الاثنين، 16 نوفمبر 2009

انا مش انت انا غيرك....



هكذا تبدأ الوكسة والخيبة التقيلة استعدوا للاقلاع
فور خروج اى مولود مصرى م العتمة للدنيا تلاقى كل افراد الاسرة بيتخانقوا على اسمه وكل واحد طمعان ان الواد او البنت يتسموا على اسمه وتلاقى خناقات بين كبار وصغيرين وتلاقى بنات العيلة كلم يفضلوا يتخانقوا ويشدوا فى شعر بعض والولاد يطحنوا بعض ضرب عشان كل واحد يثبت احقيته بان المولود يتسمى على اسمه طبعا الواد بيتسمى ف الاخر على مزاج ابوه او امه فى اغلب الاحوال وبقية العيلة شوية شوية بتنسى الموضوع الا اذا بقى حد شد شعر حد بعنف شوية او حد ضرب حد بوكس وعلم فبتبقى ذكرى مؤلمة لبعض الوقت وبعدين بتتحول لطرفة تثير عواصف الضحك فى كل لمة عيلة
سيبنا من الاسم دى حكاية وعدت على خير وربنا امر بالستر وتعالوا لحاجة تانية تغيظ اكتر ...فى المرحلة الابتدائية فى مدرسة فى مصر فيه سؤالله اجابة واحدة او اتنين بالكتير قوى) (تحب تطلع ايه لما تكبر؟...الاجابة طبعا يااما دكتور يااما ظابط)..طبعا اجابة الولد او البنت الصغيرين بتبقى نابعة من اسلوب تربية فى البيت بيهدف لحاجة واحدة بس وهى تنشئة صورة كربونية من صورة اخرى يعتقد الاب او العيلة بانها انسب صورة لابنهم او بنتهم وطبعا هما اللى عارفين مصلحة عيالهم وطظ فى اى ميول لاى طفل صغير بعد كده طالما الاب والام اختاروا وحددوا بمزاجهم وكانهم بيربوا فى تمثال من الصلصال لا عنده مشاعر ولا بيحس ولا عنده اى مساحة من الحرية ممكن يتحرك فيها ويشغل عقله ودايما موجه زى عروسة ماريونت مهما كبر
نسيب شد الشعر ونسخ الاطفال الصغيرة بالكربون ونروح لحاجة اغرب شوية هى امتدا لعملية مسح الشخصية اللى بتمارسها العيلة على اطفالها وتحريكهم على هواهم هما بس على كبير شوية...ياترى لحاد امتى ممكن الابن يقبل الجملة دى؟(يابنى انا عارف مصلحتك اكتر منك...)...عن مشاهدات كتيرة الجملة دى بتترفض لما الابن يدخل مرحلة المراهقة وبتبدا طبعا المشاكل تبدا بين المراهق وبين ابوه وبعد شوية المشاكل دى بنتهى ياما برجوع المراهق للشرنقة بسبب احتياجاته المادية او باستقلاله شوية بشوية اذا قدر يستقل ماديا ...طيب انا بصراحة احترت ومعرفتش اقول ان بلدنا دللوقتى لسه موصلتش لمرحلة المراهقة بتاعتها ولسه معرفتش تتمرد وتقول لء للنظام الابوى اللى عباقرة النظام بيتكلموا عليه دللوقتى بس فى اعتقادى اننا على اعتابها
المفروض ان الانسان فى بدايات حياته يترك بعد تلقينه ثوابت مجتمعه وعقيدته يحدد هو هيختار ايه براحته ويحدد هيبنى نفسه ازاى بتفكيره الخالص ومحدش يتدخل الا ناصحا لا مسيطرا ولو اتمل كده مستحيل هتلاقى نعرات التعصث الاعمى اللى موجودة دللوقتى فى كل حاجة وبعدين لما تترك الحرية لكل فرد فى المجتمع لتشكيل وبناء شخصيته هو من نفسه هيرجع وهيختار جذوره لان الانسان بطبيعته بيحتاج ماينتمى اليه عشان يحس بالامان دى حاجة وعشان يلزمه مظلة يعيش تحتها حياته وفى اعتقادى ان ده لما مبيحصلش بتكون النتيجة فرد متعصب تعصب شديد ومش شليف غير نفسه بس
عادة مايولد الابداع من رحم الاختلاف لاء مش عادة ده دائما وابدا ربنا خلق الاختلاف فى كل شىء واللى يتامل يعرف ده كويس ومفيش مجتمع متدم دللوقتى الا وبيرسخ مبادىء مفادها ان الاختلاف شىء ضرورى والتشابه بيقتل اى محاولة لابتكار الجديد وبيضفى جو من الملل والرتابة على الحياة وع اللى فيها وديناميكية الحياة اصلا هى الاختلاف ده يروح وده يجى ويكمل ولو اللى بييجى متعصب اوى زى الانسان كده عمره ماكان هيوافق يكمل مكان اللى بيروح وربنا خلق الدنيا كده احنا بقى عايزين نحشر نفسنا فى اوضة واحدة ليه وبقية الشقة واسعة.
