الخميس، 31 ديسمبر 2009

سنة جديدة...


عندما وصل جنكيز خان الى مشارف العاصمة المصرية بعث برجاله ليشيعوا عنه تقواه واسلامه وكان
سلفه قد نال مانال فى بغداد على سبيل التذكار

فى مصر دأبت وزارة الداخلية على دعم شعور الأمان لدى المواطنين وزيادة فى هذا الدعم تقرر اعادة المجرم اسلام نبيه الى عمله بعد قضاءثلاثة ارباع المدة المحكوم عليه بها سلفا وان كانت العودة تقضى بنقله للصعيد(بالذمة دى بلد حد يامن على نفسه فيها بعد كده؟!)

مشهد غريب
وانا فى المنصورة قريب كنت ماشى فى الشارع انا وصحابى وحبيت ادخل الحمام فدخلت دورة مياه عمومية المهم اول مادخلت لقيت طفل بيحبى من تحت الباب بتاع الحمام وبعدين امه ندهت عليه(ارجع يابنى)؟..مستغربوش ده حمام لخبطيشن عادى كله فى بعضه والمنطقة شعبية والمعجزات فيها كتير الحاجة اللى حبيت انوه ليها بذكرى للموقف ده هو انه فيه قطاع من المصريين بدأ يفقد ادميته وبدأيتتحول لزواحف

طبعا استمر انطلاق الارقام العجيبة من رجالة الحزب الوطنى واخرها عن المياه والصرف الصحى ومدى التطور والانجاز اللى تم فيهم واخر الانجازات دى طبعا ان محافظة الجيزة لوحدها بترمى مخلفات صرف صحى خام فى النيل يوميا بما يقدر ب400الف متر مكعب عشان عمرو الليثى يتبسط ويجيب الناس والقرى اللى مفيهاش ميه ادينا طلعنا كلنا بنشرب يع

استمرار التقطيع العربى العربى وازدياد عمليات التططبيع العربى الصهيونى بوش مكشوف جدا ومن غير كسوف.

اتحجبتى؟...برافو عليكى(أخر مسلسلات الاتجار بالدين ...الحجاب بقى يتعمله كليبات)
اتنقبتى؟...وانا ايه اللى ضمنى انك بنت؟(صحيح ايه اللى ضمنى انك بنت؟

رجال الاعمال لسه برضه بيتعبوا وشايلين البلد فوق دماغهم واحنا مبنرحمش برضه دحتى القضاء كمان طلع مبيرحمش زينا وادى الراجل اعدام والحكومة مش عارفة ترجع للرجل الرزين كبير السن حقه بعد ماخلود ظبته وخلعت ...يارجال الاعمااااال انتحروا

ولسه الأهلى بيكسب والزمالك بياخد على دماغه ولسه الناس بتفترى وتفرح بالزور وحسن شحاتة لسه مش راضى عن ميدو وعلاء مبارك بيشجع منتخب مصر وجمال أخوه ب......مصر برضه .


الاحزاب المصرية لسه بتاكل فى بعضها والحزن الوطنى مبسوط والبرادعى الفاسق الفاجر اشيع انه هيرشح نفسه للرئاسة...تصوروا الفاجر يشاع عنه انه هيرشح نفسه للرئاسة والله الواحد ماهو عارف الزعيم الخالد حسنى مبارك ساكت على المهزلة دى ازاى!!!...وتصوروا ان حسنى مبارك كبر وبان عليه السن؟!!!...ده ناقص كمان حد يقول انه ممكن يموت .

الدين الرسممى لمصر بقى كورة القدم بدليل ان مصر كلها بتخرج مع اى حدث كروى ومصر كلها بتطنش على بلاوى مياه الشرب وبلاوى الاعلام وبلاوى الحكومة وبلاوى الحصار اللى مافيه مظاهرة فيها حد مصرى قال وحدوووووه فى حاجة غير الكورة ورفع المرتبات.

