الثلاثاء، 24 نوفمبر 2009

الحشيش بتاع العيد اتمسك..



بداية كده كل سنة وانتم طيبين
زمااااااااااااااااان مش زمان اوى يعنى كانت مظاهر العيد مختلفة جدا عن دللوقتى يعنى مثلا يحصل تجمعات للاهل والاصحاب وكله يبارك ويهنى بعضه ونقعد ناكل فى الكحك ونتفرج ع الدكتور اللى جايبينه فى القناة الاولى يحذر من كتر اكل الحاجت دى ويقول بتجيب سمنة ومش عارف ايه والكلااااااااام ده ونفضل ناكل برضه مبيهمناش ويفوت شهرين وشوية عيبد الاضحى يدخل ونتجمع برضه بس فى العيد ده بقى بناكل لحمة ايوه والله العظيم لحمة من ام 45 جنيه ونفس الدكتور يقول محدش يكتر من اكل اللحمة برضه بس هيقول لمين دى هى اصلا مبتدخلش البيوت غير فى عيد الاضحى
دللوقتى فيه حاجة مهمة اوى اتضافت لمظاهر العيد وطبعا من غير مقدمات هى الحشييييييييييش ايوه من حق كل واحد حسب الحقوق اللى كفلهالنا الدستور انه يحشش براحته بس الشرطة مش فاهمة كده بقى وكل ما افتح اى حتة اشوف الاخبار الاقيهم ماسكينلى بتاع 10 كيلو حشيش وماسكين كام تاجر بانجو ومش عارف كام كيلو هيبروين ليه معرفش وطبعا بما اننا مقصد وهدف كلل مؤامرات المنطقة فهنضيف اللى حصل ده كمؤامرة من مؤامرات كتيرة بتحاك ضدنا وبتستهدف مزاجنا ومش بعيد كمان شوية الشعب يطالب الشرطة بمرتباتهم اللى بيقبضوها من ضرايبنا ودم قلبنا اصل الحكاية بقت استغفال لايطاق يعنى نقبضكوا وتقلوا مزاجنا؟!!!!بس معلهش محدش يقهر نفسه والمحافظات اللى حشيشها اتمسك احنا هنقوم معاهم بالواجب واى حد يحتاج مننا حاجة فاحنا جاهزين لان شرف المهنة فوق اى اعتبار
نداااااء من شباب البلد اللى زى الورد الابيض الى القيادة العليا فى مصر(يااما توفرولنا بيئة نضيفة بعيد عن اى انحطاط فى الفكر والحياة بشكل عام يااما توفرولنا الحشيش عشان ننسى وبعدين ما تطلعوا الدكتور بتاع اللحمة يحذر من الحشيش شوية اشمعنه الكحك واللحمة يعنى؟!!مفيش حد اجدع من حد )

هناك 35 تعليقًا:

مي يقول...

كل سنة وانت طيب هيييييييييييييه اول تعليق افرقع بمب بقى مش العيد يعنى براحتىىىىىىىىى

مي يقول...

انا اخرى احتل لكن ماليش فى الحشيش
ههههههههههههه بس بوست هايل ههههههههههه اصل دايما الدكتور ده بيطلعوه وكانه واجب وطنى علينا ومتنساش برضه بيجى فى شم النسيم

وبالنوسبة للحشيش ده موسمه اكيد وخلى الناس تعيشششششششش
بس حاضر هكلمك الحكومة
بقولك ايييييييييييه كل سنة وانت طيب

حاول تفتكرنى يقول...

كل سنة وانت طيب

لا ارعف مقالك ناقم أم ساخر ، لكن اسلوب الفانتازيا واضحة اوي ، كثيرا ما اتمني أن اتكلم بكل هذه الشفافية لأن فعلا القضية واقعية ، خاصة اليومين دول ، كل اجازة الاقي الحشيش بيتباع على النواصي بما اني من سكان الاحياء الشعبية ، واخر مرة عرفت ان الحكومة كتر خيرها رخصته ليصل ثمن الصباع - القرش سابقا- لستين جنيه ، يابلاش ، افتكرت فيلم المزاجنجي واكيد الحشيش ده مشغول

طبعا ده من مساؤنا ، بأن ينتشر فينا ما يغيبنا ، مع أننا مغيبين من الاساس ، فالشخص العاقل هو من يحاول دائما ان يكون متوازنا ، متزنا ولو تغيب العالم من حوله

كل سنة وحضرتك بخير

فتاه من الصعيد يقول...

