الأربعاء، 30 سبتمبر 2009

بانجو يا استاذ؟...بانجو ياانسة؟...تحشش يابيه؟



غرييييييييييييييييييبة جدا-على رأى رؤوف بوخليف-الاديب العالمى شعبان عبدالرحيملما قال البانجو فى كل حتة محدش صدقه واتهاجم بكل قسوة وضراوة وكان ده قدر كل مبجل وعظيم وعبقرى بيشوف اللى الناس مش بتشوفه وبيحس باحساسه العالى باللى ممكن يحصل وممكن يكون وهنروح بعيد ليه يعنى ماكل العباقرة والمفكرين اتهاجموا بشدة لما قالوا الجديد وحذروا من شىء خطير مع انهم بيقولوا وبيحذروا من منطلق خوفهم على مجتمعهم اللى هما شايلين الكتير من مسؤلياته على عواتقهم ليل نهار ياعينى ومبيرتاحوش وياخوفى ياخوفى لاحسن يتعمل فى شعبان زى ماتعمل مع دانتى الجييرى بالظبط ماهما ادباء وعباقرة زى بعض


فى رمضان اللى فات -يالهووووووى دانا جعت جوع واتبهدلت بهدلة!!-بس مش موضوعنا نانا عمال اعوض اهوه وباكل اى حاجة حظها الاسود يجيبها ف سكتى...المهم نرجع لموضوعنا تانى اللى هو وثيق الصلة بتوقعات الفذ العبقرى شعبان عبدالرحيم رائد علم التبؤ والتوقع -معلومة جديدة رائد علم التبؤ هو شعبان عبدالرحيم مش نوسترادموس-بصوا بقى....ممكن حد يجيب تكتك ويبيع فيه ترمس دى مفهومة ومش غريبة جدا ..ممكن يبيع فيه عصير فى الحر ده ودى مفهومة برضه ومش غريبة جدا...انما انه يبيع فيه بانجو وحشيش وبعد الفطار فى رمضان وعلى الملأ اهى دى اللى غريبة بقى

مخبيش على حد انا ذهلت لما شوفت الموضوع ده..بقى التكتك العفيف الطاهر دون يتباع فيه حشيش وبانجو وفى رمضان وبعد الفطار؟!!!

حاجة تغيظ اكتر من اللى فات كله

الجماعة اللى بيبيعوا البانجو والحشيش دول مقسمين نفسهم ازاى؟خدوا بالكوا واتعلموا عشان ممكن حد يحب يشتغل فى الكار ده اهو ابقى علمتكوا حاجة تاكلوا منها عيش
18 سنة .......................................البراعم ودول اللى بيبيعوا فى تكاتك
20 سنة ......................................الشباب ودول بيبيعوا عينى عينك واللى مش عاجبه
الكبار.........................................بيتاجروا فى السلاح ومش بيظهروا كتير
شفتوا التنظيم بقى عامل ازاى!!!!!عالم ادارجية بجد والله ومش بياذوا حد خالص هما بيشوفوا شغلهم وبس ومستحيل ياخدوا قرش من حد حرام يعنى اللى هتدفعه هتاخدبيه بضاعه ايوالله والحشيش مغلف وزى الفل شغل معلمين كبار والحتة صغنونة كده بخمساية تلفلك 5 او 6 سجاير يعنى هتقضبيها الليلة من وسع...بصراحة عيال رجولة وكفاءة وم الاااااااااااااااااااااخر.

كان نفسى اجيبلكم صورة ليهم بس معرفتش والعمر مش بعزقة دول غزوا امام المسجد لما قال فى خطبة الجمعة ان البانجو والحشيش حرام يبقى مش هيغزونى لو شافونى بصورهم

الفرق بين زمان ودللوقتى

-زمااااااان كانت الاغانى الشعبية كده(غنى ياسمسمية لرصاص البندقية ولكل ايد قوية شايلة زنودها المدافع غنى لكل دارس فى الجامعة والمدرس ولمجد بلاده حارس من غدر الصهيونية.....)دلللوقتى الاغانى الشعبية كده(وشربت سجارة بنى ومالشارع اللى ورا بقى قدام واه يانى يانى مش هعمل كده تانى واجوجوجوجو-الله يحرقه-)
-زمااااااان الباعة المتجولين كانوا ينادوا ع البط البلدى ع الخضار ع العرق سوس انما دللوقتى بينادوا كده(بانجو يابيه ؟..تحشش يا استاذ؟..)