عزيزى المواطن انا غيرك ...انا مش ابنك اللى ممكن تنسخه بكربونة...انا غيرك فطبيعى لما تقول حاجة مشى مطلوب منى اقولك امين واعترافك بوجودى ككائن مستقل عنك هو اعتراف بوجودك انت كمان
عزيزى المواطن بيقولوا عليك غلبان ووكمان بيقولوا عليك انك مادة سهلة التشكيل بيقولوا عليك انك عاطفى قوى وياما انضحك عليك بالكلام الحلو وتاريخك بيشهد بكده عزيزى المواطن ياللى بيقولوا عليك مادة سهلة التشكيل ياريت متكونش كده وياريت تاخد بالك من الشخصيات اللزجة الجهلة اللى ملوا البلد اعلاميا وحكوميا وفى السلطة كمان خد بالك لانهم بيحاولوا يدخلوا دماغك اشياء قذرة بتثبط من عزيمتك اللى هى مش ناقصة اصلا...وخلى بالك وحياة اغلى حاجة عندك من الحاجات المهمة وخلى بالك من مشاكلك ومتطنش وافرح بس ادى كل حاجة مقامها(لست اخفى حماسا وتشجيعا للمنتخب المصرى لكرة القدم ولكن لكل مقام مقال ولكل شىء حجمه الطبيعى دون تضخيم بلا معنى)
عزيزى جناب سيادة حضرة المواطن اشمعنه انا يعنى مبتسمعش كلامى ياخى؟!!!...بالذمة فيه حد بيحترمك كده زيى؟!!!مش بقولك حاسب من الشخصيات اللزجة ؟!!!يااخى ماتسمع الكلام بقى ...انت ازاى تفضل قاعد طول اليوم قدام ستوديوهات التحليل بتاعة الكورة؟!!ايا كان اللى بيقدمها ياخى...ازاى؟!!!ومع كده والله معظم مقدمينها شخصيات لزجة من اياها اللى لسه محذرك منها ..دول بيعملوا كده عشان يكلفتوك ويلهوك عن بلاوى سودة
عزيزى المواطن خلى بالك فيه حاجة اسمها هدف قومى كلنا بنلتف حواليه وكلنا ممكن ندفع من دمنا عشانه انا عن نفسى ممكن اموت فى سبيله واللى جنبى ممكن يحمينى بروحه من اى شر حتى لو كان مختلف معايا فى العقيدة خلى بالك مليون مرة الكورة او وصول فريق كورة لبطولة او فوزه بيها مش هدف قومى خلى بالك شعورك بالنتماء اللى بيظهر ده شعور لحظى الشعور الحقيقى لما نتجع على نجاح وتقدم بجد خلى بالك اننا مش رايقيين اوى ومش متقدمين اوى خلى بالك احنا من دول العالم التالت وخلى بالك البرازيل نفسها مبتعملش عمايلنا دى او كانت بتعمل وعقلت وخلى بالك متخسرش رفيق كفاح عشان حجة المفروض انها متكونش فى مقدمة اولوياتك
عزيزى المواطن فاكر لما صبيت جردل جاز على ولد عنده 17 سنة وولعت فيه عشان بيشجع فريق غير اللى انت بتشجعه؟فاكر لما ضربت لاعب كورة بالمطواة فى رجله عشان من فريق تانى ؟!!!انت ازاى تعمل كده؟!!!كله من الشخصيات اللزجة اللى عمالة تشحن فيك وتصورلك ان كل الدنيا المفروض تبقى زيك وتفكر زيك كل ده عشان فهموك انك عندك الحقيقة المطلقة واى حد غيرك شيطان
عزيزى المواطن بطل بقى اللى انت بتعمله ده واعرف انك مش عايش لوحك فى الدنيا واعرف ان فيه حد غيرك ياراااجل دول كمان بيحاولوا يعملولك رموز هايفة تاخدها مثل اعلى وعمالين يلقبوهم بالقاب عجيبة اوى ايش الساحر وايشى القديس وايشى وايشى طب بذمتك ياعزيزى انت تعرف محمد الرفاعى؟ولا عبدالمنعم رياض؟ عزيزى المواطن فوق بقى عشان كده عيب انت بتدى امور تافهة اكتر من حجمها بكتير وبعدين يااخى انت بتستكتر على غيرك انه يبقى عنده اللى بيحبه وبيشجعه؟!!!وتفضل تعمل عمايل مالهاش لازمة خالص؟!!!(همسة فى اذنك -لديك تاريخ يثبت انك لست بهذا السفه)
ينفع عشان مطش كورة نبقى مسخة ومسخرة ونبقى مادة سخرية فى الصحافة الصهيونية
عزيزى المسلم
عزيزى العربى
عزيزى المصرى
افهم بقى عشان احنا كنا متقدمين قوى لما كنا بنشغل مخنا وبنفهم ولما بطلنا نشغله اتاخرنا اوى وبقينا حاجة تكسف اوى