الا هو فيه كام قطرعمل حادثة فى 2009؟وكام جاموسة استقالت؟يوووووووووه!!!قصدى اقيلت.

جدلية سؤال(انت راجل)بين العيال الصغيرة اتنقلت لكل الناس والمطلوب الاثبات...انت مسلم؟...طب اثبتلى ...هى العذرا كانت جاية مصر تعمل ايه؟!

اللى مش هيجاوب ع السؤال بتاع الجاموسة اجابة تعجبنى وتوافق رأييى تماما والنعمة لاطلعه السى دى بتاعه واحذروا جميعا لانى ممكن اطلع السى دى بتاع اى حد فى وقت والريس كلمنى وانا لعب بلايستيشن امبارح.

هووووووووو العيب فى المصرى ولا فى الحكام؟!!!

بقى يا أستاذ يامحترم يابتاع المبادىء ودروس الاخلاق الحميدة اللى هريت دماغنا بيها عايز تسرق السى دي بتاعك منى؟...وباعتلى واحدة تسرقه كمان؟...طب والنعمة لاطلعلك السى دى الجنسى مش كفاية بتقول للبنت.....هااااه؟!!!مش كفاية يامفترى.

كنا مفتريين محدش يفتح بؤه...كلنا بالواحد ونفر نفر من اول اصغر راس فى البلد لحاد اكبر حرامى ومبقيناش زى زمان بقينا بنسرق بافترى وناكل بافترى ونتحرش بالموزز فى الشوارع بافترى ونضرب العيال فى الفصول بافترى ونزور بافترى وننافق بافترى ونطنش ونكبر بافترى.

ربنا ع الظالم والمفترى وابن الحراااااام يابلد .............كنت هقول حاجة قلة ادب بس مسحتها عشان مبقاش قليت ادبى بافترى.

هناك 37 تعليقًا:

فتاه من الصعيد يقول...

ايه كميه الافترى دي :)

بجد البلد بقيت احوالها تجيب الاكتئاب

انا مستغربه من الصمت التام على موضوع الجدار في الاعلام

كمان الهجوم على البرادعي بغباء في جرايد الحكومه

انا موش فهمت موضوع الزمالك .... موش انتم بتفوزوا الايام دي ؟

تحياتي

Mr.Hazem يقول...

لا تستغربون فهذا ليس بحال مصر فقط , بل حال جميع الدول العربية
سيدي العزيز
دمت بخير

واعتذر لعدم مروري الايام الماضية بسبب وعكه صحية

7annen يقول...

كل سنه وانت طيب وسنه سعيده عليك
معلش النت عندى كان فاصل مكنتش قادرة اتابع

واحده من الناس يقول...

طبعا انت لازم تاخدلك استراحه
ارحم نفسك يوم واحد من التفكير والا والله هتتعب بجد
اقولك
كل سنه وانت طيب
انا متفقه معاك ف كل اللى فات بس المشكله اننا لو فضلنا نفكر ف الحاجات دى كتير هنتشل
:)

Foxology يقول...

احسن حصاد شوفته على فكرة

تحياتى

مسدس صغير يقول...

وجعك يا مصر
مش ناقصين
هههههه
كل سنة وانت طيب

Lyssandra يقول...

كل سنة وانت طيب يا محمد
سنة سعيدة ان شاء الله

Lyssa

الشجرة الأم يقول...

بين العراق ومصر أصبحت أمريكا بين فكي كماشة ..

كل عام وانت بخير

وردشان smilyrose يقول...

السلام عليكم

اخبارك يا معافر

سنة جديدة عليك ويارب تكون بخير

افترى افترى افترى


المشكلة مش فى الافترى

المشكلة فى البيات الشتوى لعقول

المصرين وسكوتهم على كل دا

دا استسلام ولا ايه الله اعلم


ربنا يرحمنا برحمته

طبيب اطفال يقول...