ههههههههههههه

وليكن شعار حملتك الجديد ....حشيش لكل مواطن

تحياتي

خواطر شابة يقول...

عيد سعيد ينعاد عليك بالخير ان شاء الله
بالنسبة لكلامك ده "بس معلهش محدش يقهر نفسه والمحافظات اللى حشيشها اتمسك احنا هنقوم معاهم بالواجب واى حد يحتاج مننا حاجة فاحنا جاهزين لان شرف المهنة فوق اى اعتبار" هو الكلام للمحافظات بس معندكش فرع دولي?
تحياتي

راجية الرحمه يقول...

كل سنه وحضرتك طيب يافندم
بغض النظر عن المواد المخدره فالسه فيه برضه لحمه
انا بس عايزه الفت نظر حضرتك لحاجه ان الحاجات دى مبقتش متعلقه بالمناطق العشوائيه بس الحمد لله احنا نعتبر فى راقى والمخدرات بتتباع فى السوبر ماركت و تجبها كمان بالسبت -خدمه توصيل كمان-
الله المستعاااااااااااااااان

sookra يقول...

يانهار ابيض
يعنى ايه اللى بتقوله دا
حشيشنا اتسرق
يالهوى طيب هاعمل دماغ منين
ولا اقولك ولايهمك هاتصرف
هناك كدا تحت غيه الحمام بعمل احلى دماغ
هههههههههههههههههه
موضوع حلو ومناسب للعيد كمان
تحياتى

7annen يقول...

كل سنه وانت طيب
وعيد سعيد علييييييك

ومعلش احنا محتاجين حد يفهم الشرطه
حقوق الشعب

هههههههههههههههههههههه

blackshwak يقول...

كل سنه وحضرتك طيب
أتفق مع حضرتك في إن الناس - الشباب بالخص - بقوا بيحتفلوا بالعيد بشكل غريب
ومش بس إن البانجو والحشيش أصبحوا
من مسلمات حياة الشباب
ولكن هناك أشياء أقبح من ذلك أيضا

بالتوفيق دائما
تقبل مروري

3mr wa2el يقول...

الوقتي يا اخى الحشيش الى موجود فى السوق كله عبارة عن لبان دكر و حنة و بنج و حبوب كميا علية بتحرق ف الزور و الصدر و اقوللك لية بقى
انباء من ديلر الى كل الحشيشين الى عندنا قالها كدة بنفس النص يا شباب مفيش حشيش كويس ف السوق عشان الكمية كلها مشحوحة بسبب العيد لية يا عمم عشان الفرش المضرورب يتباع و المشكلة انه ما بيخدرش و يوم الوقفة دة بتلاقي امة محمد كلها بتحشش قال اية لازم نعيد بقى نعمل اية يعني خليك ف الخمرا احسن هههههههههه على الاقل مضمونة و السؤال الى كل بيتسلة هتخدر فين ف الوقفة و نداء الى كل بنوتة عندها اخ ف ثانوية عامة ما يسهرش لحد 12 عشان البداية بتبقى وقفة ههههههههههههههههههه ولا عزاء للفضايح

ريمان يقول...

اووووووووووو يع


هو ده شكل الحشيش؟

اول مره اشوفه


بس هو ضخم كده ليه؟

احسن انه اتمسك بلا قرف

كل سنه وانت طيب وعيد اضحى سعيد عليك

donya يقول...

مساء الخير
يعني يحزروا من الحشيش ويقولوا وحش
فاالشباب مايتسطلش وينسي
انت ضد الحكومه بقي
ههههههههه

كل سنه وانت طيب
تحياتي

موناليزا يقول...

يارب يكون عيد سعيد خالى من أى حشيش أو مخضروات أخرى:)

أحمـــــــــــــد أبو العلا يقول...

كل سنه وانت طيب

الحشيش اتمسك؟ امال ازاي الناس هتعي\

د. ياسر عمر عبد الفتاح يقول...

يا عم متقلقش
ده تمويه بس
الحشيش في كل حتة ,,
دول قربوا يدعموه
من مصلحتهم إننا نفضل مسطولين على طول

كل سنة وانت طيب
ومساااااااااااء الخييييييييييييييييير

أميرة علي كوكب مهجور يقول...

كل سنه وانت طيب عيد حلو عليك يارب
وخليك خفيف ومتشربش حشيش والعيد فرحه والحشيش بره :)
ويتمسك احسن كفايه التوهان اللي احنا فيه طبيعي

ameen يقول...