هناك 42 تعليقًا:

يساري نوبي يقول...

الصوره اللي فوق دي ناقصها ان واحد اسرائيلي يجي يشرب الميه دي
لاننا فعلا بنضرب بعض و هم اللي كسبانين

norahaty يقول...

لأ العيال
اتغيرت من زمان !
لما سألت اولاد اختى
من 20سنة عايزين تطلعوا
ايه لما تكبروا :لاحد فيهم قال
دكتور ولا ضابط ولا مهندس كلهم
كانوا عايزين يبقوا لاعبى كرة قدم !
ومذيعات تلفزيون !ولعلمك ليس هناك
لعيب كرة واحد أو مذيعة فى عيلتنا
ولكن تأثير المجتمع والبيئة المحيطة
بيبقى اكبر من تأثير الاسرة فى
بعض الاحيان !ولعلمك ايضاً
محدش طلع فيهم لعيب كرة
ولا مذيعة تلفزيون
لانها وسايط ومعارف!!

اقصوصه يقول...

والله فعلا شي مؤسف

مادري متى بنكبر عقولنا :(

أحمد الصعيدي يقول...

وكذلك سقطت الأندلس وبالتبعية سقطت وستسقط البلاد .. ورحم الله الشعوب الغبية .. ولا رحم الحكام الطغاة


حسبنا الله ونعم الوكيل

السلام عليكم

خواطر شابة يقول...

موضوع قيم بس اللي يفهم
الصورة معبرة عن واقعنا الحالي بشكل كبير
لو كانت لمصر والجزائر حدود مشتركة لكات قامت بينهما حرب أهلية وكل هدا من أجل مباراة كرة قدم وعجبي على رأي عمنا صلاح جاهين

د. ياسر عمر عبد الفتاح يقول...

كلام كله مظبوط طبعاً
إحنا وصلنا لمرحلة العبط القومي
إحنا عاملين زي الدبة اللي موتت صاحبها
بنموت بلدنا علشان ماتش كورة

بجد نفسي ننسحب من الماتش ده خالص
مش عاوزين نروح كاس العالم
بس عاوزين نبقي كويسين مع بعض

الشجرة الأم يقول...

تحليل موضوع للمهازل التي نعيشها .. ونحن أصبحنا في عصر الوكسة الكبيرة ..

جزاك الله خير لجزاء أخي في الله ونفع الله بك الأمة الإسلامية العربية.

3mr wa2el يقول...

