السبت، 26 ديسمبر 2009

معى...



هذا الصباح
فاجئنى فى المراة
صرخ فى وجهى
فسكت...
تظاهر بالثورة والغضب
فتظاهرت بالهدوء والسكينة
هاج وانفجر
فلم أحرك ساكنا
ادعى الموت
واحتضر
فادعيت الحياة
...............
ذات مرة
رميته بالملل
فرمانى بالضجر
واشتبكنا
فقلت (مهلا
لا يجب...)
ومضيت...
فتوارى وانسحب
.............
يشبهنى كثيرا
يصحبنى أحيانا
لكنه لا يأكل معى
لذا أحبه أحيانا
فهو يقتصد
لكنه أيضا لا يعمل معى
أنانى جدا
كسول جدا
عندما أضحك يجذبنى الى مستنقعات الاكتئاب
اذا اقتربت منه
يرتعد
جبان جدا
.............
أفكر جادا فى الانفصال

هناك 53 تعليقًا:

ريمان يقول...

السلام عليكم

كلمات رائعه تحياتى لقلمك


سعيده انى اول تعليق

Foxology يقول...

تصفيق حااااد


تحياتى

Lyssandra يقول...

ممممم
هي حلوة بجد أوي

جميل كوصف وتفصيل
وشرح لحالة انفصال عن الذات
أنا وذاتي غير متوافقين
لذا لا يأكل معي .. وأرضي
ولا يعمل معي .. فأسخط عليه :)

يدعي الموت .. وأدعي الحياة

...

عجبتني جداً
بس قلقني آخر سطر

أفكر جاداً في الانفصال
!!

تقصد تفكر جاداً في الانفصال إلي 2 بيتخانقوا كده طول الوقت ؟؟
أنا مش فاهمه دي
بس يارب تكون احوالك كلها بخير

تحياتي

Lyssa

MaNoOoSh يقول...

احساس الشعر جميل جدا
ووصف الحالة أجمل
بدون أي مجاملة


احكد يعني اكمني مبعرفش اكتب أشعار
لا مش هحكد انا طيبة
هههههههههههههه

تحياتي لقلمك الجميل

(Joudy) يقول...

جميلة بجد ماشاء الله عليك وصفك حلو أوى وتعبيراتك بسيطة وجميلة

دمت بكل الخير والسعادة

donya يقول...

حلوه اوي
فكره جااااااااامده

تسلم ايدك

قلم رصاص يقول...

انفصل احسن يامحمد

عشان انا بس هرتاح زيك بالظبط

هههههههههههههه

الفكرة هايله هايله والله

بتعرف اهه وخطك حلو ^_^

في حفظ الله

واحده من الناس يقول...

كلمات جميله اوى
طيب هتفصل ازاى عشان ااعمل زيك اكمنى بعانى من نفس المشكله
كل سنه وانت طيب
وان شاء الله السنه دى هتكون احلى وتخليه يبطل اكتئاب

صفــــــاء يقول...

فكرتنى بأحمد مطر

لكنك كاتب بفلسفه محببه جدا
وذكيه للغايه

لو انفصلت والنبى قولى ازاى تكسب فيا ثواب

كل سنه وانت طيب

Sharm يقول...

جميلة

Timo.. يقول...

انت بتقرب من منطقة محظورة..بينك وبين نفسك..
متهيألي انت بتحب تقرأ للكاتب الروسي العبقري (فيدور ديستوفيسكي)
لو مش قريت له قبل كده انصحك تقرا له لانه ها يعجبك كتيييييييير

الشعب لابد له من شيما تشكمه يقول...

حلوه جدااااااااا بجد,,لمستنى اوىىى..

بس تفتكر هينفع تنفصل؟؟؟؟؟؟؟

الشجرة الأم يقول...

في الحقيقة ابعت أخي في الله في وصف الجانب المظلم من كل إنسان .. وإن لم يكن جدير بك فأضل أن تنفصل عنه.

