم كدة وكدة وشعب كدة وكدة والكل بيضحك على الكل والاستغلال فى كل حتة

والحقيقة مبقتش تتصدق وبنقول عليها كدة وكدة

والكدب بقا يتصدق بسهولة برغم انة واضح وضوح الشمس

علشان كدة بقينا عايشين كدة وكدة

والحاجة الوحيدة الحقيقية هى الموت

mahasen saber يقول...

ااقلك زى ما اتقال فى الفيلم
هيا دى مصر يا عبله

كده وكده بصحيح

marwa يقول...

السلام عليكم
كل سنة وانت طيب يا استاذ محمد
موضوع فظيييييييع ومهم جدا جدا
انا بصراحة بتابع برنامج الطبعة الاولى وباخد كل صدمة وصدمة من اللي بسمعه لدرجة اني ما بقتش اتفرج عليه

احنا شعب طيب وذكي لكن مشكلتنا مش في ايدينا مشكلتنا اننا مجرد دمى زي ما قلت

ويا خوفنا من الجاي لكن ربنا موجود
وثقتنا في ربنا هي اكبر حقيقة في حياتنا

تحياتي

الشعب لابد له من حكومه تشكمه يقول...

لااااااااااا ازاى يقولوا علينا كده؟؟
المفروض يقولوا احنا كده وكده ونص وتلت تربع:)

يساري نوبي يقول...

هو اولا مافيش حاجه صادقه في حياتنا
ثانيا فعلا حياتنا كلها كدا و كدا و مافيش حاجه نقدر نعملها
و ثالثا و اهم حاجه ان احنا فعلا مش لاقين مصر و اتحداك لو قلت انك تقدر تقف في مكان و تقول دي مصر

يساري نوبي يقول...

و علي فكره حلو النيولوك اللي انت عامله في المدونه دا
انا كنت بقالي فتره قرفان من الدنيا كلها و سايب النت و قاعد علي mbc4
بس رجعت للحياه من تاني و هاقرفك
و فين حركة لااااء ياعم الحاج عاملين ايه من غيري

ريمان يقول...

احنا افتقدنا فى الدنيا دى حاجتين

الصدق


والامان


او بمعنى اصح احنا فقدناهم فى الزمن ده بالذات


لان اعتقد زمان كان حال غير الحال


تحياتى

وومن يقول...

ايوة كل حاجة كدة وكدة واحنا عايشين بنعمل بروفة علي مسرحية لسة ماتعرضتش

المهم كل واحد بيلعب دورة صح ولا مش حافظ وبيلخبط وبيشوش علي زمايلة

أحمد الصعيدي يقول...

السلام عليكم

علي كل مسلم أن يتأهب لدوم الشهر الكريم

أسعدك الله

كل عام وأنتم بخير

ليس فقيرا من يحب يقول...

طبعا كده وكده وكده كمان

كل سنه وانت طيب يارب

القصيده جميله جدا

حاول تفتكرنى يقول...

عزيزي

فعلا موضوعك هام

يا تري هما صح فى مسالة كدة وكدة ن ولا احنا اللى اصح

اقولك شىء ، الاتنين صح

فعلا احنا كدة وكدة فى نواحي كتير ( الانتخابات ، المرافق ، التكنولوجيا ، الديمقراطية ، التعليم الجامعي - بالذات - المعاملات
واهم حاجة وفعلا واللى كدة وكدة فيها النظافة والنظام


اما الحاجات اللى مش كدة وكدة ن وفعلا وبحق ووقت الشدائد والامتحانات الصعبة ، هو المصري ، كونك وكوني وكوننا جميعا مصريين ، فهذا بحق مش كدة وكدة

اعيش خارج مصر ، واقارن فى مجالات كثيرة ، لدرجة اني تخيلت في مرة ن سوء حالة العالم بدون المصريين ، وحسن حالة المصريين بدون حكومة


موضوعك متنوع ، ولا يخلو من التشويق كالعادة

تحياتي

بحب الحكومة يقول...

احسنت رؤية للموضوع

لكن انا محتاج اعرف مدى اقتناعك بالحاجات دى



تقبل مرورى

أم مالك يقول...

انا جاية علشان اقولك
كل سنة وانت طيب
تقبل الله منك صالح الاعمال
ورزقك فى رمضان العتق من النار
تحياتى

GiGi world يقول...

كل عام وحضرتك بالف خير
ويارب الرمضان ده كله يبقى خير ليك ولاسرتك
اللهم بلغنا رمضان

أحمد الصعيدي يقول...

السلام عليكم ورحمة الله

كل عام وأنتم بخير

جعلكم الله من عتقاء الشهر الكريم

حلـم،، يقول...

كل عام وانت بالف خير

رمضان كريم

حلم بيعافر يقول...

فتاة من الصعيد

يااااااااااه
4 تعليقات مرة واحدة؟

ايه الكرم ده؟
ده عشان رمضان يعنى؟
هههههههههههههههههههه
مبروك عليكى ال4 تعليقات
كده دخلتى التاريخ من اوسع ابوابه
منورانى دايما كده وداخلة التاريخ عندى كده دايما يارب

حلم بيعافر يقول...

د-ياسر

منور يادكتور

ورافع معدنياتنا دايما

كل سنة وانت طيب

حلم بيعافر يقول...