شخصيات التوبيك
رؤوف بو خليف جايبه يقول غريبة جد ويمشى تانى
شعبان عبدالرحيم وده عاهة لازم تبقى موجودة فى بلد بيمشيه مجموعة من اشباه الرجال
دانتى الجييرى بتاع الكوميديا الالهية اللى بيقال انها نسخة من رسالة الغفران بتاعة ابو العلاء المعرى
نوسترداموس اشهر من توقع وتبأ فى القرن العشرين وهو تقريبا روسى

هناك 36 تعليقًا:

7annen يقول...

اول تعلييييييييق

7annen يقول...

والتانى علشان الحبايب

7annen يقول...

والتالت لان العنوان يضحك

هههههههههههههههههههههههه

7annen يقول...

18 سنة .......................................البراعم ودول اللى بيبيعوا فى تكاتك

هههههههههههههههههههههههههههههه

دول االاشبال

ههههههههههههههههههههههههه

بوست جميل تسلم ايدك

حنين

الشعب لابد له من حكومه تشكمه يقول...

احم هوانت منين:)
وعلى فكره مش هيزعلوا لو نزلت صورهم دا انت كده بتعمل ليهم دعايه:)

ربنا يرحمنا

اللى موش عارف يتغير يقول...

التك تك فى كل حته
عمال يبع بانجو
زى ماباع المخدرات
بكره يقف يلم الفرده منكو

(Joudy) يقول...

ههههههههههه لا حلوة بجد وبانجو واغانى لا ايه الهنا ده الدنيا بقت لنه غريب بصراحة بقى كل عااادى موووووت بدرجة تجنن

حلوة بجد ودمها خفيف

دمت بكل الخير والسعادة

فتاه من الصعيد يقول...

ههههههههههههههههههههه

لا وبيبيع بعد الفطار ..... علشان الناس المحششه صايمه ..... شفت الايمان :D

تحياتي .... بوست جميل ..... وحاسب لتاكل المدونه

fL0weR-giRL يقول...

ياهوووووووووووووو ايه داه سيره شعبولا في الموضوع ياجدعان ههههههههههههههه

عندك حق وأيدك مليون في الميه ان الدنيا اتغيرت ولسه هاها وليسه هاها ولسه


مابقاش في حد عنده حيااااااااااااااااء
خالص

ونعمل ايه العيب في الأمن وفي الناس اللي بيسمحوا بالحجات الفزيعه دي

والأغاني الشعبيه دي انا بكرهها موووت والله وحاسه ان هي فعلا لايقه علي المحششين وبتوع الحجات اللي زي ديه وليعوذ باله

يارب احفظنا ^_^

تقبل مروري

ضكتور جدا يقول...

ههههههههههه
البانجو ف كل حتة !!
بس لسة ما وصلش عندما ربنا يستر

فشكووول يقول...

ازيك يا محمد

قبل شعبان عبد الرحيم كان ظاهره جديده اول ما ظهرت فى المجتمع المصرى وكان اسمها عدويه.

من يوم عدويه ما ظهر وابتدأت تظهر الظواهر دى زى شعبان عبد الرحيم ومش عارف مين والله ما أنا عارف افتكرهم

بس شعبان عبد الرحيم بيفرق عنهم انه زكى جدا وبرضه مهما كان هو راجل محترم وبعض اغانيه لها هدف

رمضان السنه دى كان صعب جدا انت كنت بتجوع وانا كنت بموت من العطش

اصل اغانى زمان كانت بظروف وطبيعة زمان يعنى كان فيه احتلال فكانت غنى يا سمسميه وكمان وآنا على الربابه بغنى ولفى البلاد يا صبيه.. اما الآن مافيش حاجه ولا فيه حتى هدف ولا فيه اى انتصار فى اى حاجه كلها وكسات فى وكسات وعشان كدا البانجو مش بتاعى والعنب والبلح ... احمر ودمه خفيف .. زى الزمن اللى احنا فيه

تحياتى

أميرة علي كوكب مهجور يقول...

ده بيحصل بجد؟
و الحته بخمسه جنيه بس هو الحشيش رخيص اوي كده ده في متناول الجميع يا حلاوة يا ولاد :)

لو ده فعلا بيحصل يبقا عليه العوض و منه العوض

و ع راي عمرو دياب انا مهما كبرت صغير

وعجبت لك يا زمن

ريمان يقول...

دى مهزله بجد



بس مش هنستغرب لاننا بنشوف الاعجب من كده



حسبى الله ونعم الوكيل



تحياتى وكل سنه وانت طيب

زهرة يقول...

