السبت، 12 ديسمبر، 2009

الغباء لا دين له...



الغباء لا وطن ولا دين له بمعنى ان الله- واسع الفضل- عندما قسم الارزاق بين الناس قسمها بين الامم كذلك ووهب اشخاصا وامما بلا حساب من فضله وحسن عطاياه نعم وعطاءات اخرى تتفاوت مابين المفيد والمدمر ومن اهم هذه العطاءات القدرات العقلية فاما ذكيا باهر الفكر والابداع واما عاديا واما فى قمة الغباء والحماقة وكل له رزقه ونصيبه الذى يسير حياته به وقد يسلط الله على قوم ما اكثرهم غباءا فيحكم وينكل بهم عن قصد وعن سوء قصد وقد يحدث فى لحظة غباء ان يصدر الحاكم قرارا فيشقى به ويشقى من حكموه كذلك وقد تتراكم اخطاء حاكم ما فتكون نهايته جزمة اومظاهرة سب وقذف او الناس تكسل وتستخسر فيه التانيب او يموت وميتمه يبقى فرح محصلش زيه

فى انتخابات الرئاسة الامريكية 2005 وفى وسط الصراع والمنافسة بين جون كيرى وجورج دبليو بوش على كرسى رئاسة الولايات المتحدة لاربع سنوات وقبيل عمليات الاقتراع النهائية بوقت قليل وكعادته دفع اسامة بن لادن باحد تسجيلاته العجيبة الى وسائل الاعلام يهدد فيه الغرب وخصوصا امريكا الكافرة ويتوعدهم بمزيد من العمليات والغزوات وكعادتها وسائل الاعلام الغربية اخذت التسجيل وهولت ونشرت الرعب والفزع وكعادته الشعب الامريكى راس راس ونفر نفر استهجن واستنكر الارهاب ورؤوسه واتجهت غالبية اصواته فى صناديق الاقتراع لصالح جورج بوش لينجح شخص غبى ويقود الولايات المتحدة والعالم لاربع سنوات اخرى كانت الاسوء على حد تقديرى فى تاريخ امريكا من جهة علاقاتها بالعالم وبالشرق الاوسط على وجه الخصوص وكانت عجافا ودمارا على العالم الاسلامى الذى يحسب عليه اسامة بن لادن صاحب الفضل الاكبر فى تولى من خرب ودمر منصب الرئاسة فى امريكا




اغبى من جلس على كرسى حكم فى التاريخ يقع فى نفس الخطأ الذى وقع فيه أسامة بن لادن والذى تسبب فى فوزه بكرسى الرئاسة عندما ساند هو وخارجيته حركة فتح على حساب حركة حماس فى الانتخابات التى جرت بينهما منذ بضع سنين وكانت النتيجة طبعا فوز حركة حماس بهذه الانتخابات لاان الناخب الفلسطينى دخل هذه الانتخابات بين حركة فتح المدعومة من وجه الغراب الامريكى وبين حركة حماس المحاربة من قبل نفس الغراب ووجهه فكانت النتيجة طبعا عكس مراد الغبى وخارجيته ونظامه الابله العبيط


انتخابات نقابة المحامين الفائتة فى مصر كانت بنفس ظروف انتخابات الرئاسة الامريكية2005 وبنفس ظروف انتخابات الحكومة الفلسطينية ايضا فقد كان هناك وجه قبيح يكرهه الناس مساندا لسامح عاشور ومناهضا لحمدى خليفة وكانت النتيجة هى بالطبع فوز حمدى خليفة على حساب المساند من الحكومة سامح عاشور ونفس ماجرى فى انتخابات نقابة المحامين يبدو انه سيتم فى انتخابات نقابة الصحفيين ايضا لان ماجرى فى الفترة الاخيرة من ضغط على صحفيى الصحف القومية قد اثار حفيظة البعض وادى الى تغيير نواياهم فى انتخابات الاعادة التى ستجرى اليوم ويبدو والله اعلم اننا سنرى ضياء رشوان نقيبا للصحفيين المصريين بعد الانتهاء من اجراءات الانتخابات اليوم

او يمكن لاننا مصريين فتكون اللعبة مختلفة عندنا شوية ويمكن احمد عز يغير الحكاية بعد مافشلت ويكون بيساند مكرم محمد احمد عشان هو عارف ان اللى هيظهر مساندته ليه هيسقط ويكون فى الاساس كان عايز ضياء رشوان نقيب للصحفيين زى بالظبط المشهد بتاع فيلم (رجل فى بيتنا ) لما الظابط استجوب صاحب ابراهيم وعرف منه ان ابراهيم هربان فى اسكندرية فراح يدور فى اسوان عشان هو عارف ان اللى استجوبه ده كان بيضلله وانا مبقيتش فاهم حاجة فى الحكاية دى ويظهر انى اتعديت غباوة من العباقرة اللى فوق دول

هناك 30 تعليقًا:

ameen يقول...

ويمين الله ربى كان نفسى افهم الموضوع ده


شكلى غبى ولا ايه
!!

قلم رصاص يقول...