واحدة من الناس

منورانى ياستى فى اول زياراتك ليا

ورايك على دماغى ومفيش لا مضايقة ولا حاجة بالعكس والله
انا سعيد برايك ومرورك
ومنورانى كده دايما
وكل سنة وانت طيبة

حلم بيعافر يقول...

حلم

رؤية جديدة للبوست

منور يا معلم

وكل سنة وانت طيب

ومنورنى دايما كده علطول

حلم بيعافر يقول...

حنين

كل سنة وانت طيبة وبالف صحة وسلامة

ومنورانى يا حنين دايما

حلم بيعافر يقول...

سماء

ماتيجى نغير احنا الواقع ده

منورة ياسماء وكل سنة وانت طيبة

حلم بيعافر يقول...

محاسن صابر

هههههههههههههههه

فكرتينى باغنية للشيخ امام فيها حتة بتقول-ياعبلة ياحتة حمارة-

منورة يا بتاعة الراديو
كل سنة وانت طيبة

ومنورانى والله

حلم بيعافر يقول...

مروة

ثقتنا فى ربنا فعلا اهم حاجة

منورانى

كل سنة وانت طيبة

حلم بيعافر يقول...

الشعب لابد له من حكومة تشكمه

هما مين دول اللى بيقولوا؟

هاااااااااااااااا

محدش يقدر يقول علينا حاجة

منورة يا شيماء

كل سنة وانت طيبة

حلم بيعافر يقول...

يسارى نوبى

سعيد جدا بعودتك تانى للتدوين

مستنى جديدك

ومنورنى

وكل سنة وانت طيب

حلم بيعافر يقول...

ريمان

مش الحاجتين دول بس اللى احنا افتقدناهم يا ريمان

منورانى وكل سنة وانت طيبة

حلم بيعافر يقول...

وومن

مسرحية....

بس النهاية مخفية عن جميع الابطال

منورة وكل سنة وانت طيبة

حلم بيعافر يقول...

احمد الصعيدى

منور يااحمد ويارب يعينا على حسن الطاعة والعبادة

كل سنة وانت طيب

حلم بيعافر يقول...

ليس فقيرا من يحب

كده وكده وكده؟

يللا ماهو الكده ببلاش

انت دافعة حاجة يعنى؟
ههههههههههه

منوة يا رانيا وكل سنة وانت طيبة

حلم بيعافر يقول...

حاول تفتكرنى

دايما انت بتضيف للموضوع اللى بتسيب فيه رد حاجة

منور وكل سنة وانت طيب

حلم بيعافر يقول...

بحب الحكومة

يعنى ياهانى..مقتنع كده وكده..

منور وكل رسنة وانت طيب

حلم بيعافر يقول...

ام مالكك
مجيتك تشرفنى ومنورة

وكل سنة وانت طيبة

حلم بيعافر يقول...

جى جى

منورة

وفينك من زماااان؟

كل سنة وانت طيبة

حلم بيعافر يقول...

احمد الصعيدى

منووووووووور يا معلم


وكل سنة وانت بالف صحة وسلامة

حلم بيعافر يقول...

حلم

منور يا معلم

كل سنة وانت طيب

ورمضان كريم

Lyssandra يقول...

كل سنة وانت طيب ورمضان كريم

___

أظن معني سؤال ديالا
اذكر 10 حاجات عارفهم عن نفسك بصدق
مش شرط يكونوا ايجابيين

يعني مثلا لو قلت اني عصبية
أو انا كسولة
أو انا باقدر اتغلب علي الفشل

دي صفات
ممكن تكون ايجابية او سلبيه
بس باقولها وانا عارفه انها حاجات راسخه ( أظن ده المعني المطلوب من السؤال )

----

تحياتي يا فندم ومبارك عليك الشهر
:)

حلم بيعافر يقول...

lyssa

كل سنة وانت طيبة ويارب تكونى بخير وبصحة وسلامة

كل واحد يا ليسا فهم السؤال بطريقته وخلاص وجاوبت عليه

بس انت منورانى دايما كده
يااارب يدوم الود والتواصل وكل سنة وانت طيبة تانى

youssif يقول...

يكفي و نتمني ...
ان يكون في ولو معني واحد بس صادق ممكن نتجمع عليه ...
كل شئ مهزوز ... مفيش قيمة ...
مقال جميل ... استمر في المعافرة ...
تحياتي ..

حلم بيعافر يقول...

يوسف

ايه ياعم انت فيييييييييين كل ده؟

افتقدتك وافتقدت مرورك هنا والله

كل سنة وانت طيب ومنور يا معلم

مسدس صغير يقول...

ياعم اجرى الناس فى ايه وانت فى ايه؟
صوم بقى حرام عليك

حلم بيعافر يقول...

مسدس صغير

والله صايم يابوصلاح
هههههههههههههههههههه وبعدين انت يعنى هتضرب فينا كده من اولها؟ دانا لسه مكملتش شهرين يا جدع
حرام عليك دانا غلبان وزملكاوى كمان
هههههههههههههههههههههه
منور يا بو صلاح والله

Beram ElMasry يقول...

الهم تقبل صيامكم وقيامكم وأجعله في ميزان حسناتكم وعيد سعيد أعاده الله عليكم باليمن والخير والبركة أنتم وجميع الأهل

** بيرم المصري