الأربعاء، 16 ديسمبر 2009

اللهم انى أهلاوى...



أستغفر الله العظيم يعنى هو انا غلطت فى البوست اللى فات اوى كده؟!!!

خلاص مش هكرر ها تانى واتكلم فى الكورة بس برضه هكرر كلامى

اللى حبيت اوصله فى البوست اللى فات وهو انى عايز الناس تتعلم ازاى

تكسب بشرف ومتفرحش بظلم حد وعايزهم كمان ميتضحكش عليهم بالعبط

وعايزهم كمان يبطلوا يتفرجوا ع اللى بيعلموهم الجهل والتعصب والغباء

هااااااه؟قصدى وصل ولا لسه شوية؟...اقول كمان؟انهى فى قلبى تانى؟

فيه ردود فى البوست اللى فات حسستنى انى مش طبيعى بالبلدى مجنون

وطلعونى انا اللى متعصب مع انى والله ماقلت عايز الزمالك يتنيل ويكسب

انا قلت اتعلموا تكسبوا بشرف اتعلموا مترحوش بظلم حد وبطلوا افتراء

يعنى حد يرضى بان مشجع كورة يتمسك ويتولع فيه بجاااااااااااااااااااز؟!!

ولا حد يرضى لاعب ناشىء ياخدله موطواة فى رجله عشان مش اهلاوى؟!!

هااااااااااااااه؟!!ارصلكم كمان ولا كفاية؟ انتوا بيتضحك عليكو بدعوى التشجيع

بالذمة فيه راجل متعلم يفضل قاعد قدام التلفزيون يتفرج ع الراجل ابو وش اسود

واشباهه بالخمس والست ساعات؟بالذمة ينفع العلم ينقاد وراء الجهل زى الاعمى؟!!

اتقوا الله بقى وبطلوا ضلال وجهل وشعارااااات فلقتونى ونغصتونى وفقعتوا مرارتى

هناك 36 تعليقًا:

youssif يقول...

بس يا خويا ونبي ما تعمل في نفسك كدة صحتك ...

قلم رصاص يقول...


هههههههههههههههه

والله ياحاج محمد فكرتك وصلاني من زمان
بس يا اخي عادي خليك ايزي واسمع للرأي الاخر ^_^

انت صحيح متكلمتش هنا تقريبا في الكورة كتير..بس انت ليك مدونة تانية مش عارف راحت فين ، كنت عامل فيها بلاوي عن الاهلي والكورة عموما .. دي نقطة !

النقطة التانية ، انا باكلمك كبني آدم انا عارفك كويس في الواقع بعيدا عن التدوين ، وهو انك فعلا يامحمد بجد وبدون تجني عليك ..انت فعلا متعصب بشكل لايمت لفكرة الكرة بصلة ..وده وضح لي جدا جدا جداااااااااا لما اتكلمنا قبل كده في الكورة واحنا رايحين المنصوره مره .. فاااااااااكر ولانسيت؟!

المهم

ياعم متكبرش الموضوع ..واقلب الصفحة

فكرتك واصله .. بس انت برضه بلاش ظلم لحد وتتهمه بالجهل والانسياق ورا التشجيع الظالم والعبط ..حرام عليك فعلا

هو انت فاكر انك كل الاهلاوية زي ما انت متصور .. ولا الزملكاوية كلهم زيك؟! ياعم الناس مش زي بعضها في كل حاجة..الأساليب بتختلف..فاهمني؟!

ووسع بقى

وايه 7 ايه

هههههههههههههههه

على رأي دبو اتش دبور

يلا في حفظ الله

7annen يقول...

ياحج محمد المراره غاليه اليومين دول
وقطع غيارها شاحه فى السوق

ههههههههههههههههههههههه


هدى اعصابك انت احسن حل متشجعش كوره خالص
خليك زمهلاوى

يعنى محااااااااااااايد

وردشان smilyrose يقول...

يا نهار ابيض


من غير زعل ومن غير ما تقول اننا متصورينك كذا وكذا

كل الحكاية اننا بنقولك بلاش تكبر الموضوعات اللى مش مهمه فى حياتك فيه حاجات اكبر من مبارة او غير

ومع احترامى لحبك للكورة وفريقك

وفعلا مقدرين كل كلامك بس احنا حاسين انك ضاغط على نفسك مش بنتريق عليك

وربنا يوفقك

Foxology يقول...

محدش عاجبه حاجة بجد هو فى ناس كدة ميعبجهاش العجب ولا الصيام فى رجب

عادى يا عم متزعلش نفسك

تحياتى

سجود يقول...

السلام عليكم
انا بقول احسن حاجه حضرتك تعمل شبهي وتسيب الكوره والكلام فيها لانه اليومين دول بقي بيجيب الضغط والسكر بدري

كيكى عوووووو يقول...

اللهم ما امين!!!

الشجرة الأم يقول...

أهل العقول في راحة ..