ههههههههههههه

فكرتوني لما احنا كنا 20 واحد صاحب عاوزين ندخل هندسة و محدش فينا دخل هندسة غير اتنين بس حكومي و الباقي دخل يا هندسة خاصة يا حسب مجموعة

و تسال العيال الوقتي عاوز تتطلع اية يا تجار مخدرات يا ابراهيم الابيض يا اى حاجة بتجيب فلوس انما اى حاجة من دكتور ولا دة لالالا ابتا ابتا دنا استغربت اوى لما كنت ف الكافية ولاقيت عيال لسة ف ابتدائي داخلين و قاعدين ف اللكافية و قولت دنا مدخلتش الكافيهات الا و انا ف ثانوى عشان نشيش بس و اللهي دحنا خلالالالاص بس كلامك عجبني اوى بس الفرحة بالنسبة لينا بس بنعبر عنها بالى انتى بتشوفيه دة انا من يوم ما اتولدت ما شوفتش كدة و يارب نروح كاس العالم

فشكووول يقول...

ازيك يا حلم

بصره .. طبعا توارد خواطر .. اصل الحكايه زادت عن اللازم عندنا وعندهم واحنا عارفين الشعب الجزائرى شعب عنيف ومتوتر وخصوصا فى الكوره

احنا بطلنا نشغل عقلنا والمشكله ان العقل ياخد اللى قامه من غير ما يفكر فيه .. احنا بينقصنا العقل النقدى لا العقل الناقل .

تحياتى

فرسان على مر الزمان يقول...

بالفعل يوجد مشاكل كثيرة فى إختيار
إسم المولود
وللأسف خناقات أكثر من ذلك
للأسف
والصور معبرة جداً عن الموضوع
وربنا يبعد عنا الهم والغم
يا رب
وكلام متميز
وموضوع هادف
وأحسنتِ الإختيار
أتمنى زيارة مدونتى
فرسان على مر الزمان
على الرابط التالى
http://fairsan.blogspot.com/
تحياتى
ويبقى التواصل

قلم رصاص يقول...


عبرت عن الواقع بسلاسة ويسر يامحمد

ودمت مبدعا

sweet angel يقول...

جاتنا ستين نيله
مجهود رائع تشكر عليه

7annen يقول...

حاجه تكسف
امتى هنفوق انا مش عارفه
ربنا يصلح الحال يارب

Mr.Hazem يقول...

شي مؤلم صراحة
من اقل شي نقتل بعضنا البعض
من اتفه الأمور نحارب بعضنا البعض
يسلموا لطرحك للموضوع بجد هام ويحتاج لمن يفهمه جيداً
حتى بحاجة لان يكون هناك حملة تتعلق بالتوعية بهذا الخصوص
تقبلي ودي

Mr.Hazem يقول...

شي مؤلم صراحة
من اقل شي نقتل بعضنا البعض
من اتفه الأمور نحارب بعضنا البعض
يسلموا لطرحك للموضوع بجد هام ويحتاج لمن يفهمه جيداً
حتى بحاجة لان يكون هناك حملة تتعلق بالتوعية بهذا الخصوص
تقبلي ودي

donya يقول...

صباح الخير
مش عارفه اقول لك ايه
ومش عارفه ليه العرب بقوا كده
لو قريت التاريخ باحساس اليوم هتكتشف ان العرب طول عمرهم كده
وزي الرسول الكريم ماقال قصعه تتدعا عليها الامم من ضعف وليس من قله
احنا العدد في الليمون زي مابيقولوا
بس مافيش عقول تميز
حتي اولادنابنربيهم علي ده
ربنا يستر

تحياتي علي البوست القوي

أحمـــــــــــــد أبو العلا يقول...

ازاي يعني
بقى معقوله عزيزي المواطن ده يعمل كده
بقى معقوله عزيزي المواطن يسيب الحرب اللي والعه ديه وميرميش عليها جاز

مهو سي عزيزي المواطن ده بقى فاضي
وحجته انه مش لاقي حاجه تشغله ولا تفرحه
منطق عجيب, يعني انا لو فاضي اقوم ادور الضرب في اللي حواليا واقول انا فاضي ولا اقتلي اتنين تلاته واقول معلش ياناس اصلي مش لاقي حاجه اعملها ولا ابهدل الناس واقول معلش اصلي فرحان شويه

عزيزي المواطن, ياريت تقوم من النوم بأه, احسن ده مبقاش نوم, ده بقى موت

زهرة بردانة يقول...
أزال المؤلف هذا التعليق.
فتاه من الصعيد يقول...