والله مشكله كبيرة وبقت منتشرة وعينك عينك كأنه مباح ومسلم بيه

ربنا يرحمنا والله

اول زيارة ليه هنا بس المدونه عجبتنى

زهرة 12 من قهوة كتكوت

محمود رياش يقول...

بجد عجبتنى مدونتك جدا
كتاباتك جميلة واسلوبك جذاب

اتمنى لك دوام النجاح

دعوة لزيارة مدونتى

http://mahmoudryash.blogspot.com/

مدونة غمض عينيك
مقالات عن النجاح فى الحياة

اتمنى تلبية الدعوة
وشكرا مقدما

mohamed ghalia يقول...

حقيقى ربنا يستر على شبابنا

sweet angel يقول...

لا حول ولا قوة الا بالله

هنقول ايه

ربنا يخرجنا من الدنيا على خير

تحياتي

انت تسال والكمبيوتر يجيب يقول...

نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

حاول تفتكرنى يقول...

سيدي الفاضل

كلنا ممكن نكون نوسترداموس فنتوقع كل شىء

لأنه لا يوجد نظام ، ولا يوجد رادع

كل شىء غلط مباح

تحياتي

حلم بيعافر يقول...

حنين

الاشبال دول المستقبل عشان كده لازم يحافظوا عليهم ويخلوهم متداريين فى التكاتك

منورة

حلم بيعافر يقول...

الشعب لابد له من حكومة تشكمه

انت عايبزانى اقول انات منين عشان يغزونى؟

ربنا يسامحك

حلم بيعافر يقول...

اللى موش عارف يتغير

غنى ياعم مانت سيبت البلد وقرفها

يابختك

حلم بيعافر يقول...

جودى

منورانا ومش حارمينكو من حاجة اهوه

حلم بيعافر يقول...

فتاة من الصعيد

طبعا مؤمنين

تقدرى تقولى غير كده؟

خافى على نفسك

هههههههههههههه

منورانى دايما وانا متعشى لسه اهوه يعنى مش جعان ولا حاجة

حلم بيعافر يقول...

flowergirl
ايه الريحة الحلوة اللى ملت المدونة دى

منورانا دايما واجواجواجو وبهديلك اغنية الست وعيالها

هههههههههههههههههه

مبتحبيش الشعبى؟ولا المساطيلل؟

طب البوست اللى بعد الجاى عنهم
ههههههههههههههههه

مش هحرم حد من حاجة عشان انا راجع من غيبة بقى

حلم بيعافر يقول...

ضكتور جدا

هيوصل متخافش ياضكطرة


ههههههههههههه

اديك رقم تليفون يوصلهولك ديليفرى؟

حلم بيعافر يقول...

فشكول

ازيك يا معلم

احنا المفروض يبقى قدامنا اهداف كبيرة وسامية جدا بس احنا اللى مش واخدين بالنا وبلتف حوالين حاجات رخمة وبنسيب القضايا الكبيرة اللى تستحق اننا ندفع حيانتنا فى سبيلها

منورنى

حلم بيعافر يقول...

اميرة على كوكب مهجور

هو اخحنا نراعى حالة الشباب ونبيع بسعر رخيص مش عاجبكوا وان غلينا برضه مش عاجبكوا؟

نقعد فى بيوتنا بقى ومنزرعش لا بانجو ولا حشيش

ههههههههههههههه

طبعا فى متناول الجميع

منورة

حلم بيعافر يقول...

ريمان

طب وايه اللى خلانا كده؟

وايه الاعجب منم كده؟

منورة

حلم بيعافر يقول...

زهرة

تشرفينى وتنورينى يازهرة ويدوم التواصل

بس انا اتخنقت من القهوة جامد هناك محدش بيرضى يفهم ان فيه حد ممكن يخالفه فى الراى وكل توبيكاتى هناك ردودها شتايم

عموما منورانى

حلم بيعافر يقول...

محمود رياش

منور وتشرفنى بزيارتك وطبعا هلبى الدعوة الجميلة بتاعتك

حلم بيعافر يقول...

محمد غالية

منور وربنا يستر

حلم بيعافر يقول...

sweet angel

منورة

حلم بيعافر يقول...

حاول تفتكرنى

ازيك يامعلم وعلى رايك غلط مباح

منور

Saso يقول...

هههههههههههههه
محشش يلومنى ولايعتب عليا
بانجو ايه وحشيش ايه ؟!!!!!
دا بقى فيه بلاوى زرقا

حلم بيعافر يقول...

saso
اى خدمة مش حارمكو من حاجة اهوه
منورة ف اول زيارة