تحياتي لك على قلمك الرائع .. سلمت أناملك.

العيسوى الصغير يقول...

هو عاوز علقة تكسر فيها ايدك
وبعد كده هيمشى على خط مستقيم

فتاه من الصعيد يقول...

لا يجب الانفصال عن النفس حتى وان كانت تصيبنا بالضجر او الاكتئاب احيانا

تحياتي لقلمك

اللى موش عارف يتغير يقول...

يخرب بعقلك
ايه الجمال ده؟
طول عمر فكرتى عنك انك محتاج بس زقه
هههههههههه

حلم بيعافر يقول...

ريمان

شكرررررا انا اللى سعيد بوجودك هنا

نورتينى

حلم بيعافر يقول...

foxology

شكرا ياموعلم

نورت

حلم بيعافر يقول...

ليساندرا

(انفصال... وعودة) هى اشكالية عند كل الناس تقريبا مش عندى بس وعموما فسريها زى ماتحبى

نورتينى ياليسا انا بكتب عامية مكتبتش فصحى كتيييير وهنروح فين جنبكوا

حلم بيعافر يقول...

منوووووووش

منورة ومتغيبيش علينا كتير بعد كده

واحكدى ولا يهمك انا ضد الميه ضد الناااار ههههههه نورتى

حلم بيعافر يقول...

جودى

ربنا يخليكى

نورتينى

حلم بيعافر يقول...

دنيا

شكراااااا ومنورة

حلم بيعافر يقول...

قلم رصاص

شهادتك مجروحة يابن خالتى

نورت

حلم بيعافر يقول...

واحدة من الناس

هو احنا نتعب وننفصل ونقولكم كده ع الجاهز؟هههههههه

كل سنة وانت طيبة ونورتينى

حلم بيعافر يقول...

صفاء

مش للدرجة دى يعنى هههههههههه

كل سنة وانت طيبة

وعايزى تنفصلى انت كمان ليه؟

الطيب احسن هههههههه

نورتى

حلم بيعافر يقول...

شارم

شكرا ونورت

حلم بيعافر يقول...

تيمو

نقراله على اديك ياسيدى

كل سنة وانت طيب ومنورنى

حلم بيعافر يقول...

شيما

كويس والسؤال جوابه هيختلف من حد لحد

نورتى

حلم بيعافر يقول...

الشجرة الام

شكرا ع الرؤية المختلفة

نورتينى

حلم بيعافر يقول...

العيسوى الصغير

نورت يامعلم

حلم بيعافر يقول...

فتاة من الصعيد

راى يحترم

نورتينى

حلم بيعافر يقول...

اللى موش عارف يتغير

ايدك معانا ياحج

نورتنى

مي يقول...

جميلة جدااااااااااااا خلتنا منتبهين ركزنا هو مين وليه وفين
حالة غريبة عزفتها كلماتك بجد اكثر من رائع
اعجز عن وصفها لانها ليس كلمات فقط
تحياتى لابداعك

مجرد حلم... صغنتوت يقول...

هو انت بتتكلم عني؟؟؟
نفس الاحساس بنفس التفاصيل .. ونفس النقاش اللي بيوصل للخناق غالباً ونفس الرغبة في الانفصال

بجد أبدعت

أميرة الاحزان يقول...

السلام عليكم..
جميله كلماتك في وصف الحاله
سلمت يداك
تحياتى

أم .. بوبه يقول...

بجد كلمات رائعة

غير معرف يقول...

hmmmmm, wallah w byetla3 minnak ya Mr.Tamimi Aho
w she3r w masha3er w Enfesal 3an el nafs wal zat, eeh da kollo ya 3amm? :D

yallah ma 3alina, wallahi nefsi asayya7lak hena, bas mish 3arfa, 5ayfa abawaz sortak amam el mo3jabat wal mo3jabeeen hhhhhhhh
hya mish asayya7lak bardo???
ma3lish ana ba3raf atkallim masri bas ba5af yetla3 kalami 3'alat marrat :D

salam...
Rana:)

غير معرف يقول...