من اعقل واكثر الكلمات فهما في موضوع الحرب الكرويه الغبيه .... تلك التي كتبتها في هذا البوست

احييك بشده

تحياتي

بنت الأسلام يقول...

إحنا فعلا بقينا ننشغل بالتفاهات ودا إللى عاوزه اليهود يشغلونا عن قضيتنا الكبرى والمسجد الأقصى
أما ما يحصل الأن بين مصر والجزائر فهو كارثة بكل المقايس كيف للعبة أن تفرقنا بهذا الشكل ليصل الأمر إلى القتل أنقتل بعضنا البعض نحن العرب من أجل لعبة أأصبحنا تافهين إلى هذة الدرجة
فحقا وأسفاااااه على ما يحدث
ولنا الله

حلم بيعافر يقول...

يسارى نوبى

حبيبى

ازيك ياللى بتضيف للصورة وللموضوع

منورنى

حلم بيعافر يقول...

norhaty
ايا كان التغيير اللى طرا على الوضع

بس الفكرة موجودة ومترسخة

منورانى

حلم بيعافر يقول...

اقصوصة

هنكبر عقولنا لما تكبر

منورانى

حلم بيعافر يقول...

احمد الصعيدى

وجهة نظر مرتبطة بالموضوع بس من بعيد شوية

منورنى ياصعيدى

حلم بيعافر يقول...

خواطر شابة

شكرا ليكى

ومنورة

حلم بيعافر يقول...

دكتور ياسر

فعلا اكلنا بعض

عشان العبط واللى بيروجوله

منورنى يادكتور

حلم بيعافر يقول...

الشجرة الام

قبلك دكتور ياسر بيقول عبط قومى وانت بتكررى الوكسة اللى قلتها

مصطلحات تخوف

ربنا يستر

منورة

حلم بيعافر يقول...

عمر وائل

ماحنا طلعنا عشان كده

عايزنا نتمسك بالحشيش فى جوهانسبيرج؟

منورنى

حلم بيعافر يقول...

فشكوووووول

منور يامعلم

العقل الناقل والعقل الناقد

والنعمة احنا بنقول كلام حلو اهوه

ههههههههه منور

حلم بيعافر يقول...

فرسان على مر الزمان

شكلك مكملتشس الموضوع

عموما منور

حلم بيعافر يقول...

قلم رصاص

مش متعود منك ع الرد ده يا سيد بيه

ههههههههه منور

حلم بيعافر يقول...

sweet angel

ليه بس الشتيمة ههههه

منورة

حلم بيعافر يقول...

حنين

ربنا مايجيب حاجة تكسف

منورة

حلم بيعافر يقول...

حازم

ياريت ياحازم يحصل الوعى ده

منور

حلم بيعافر يقول...

دنيا

مساء النور بتوقيت بلدنا

متقوليش حاجة

احنا بس بنخلص ذمتنا وضميرنا

ههههههه منورة

حلم بيعافر يقول...

احمد ابوالعلا

بالراحة على عزيزك المواطن ياهندسة

والله ده غلبان اوى

وسهل يتوجه للطريق الصح زى ماهو كان سهل يتوجه للى عمله ده

عزيزك المواطن عجينة طرية والله ولو فيه حد بيتكلم صح وعايز مصلحة هتلاقى كله وراه

منور ياهندسة

حلم بيعافر يقول...

سهر عافية

ايه ياسهر مسحتى تعليقك ليه؟

حد زعلك؟

حلم بيعافر يقول...

فتاة من الصعيد

شكرا شكرا يا رافعة معنوياتى

منورة

حلم بيعافر يقول...

بنت الاسلام

تفاهاااات

ايوه هو ده مربط الفرس

منورة

Sonnet يقول...

جميلة جداااااا

حلم بيعافر يقول...

sonnet

الجميلة زيارتك يا دكتورة


منورانى

سقراط مصر يقول...

كنت سالت على موضوع مصاريف الجامعه
saeed_elmasry@yahoo.com

ده ايميلي ممكن نتواصل من خلاله هيكون التفاهم اسهل
تحياتي