الاثنين، 30 نوفمبر 2009

(لبيك يافرعون)



العيد بقى له كام سنة كده بيجى ويسيب وراه ذكريات مؤلمة واوقات لازم الواحد ينفجر عشان يقدر يكمل حياته


العيد قعيد الهم والافكار
واسير كسير النفس
وعاليه قصايد ردح
ويا النفاق والمدح
ويا حِِكاوى الدبح
بين ناس فى نفس الكار
فى الكعبة ميت حجاج(بفتح ال-ح-)
ومكة حفرت قبر
للى جايين بالفتح
العيد قعيد الصبر
تلميذ بليد خايب
قاعد ف اخر الفصل
يتهجى فرح بعيد
مطعون بهم تقيل
العيد قعيد وعليل
مصبوغ بلون الذل
بيمد ايد للعون
ناطق هتاغه المر
(لبيك يافرعون)
خايف يموت تانى
او يترمى مسجون
العيد مكانش جبان
وطلته كانت
وسط الهموم ثاير
طب ليه صبح ملعون؟!
من فوق وشوشنا..
بيلم ضحكتنا
ويسم سكتنا
ويصرخ...
(ياناس مرغم)
..............
بخل السنين
طارح امل مبتور
وضحكة هلكانة
مش قادرة تتماسك
وسط العته والزور
بتفر هربانة
وشيخ عجوز
بيلاحقها
وبيحتمى فيها.....


هناك 20 تعليقًا:

الشعب لابد له من حكومه تشكمه يقول...

ممكن اسالك سؤال؟
هو انت ليه متفاؤل كده:)

donya يقول...

مساء الخير
بصراحه عيد عيد يعني

يامساء التفاؤل والحبور
خير في ايه

خير ان شاء الله

تحياتي

فتاه من الصعيد يقول...

موش العيد فرحه المفروض .... ليه كده ؟

عموما العيد موش عيد على كل الناس .... في ناس همومها موش بتخليها تشوف اي فرحه

تحياتي

غير معرف يقول...

في مرور اول هالني مارايت من احزان تظلل اركان هذه المدونة حتي في ايام الاعياد , وكل ما اود ان اقوله ....... ان العيد هو فرحة اداء الفريضة وذكري يوم الفداء ....... لهذا لايمكن ابدا ان يشعر المرء باي حزن اذا ما ادي ما عليه وبذل التضحية والفداء من اجل ما يؤمن به ........ لهذا عليك ان تراجع نفسك لعلك مقصر في اداء واجب ما , او لعلك تضن بمجهودك فداءا لما تؤمن به وترضاه ...... واولي خطوات العمل المثمر هو الامل وافضل الاعمال تلك المقرونة بالعزم واليقين .

عيد سعيد

مصطفي محمود

Mr.Hazem يقول...

كل عاااام وانتي بألف خير يااااارب
ينعاد عليكي وعالاهل والاصحاب والاحباب وكل يلي بتعرفيهم بالخير والبركات
وان شاءا لله ييجي العيد الجاي وتحققت احلامك ياااارب

تحيتي

عابرة السبيل يقول...

مش هقول زيهم ايه التفاؤل ده
لان العيد جه عليا انا كمان وكلى حزن بس مش من الفرعون

لا والله من الفرعون اللى خلى بلادنا فقرانه وخلى شبابها بتهج منها تتغرب عشان القرش

كل عام وانت بالف خير

sweet angel يقول...

كل سنه وانت طيب

الشجرة الأم يقول...

لبيك يا أبو لهب ..

فرعون راحت عليه ..

خليك متفاؤل العيد اللي جاي راح يكون أحلى ..

7annen يقول...

طيب هكتفى بكل سنه وانت طيب

مصري جدا يقول...

يخرب بيت الكابة

ما كلنا مليانيين بلاوي


بس بنعافر

مش عاجبك العيد

نام الاربع تيام وخلاص

تصحى تلاقي عادي ولا عيد ولا حاجة


شكلك كدا ما اكلتش لحمة

عادي

مالة الفول يعني

قلم رصاص يقول...

ههههههههههههه

جرى ايه ياحاج محمد

انت شكلك كده مكلتش لحمه كويس !

ههههههههههههه

ياعم خليك متفائل حرام عليك

دا العيد كان جميل السنة دي عندنا

طب انت مجيتش ليه تعيد علي زي ماقولت

سيبها لله وهتتعدل يابن خالتي

في امان الله

ameen يقول...

لالالالالا الكلام ده مينفعش


لازم تتفائل شويه

ضكتور جدا يقول...

هههههه

كل سنة وحضرتك طيب

تحياتي

مي يقول...

طب ليه صبح ملعون؟!
من فوق وشوشنا..
بيلم ضحكتنا
ويسم سكتنا
ويصرخ...
(ياناس مرغم)
صححححححححححححححححححححححح حلوة اوووووووووووووووووووووى
ليه حق يصرخ بس الكلمات جامدة اووووى عشان صريحة اوى
تحياتى لابداعك المتميز دوما

ريمان يقول...

مش عارفه اقول ايه


هههههههههه كويس انى مش قرات البوست ده قبل العيد الحاله اصلا مكنتش ناقصه عندى والله


يا صباح التفاؤل

dina يقول...

العنوان فكرنى بقصة سيدنا موسى و فرعون....الا الذل الا الذل الا الذل....امة الذل ابتدى يعرف طريقها يبقى عليها العوض...الا الخوف و الا اننا نطاطى و نسكت و نمشى جوا الحيط

Foxology يقول...

مساء التفاؤل :)))

معلش بكرة تروق وتحلى

تحياتى

حلم بيعافر يقول...

كل سنة وانتم طيبين ياجماعة

وخلاص اكلنا اللحمة والنكد راح وكله تمام

ومسااااااااااء الخيييييييييير

نورتونى كلكم

love_live يقول...

الموضوع جميل جدا وللأسف هو ده الواقع بس لو عندنا قدر من الوعى الثقافى والدينى أكيد حاجات كتير كانت أختلفت وأحيك أخى على كل أرائك

love_live يقول...

sorry:التعليق ده كان المفروض على الموضوع اللى فات وكل سنه وأنتم طيبين