3la fekra ba2a ya m7amad, ana kont 3ala washak an akoon awal ta3lee2 fe modawantak Wesh el Shams, we ro7t we qara2t we katabat el ta3leee2 we kont mabsoota 3ala nafsi 3ashan awal ta3lee2 we ethabalt we kont haza3'rad bas mish ba3raf aza3'rad:D
el mohem, 3andi moshkela ala wa hya , mish ba2dar 3ashan ana la amlok 3enwaaaan la 7esab google wala URL wala 7aja, hat3allim ash7ad ana ba2a:D

fa 5alas e3taber awal ta3lee2 henak menni, welli haykoon awal ta3lee2, ha2ollo aw ha2ollaha, matefra7oush keteeer ya3ni, 3ashan ana kont awal ta3lee2, welli ya3tared yoskot 3ashan ma bedna ne3mal mashakel :D

yalla salam 3ashan ana etfakast we mish ha3alla2 tani:(

salam
Ana Rana:D

miroooo يقول...

السلام عليكم
اول مره ازورك بس مش اخر مره ده طبعا بعد اذنك على العموم البوست تحفه رائع بجد كل عام وانت بخير
تقبل مرورى

Heba Faruq يقول...

كلمات رائعة حقا
بسيطة وعميقة المعنى
وفعلا اصعب انواع السلام
هو السلام مع النفس
ويابخت مين يقدر على تحقيقه

مع خالص تحياتي

د/عرفه يقول...

جميلة جداااااااااا


يا محمد


فلسفة عميقة


بجد روعة

طبيب اطفال يقول...

الله ينور يا معلم
بس انا مفهمتش حاجة
يعنى ايه هتنفصل
احنا يا استاذ بنقول يارب
مايجيلنا جواب مجلس تأديب
وانت عاوز تنفصل


طب(اطفال)يب

حلم بيعافر يقول...

مى

ركزى ركزى بس متتعودوش على كده بقى

منورانى

حلم بيعافر يقول...

مجرد حلم

والله كويس انا كده اتاكدت انى باعرف اكتب هههههههههههه

منورانى

حلم بيعافر يقول...

اميرة الاحزان

ياستى شكرا على كلامك الجميل

منورانى

حلم بيعافر يقول...

ام بويه

شكرا ونورتينى

حلم بيعافر يقول...

رنا

اهلاااااااااا

ياابراهيييييم ياواد يابراهييييييييم 3 مانجة لستك رنا يابنى ...اتفضلى ياحجة يخربيت اللى يزعلك..اقعدى اقعدى..نتفاهم وبلاش تسييح عشان انا راجل الاعلام بيطاردنى ووكالات الانباؤ كلها موقفة مراسسلينها تحت بيتنا

وبعدين انا بيطلع منى غير كده كتيييييييير عندك ايوتوها مانع؟

هههههههه انا عدلت المدونة التانية والله وخليت التعلقات لاى حد واى خدمة افتكرى الجمايل بس وتابعينا بقى على طووووووووول عشان انت منورانا

حلم بيعافر يقول...

ميرووووو

ربنا يخليكى ويدوم التواصل ان شاءالله

منورانى

حلم بيعافر يقول...

هبة فاروق

فعلا زى ماقلتى اصعب حاجة السلام مع النفس

منورانى

حلم بيعافر يقول...

دكتور عرفة

شكرا يادكتور ..كل سنة وانت طيب

منور

حلم بيعافر يقول...

طبيب اطفال

ههههههههه ربنا يبعد عنك الجوابات دى يادكتور

نورت

م/ الحسيني لزومي يقول...

عام سعيد وكل عام انتم بخير
نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن30 يوم

حلم بيعافر يقول...

م-الحسينى لزومى

روحنا وقلنا لاهلنا واصحابنا الحمدلله

كل سنة وانت طيب ياباشمهندس

منورنى