كل سنه وانت طيب

ويارب يا سيدى يفتحو كافيه كابوتشينو

عشان خاطرك بس!!

Foxology يقول...

تصدق فعلا عندك حق
يا اما تعيشونا عيشة نضيفة يا اما تسيبونا نشرب مخدرات زى منتو سايبين الناس تشرب خمور ولا ايه ؟؟؟؟

والله حاجة تقرف

كل سنة وانت طيب :)

اعشق فى الليل ضوء القمر يقول...

كل سنه و انت طيب

أحمد الصعيدي يقول...

السلام عليكم ورحمة الله

عيد عليكم مبارك
وكل عام وأنتم بخير

micheal يقول...

هههههههههههههههههههههههههههههه..كل سنة وأنت طيب يا عم اللمبي

الشعب لابد له من حكومه تشكمه يقول...

حشيش ايه بس لو جيه جمبى وانا بقرا البوست ده دلوقتى يقولوا عليا ايه هههههههههههههههه..

كل سنه وانت طيب وعيد سعيد عليك يارب:)

blackshwak يقول...

بمناسبة العيد

اقصوصه يقول...

عسى كل ايامكم عيد :)

ليس فقيرا من يحب يقول...

يا خسارة طب اعمل دماغ

انا فى العيد ازاى بئى

ههههههههههههههههههههههه

كل سنه وانت طيب يارب

عيد سعيد عليك وعلى كل احبابك

The illusionist يقول...

الف كل سنه وانت طيب يا محمد
نورت المدونه
كل سنه وانت طيب وبالف صحه وخير

الكحيان يقول...

كل سنة وأنت طيب ... فعلا عندك حق اشمعنا الحشيش يعني لا يحذرون منه طيب حتى يكتبوا عليه العبارة الشهيرة التحشيش ضار جدا بالصحة مثلا لكن تقول لمين ؟ هما عايزين كده شكرا لمرورك الكريم ونرجو التواصل

بقايا انسانه يقول...

ههههههههههههههههههههه

كل سنه وانت طيب الاول

والله اللي انا بستغرب له اكترمن كلامك دوت


انه بقا لما الشباب يقعدوا قاعدة سمر كدا

يجي واحد يعزم ع التاني بسيجارة حشيش

يقولوا انا مبشربش حشيش

تحصل دهشه ويبقا فيه استغراب

معقول انت موش بتحشش ازاااااااااي

ملخص كلامي انه اللي مبيشربش حشيش


اليومين دول بقوا يقولوا عليه فافي


ودا طبعا تجسيد خطأ قد يكون المجتمع مسؤل عنه

هنحاسب الدوله عن ايه ولاايه


يلا ربنا يهدي الجميع

وعيد سعيد

صوت من مصر يقول...

مش عارف اقولك ايه
العيد اصبح اليوم الرسمى لتداول الحشيش فى مصر

وومن يقول...

كل سنة وانت طيب يا حلم وان شاء الله السنة الجاية تحقق كل احلامك

بس ايه التهريج دة ازاي يعني الحشيش بتاع العيد يتمسكك لالا ياعم اكيد الكميات دي عينات كدة لزوم تظبيت الدفاتر

يعني احنا نعيد وبتوع مكتب مكافحة المخدرات ميعيدوش بمكفأة كدة ولا علاوة كدة ده كلام برضة

قلم رصاص يقول...

كل سنة وانت طيب ياراجل ياطيب

حشيش فايدة فيك انت خالص

ههههههههههههههههه

اوراق قديمة يقول...

كل سنه وانت طيب وعيد سعيد
وعموما انت فرجتنا على شكل الحشيش
ولو انى كنت متصورة شكله حاجة تانية خالص
وعموما بوست ظريف
ام محمد

اخبار الفن و النجوم يقول...

nice topic ;) & dats my blog i hope u visit me :)

http://ngomnews.blogspot.com

Sonnet يقول...

عيد سعيد عليك و على زوارك أيها الحلم الذي لا يستسلم
أختك sonnet

حلم بيعافر يقول...

قريت الردود رد رد وكلمة كلمة

نورتونى واسعدتونى

وكل سنة وانتم طيبين وبصحة وسلامة

واللى عايز يفرقع بمب يفرقع بس ميعورش حد واللى عايز يقعد هادى يتفضل

ومحدش يزعل عشان مريتش ع الردود واح واحد

واعذرونى اخوكم مزنوووق والدنيا كلها مكركبة فوق دماغه