هههههههههههههههههه

فكرتني بفيلم غباء في غباء بتاع جيم كاري .. كل حاجة غبيه

دا حتى انت يامحمد نسيت وقولت :

فيلم رجل في بيتنا .. وهو في بيتنا رجل

هههههههههههههههههههه
واخد بالك انت ؟!

المهم

بلاش تتكلم في السياسة تاني عشان الوقت بيجري والانتخابات الرئاسية قربت .. واحتمال كبير امسك البلد اللي ملهاش رابط ولا ظابط .. ومش هرحمك .. عشان بس تعرف ان النظام الحالي ميه ميه .. وناس طيبييييييييين
كفاية سايبين الشعب يشتم ويلقح عليهم ولا بيبعتولكم بعض من زوار اخر الليل .. عاااااارفهم ياض؟

هههههههههههههههه

دول اللي اديهم متحبش تسقف الا ع القفا هههههههههههههه ربنا يكفيك شرهم !

وجهة نظرك وصلت

دمت على خير

عديني بقى عشان مش فاضي لك

^_^

اقصوصه يقول...

ويمكر ويمكرون

والله خير الماكرين :)

zikooooo يقول...

السلام عليكم
بعيدا عن الجزء الاخير ده اللي مفهمتوش
بس انا طبعا شايف ان اكبر غبي اذي المسلمين
هو اسامه بن لادن

واللي اعتقد ان يكون الموضوع مدبر من امريكا زي ما انت فاهم

بالتوفيق

7annen يقول...

ايه حكايه السياسه معاك
انا عن نفسى مبفهمش فيها اوى

وومن يقول...

غباء قوم عند قوم فوائد

Foxology يقول...

وايه الجديد ؟؟

طول عمرنا كدة غباء * غباء

تحياتى على البوست اللى فيه ملاحظات متشابهة جدا

Sonnet يقول...

هنيئا له
يشبع بها حتى آخر العمر
نحن مش مسامحينه

Angel يقول...


صباح الخير بالليل

معلش سماح بقى
أنا هاجي اقرأ وارد بكرة عشان عايزه انااااااااااام
ومن غير تريقة كده أنت وابن خالتك
وتقولي ما تجيبي مخدتك وتنامي في المدونة احسن D:

يللا تصبحوا على خير
(:

youssif يقول...

اييييييييييييييييييييييييييييييييه

في ايه ؟؟؟؟

اسهال مواضيع ... مالك يابني اصبر شوية نفسي اردلك علي بوست واحد ... يا سااااتر

اظن اللي بتتكلم فيه ده هو الكوميديا او سخرية الواقع ...

لما كل حاجة تبقا متنظمة و مرسومة لكن لما يتعلق الأمر براي عام او تصويت تبقا الكورة في ملعب الجماهير هنا بتبقا الفوضي الخلاقة صعب انك تتوقع النتيجة لكن الأكيد انك تجيب علبة فشار و تقعد تتفرج علي الأحداث و النتيجة بمتعة و مفيش مانع من كثير من الضحك الهيستيري علي كمية المفاجئات اللي بتقدر الجماهير انها تفجرها ...

اتمني فقط ان تطبق الديموقراطية كما يجب ان تكون في مصر حتي يمنح اعظم شعب يصنع افيهات في العالم من صنع افيهات تاريخيه لمصيره تتخطي و تفوق كل التوقعات

م/ الحسيني لزومي يقول...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

سجود يقول...

السلام عليكم
انا قرات الموضوع وفهمت حاجات بس احساسي الكبير اني مش فهمت اللي حضرتك تقصده
عموما انا بكره بوش وعارفه ان امريكا بدات تنهار بسببه والحمد لله انه مشي وريحنا
وكمان فعلا في فترته اسوا فتره مع الشرق الاوسط في العلاقات
بالنسبه لاسامه بن لادن انا شايفه انه مش تبع امريكا ذي ما الناس بتقول لان مش معقول لو تبعها كان يدمر اكبر برجين عندهم
ولا الله اعلم يمكن مش هو الواحد ماعدتش فاهم حاجه في العالم ده

الشجرة الأم يقول...

ما حدث هو بإرادة الله عز وجل فقط، وله حكمة بعيدة المدى لا يعلمها البشر.

حلم بيعافر يقول...

ameen

ههههههه لا مش غبى ولا حاجة

صلى ع النبى كده واقرى تانى

نورت

حلم بيعافر يقول...

زوار اخر الليل مين يابنى؟

انا مظبطهم نفر نفر

منور

حلم بيعافر يقول...

اقصوصة

فعلا

نورتى

حلم بيعافر يقول...

zikooo

وجهة نظرك وصلت

منور

حلم بيعافر يقول...

حنين

ليه كده؟

اقرى تانى وهتفهمى

منورة

حلم بيعافر يقول...

وومن

فعلا عندك حق

نورتى

حلم بيعافر يقول...

foxolgy

منور يامعلم

حلم بيعافر يقول...

soonet

طبعا يادكتورة

منورة

حلم بيعافر يقول...

angel

اييييييييييه؟كل ده نوم؟

ههههه اديكى فضلتى نايمة ونسيتينا

حلم بيعافر يقول...