الكورة راح تصير كركورة ..

طول بالك وخليها على الله هو الشافي

(Joudy) يقول...

انا مش فاهمة ايه حكاية الكورة دى اللى هتجننا اللى أعرف ان الرياضى اللى يمارس الرياضة مش اللى يتفرج عليها أولا وثانيا وثالثا مليش فى الكورة ولا بحبها علاقتى بها مش كويسة أساسا ومش شايفة من وراها غير كل فقع مرارة وبعدين يعنى هو علشان الكورة نخسرك لا لا حقيقى بلاش تعمل فى نفسك كده ههههههههههههههه

دمت بكل الخير والسعادة

ليس فقيرا من يحب يقول...

كل سنه وانت طيب يا محمد

بمناسبه العام الهجرى الجديد

والسنه دى تكون اجمل من اللى فاتت

باذن الله

وتكون نقطه تحول لهويتك الكرويه وتشجع الاهلى

هههههههههههههههههه

donya يقول...

مساء الخير
انا مالييش في الكوره
لكن مابحبش التعصب في اي شئ

وجايه اقولك كل سنه وانت طيب

تحياتي

فتاه من الصعيد يقول...

ما تلعبش مع الاهلاويه تاني .... زعلهم وحش :)

اتفق معاك اننا لازم نلعب بشرف ونزاهه

تحياتي

Mr.Hazem يقول...

يعطيك العافية يا عمري
بجد انا بعتذر كتييييييير لقلة مروري لكن للأسف النت عندي مجنني
بجد اعذرني لقلة رودي وانت عارف ما بنستغني عنك :)*

ameen يقول...

الافضل بلاش الا انت ممكن كده تدايق كتير!!

مي يقول...

هههههههه ايه ده معلش انا غبت بوستين ارجع الاقى ده ههههههههه كنت فى غيبوبة اكيد
كلامك مظبوط المفروض دى لعبة كرة بيجروا وراها بس احنا ساعات بنكبر الموضوع وبناخده على اعصابنا
ده من زمان اعتقد صعب نغير تفكير منذ قديم الكورة
وعلى فكرة احنا عايزينك تتحرق الكورة المهم انت

mimi يقول...

قصدك .. وصل يا زعيم

محمد بدر يقول...

مدونة رائعة وفيها شغل واضح وجلي
الي الامام دائما

ادعوك لزيارة مدونتي

د/عرفه يقول...

سؤال كده يا محمد

ليه مشجعين باقى الفرق بتكره الاهلى موت



لاحساسهم بالظلم
سلطة عليا يعنى
فلوس واعلام وجماهير متعصبة وقوة شبه الحزب الوطنى كده



المهم
فى كل الاحيان مش لازم نتعصب زيهم
وربنا يسهلهم يا عم


احسن الاقى حد يقوم من المدونة يضربنى
هههههههههههههه

حلم بيعافر يقول...

يوسف

ههههههههه ماشى ياعم بس انت اصلا تلاقيك متغاظ اكتر منى

منور

حلم بيعافر يقول...

قلم رصاص

خلاص ياعم قلتلك اللهم انى اهلاوى ومتزعلش نفسك

منور

حلم بيعافر يقول...

حنين

الحياد مبياكلش عيش يابنتى

منورة

حلم بيعافر يقول...

وردشان

ولايهمك منورة

حلم بيعافر يقول...

foxology

ولا بيهمنا

منور

حلم بيعافر يقول...

سجود

شكلى هعمل كده

منورة

حلم بيعافر يقول...

كيكى عو

عوووووووووووووو


منورة

حلم بيعافر يقول...

الشجرة الام

هما فى راحة من زمان اوى

منورة

حلم بيعافر يقول...

جودى

خلاص طالما مالكيش فى الكورة يبقى ممكن تحكمى بالعدل

انا اتكلمت غلط ولا صح؟

منورة

حلم بيعافر يقول...

ليس فقيرا من يحب

وانت منورة يارانيا

ومش هغيييييييير هههههه

منورة

حلم بيعافر يقول...

دنيا

كل سنة وانت طيبة

منورة

حلم بيعافر يقول...

فتاة من الصعيد

جاسوووووووووس ههههههههه

ماش ربنا يكفينا شركوا

منورة

حلم بيعافر يقول...

حازم

ولا يهمك يامعلم

منورنا

حلم بيعافر يقول...

امين

ازاى يعنى؟

منور

حلم بيعافر يقول...

مى

متخافيش انا موجود وقاعد على قلبكو الى ماشاء الله

ويانا يانتوا ههههههه

منورة

حلم بيعافر يقول...

ميمى

هييييييييييييييه قصدى وصل

اشهدن لا اله الا الله

منورة

حلم بيعافر يقول...

محمد بدر

منور يامعلم

وروحنالك اهوه

حلم بيعافر يقول...

دكتور عرفة

متخافش يادكتور فيه زملكاوية كتير هنا

منور