يوسف

ههههههه لاء موصلتش للاسهال

منورنا يامعلم ووحشتنا

حلم بيعافر يقول...

م-الحسينى لزومى

والله عملت كده

منور

حلم بيعافر يقول...

سجود

يكفينا مرورك

منورانا

حلم بيعافر يقول...

الشجرة الام

حكمة حكمة

منورة

غير معرف يقول...

بسم الله انا صحيح اهلاوى متعصب بس هقولك حاجه وكأن الزمالك كده ماتغلبش ولا ماتش من اللى فاتو فى الخمس سنين بالحق ماتبص لمستوى الفريق بص لرئاسه النادى بص لاخلاق لاعبى نادى الزمالك ميدو لما دخل فى الجون بتاع المقاولين وساب الكره خالص ودخل فيه بالعمد الحكم حتى محسبش فاول ولا اى حاجه مع ان ده لو فى الدورى الانجليزى اللى هو الدورى القوى هياخد فيها طرد دى وكان الزمالك بيلاعب فريق تانى مش فاكر مين ميدو وقع فوق اللاعب وفضل قاعد عليه وبيكلم الحكم ومش فى دماغه الواد اللى تحته ماقمش غير لما الواد زقه وقومه وبرضه انت اتكلمت عن نادى الاهلى بطريقه وحشه مع ان انت فى نفس الوقت مش عايز تشجع التعصب منين باه وبعدين نسيت لما الباشا شيكابالا حط الجزمه فى وش جماهير النادى الاهلى ونسيت مرتضى باشا منصور وده لوحده مصيبه مش هتكلم عنه يعنى لو هتقول ان لاعيبه نادى الزمالك مش بيغلطو يبقى انت مابتشوفش كوره يبقى انت كده عايز تبقى متعصب وخلاص انما اما تيجى تتكلم عن سيد معوض اه اقولك ان انا حسيت ان سيد معوض مضايق من حازم امام بس مش عشان حازم امام ولا عشان نادى الزمالك لا سيد معوض طول عمره وهو كده من ايام ماكان فى الاسماعيلى ولا انت ماتوعالوش غير وهو فى الاهلى وبعدين انا عمرى ماشفت الزمالك مظلوم يعنى جمال حمزه اللى كان ييجى فى التمانطاشر ويروح ضارب غطس كده ماتعرفش ليه بس عشان ياخد ضربه جزاء ده كان حلو اوى اتكلمت انت عن ابو تريكا ههههههه ابوتريكا يمثل عشان ياخد ضربه جزاء حرام عليك ابو تريكا لو الزمالك فضل خمسين سنه مش هيجيب زى ابو تريكا وعلى فكره ابراهيم يوسف اللى هو غزال نادى الزمالك قال ان الاهلى سابق الزمالك بخمسين سنه كوره وماتش الانتاج الحربى مع الزمالك الزمالك كسب ب3 اجوان فى الاول كده وبعد كده كل الفرص ضايعه من نادى الانتاج ل انت بتدور ع الحق يبقى الزمالك كان خسر ماتش زى ده على الاقل خمسه سته ويارب الزمالك يطلع من كبوته احنا كلنا مصريين فى الاخر ومش كوره اللى تعمل كده مابينا يعنى لو الكوره وصلتنى للتعصب الاعمى يبقى علاجى انى ماشجعش كوره احسن

ذو الوجه المبتسم يقول...

السلام عليكم

اسلوبكم جميل فى الكتابة

على فكرة انا كمان زملكاوى

وبرده لسة عايش

بمناسبة اسم المدونة
احلم واحلم واحلم
واوعى تيأس ابدا
اكيد هيجي يوم والحلم يتحقق

تحياتى

حلم بيعافر يقول...

ياللى مش معروف
انت علقت فى بوست(الغباء لادين له)والظاهر ان العنوان فرض نفسه عليك وانت بتعلق هنا
انا بتكلم فى حاجات فى الملعب وبره الملعب وحاجات متعتبرش كورة يعنى لما حد يجيب حد ويولع فيه دى تعتبر كورة وتشجيع؟!!!!!
سبحان الله
وبعدين انا قلت حاجات وقللى انها محصلتش لان ابوتريكة اشهر حد بيمثل عشان ياخد ضربات جزاء فيكى يامصر وان كنت نسيت يبقى عندك زهايمر وان كنت بتتكلم على جمل حمزة وبتقول ضرب غطس مرة ولا مرتين فامير عبدالحميد عجنه فى ماتش من الماتشات وجمال حمزة هو اللى اخد انذر
كلامى مش تعصب انت اللى عندك استعداد لكده لان انا كل كلامى بحاول اوصلكوا ازاى تكسبوا بشرف ومتفرحوش بحاجة زور بس الظاهر انى بكلم حيطة قدامى داخلة وبمجرد ماعرفت انى مش من رايها بتصد وخلاص من غير ماتفهم
اقرى تانى ياحلو يمكن ربنا يكرمك وتفهم

حلم بيعافر يقول...

ذو الوجه المبتسم

نورت يافندم فى اول زياراتك لينا

بس على فكرةة علقت فى بوست غلط

يللا كفاية مرورك عندنا

نورت