فى البداية كل سنة وانت طيب يا استاذنا
ثانيا انت جبت القرد اللى رافع ايده ده منين؟!!
ثالثا هى مصر حصل فيها غير كام الف نصبة على كام مليون وسطة وكام ميت واحد ماتوا
انا شايف ياراجل ان انت مزودها شويه
طب(اطفال)يب

Angel يقول...

Happy New Year 2010

أحمد الصعيدي يقول...

صديقي

دوما ستبقي مصر بكل مافيها حفرة يقع بها كل المصلحون ولايستطيعون الخروج أو سد الحفرة

ولولا ان المقام لا يسمح لأعطيتكك قصيدة تعرفك مصر بكل مافيها

السلام عليكم

walaa tulip rose يقول...

ربنا ع المفتري ربنا يكفينا شر الافتراء يارب ... كل سنة وانت طيب سنة سعيدة يارب ومافيهاش افترى ....رغم اني اشك في ده تماما طول ما احنا مادين ايدينا وبنتسول حقوقنا منتظرين اللي يجود بيه علينا حكامنا

تحياتي

قلم رصاص يقول...

هههههههههههههههههه

ياعم ارحمونا بقى من كلام الاكتئاب بتاعكم ده .. مليتوا البلد ههههههههه

انا مش فاهم ..يعني انت وغيرك من اللي غاويين نكد ..مش فاهم يعني انتوا بكلامكم ده بتجيبوا التايهه يعني .. بتقدموا حصريات ؟

يعني احنا كللللللللللنا مش عارفين البلاوي دي وزهقانين منها في التليفزيون والجرايد وغيرها ..احنا جايين النت عشان نفكر في حلول للوضع ..مش كل يوم واحد من المدونين يوصف في الوضع وبلاويه وكأنه يعني بيجيب جديد

فاهمني يامحمد؟

أرجوك خف بقى من كتر أخبارك الكئيبة دي
انا مبقولكش اكتب ايه ومتكتبش ايه وعاوزك تكتب اللي انت عاوزه طبعا لأن دي مدونتك وحقك تكتب اللي انت بتشعر بيه


بس الفكره اننا نوازن العمليه شوية ..منقعدش طول الوقت نوصف الوضع المهبب ده لأننا خلاص تعبنا بجد من كترسحابة الاكتئاب دي ..احنا عاوزين ..شوية نوصف وشوية نقترح حلول ووجهات نظر في الخروج من الازمات دي ..حتى لو مش هتشوف النور ..أضعف الايمان يعني يابن خالتي

عموما كل سنة وانت طيب
وان شاء الله السنة الجديدة سعيدة على الجميع

في حفظ الله

اللى موش عارف يتغير يقول...

حلوة موضوع الزواحف دى
مافيش طيور
هههههههههه
انا مالى انا سايب البلد حلوة
اجى استلمها زى ماهى
.

مي يقول...

ههههههههههههههه ده انت طلعت مفترى جدااااااااااا
ايه انت عايز ايه يعنى بتقلب المواجع ليه خلينا متقاءلين زى كل سنة يا عم نافق زى الحكومة
على فكرة الحكومة ولا مصر وحشين عارف ليه لانها وجهان لعملة واحدة
((((:
بس العملة مضروبة ولا مؤاخذة
الجاموسة طبعا معروفة لافاش كيررررررى
هههههههههههههههههههههه
يارب تفهمنى يا مستر

هابى نيو ييير

غير معرف يقول...

ممممم.. هي صحيح الأفكار مكرره و الناس زهقت و ملت من المشاكل المعروفه في مِصر.. يعني أنا مش مصريه و عمري ما عشت في مصر و لا حتى زُرتها بس عندي صاحبات هون في أمريكا مصريات بيقولولي فعلاً عن نفس المشاكل دي
معاك حق على فكره ما هي أفكار السنه اللي فاتت كُلها و الأحداث نفس الأحداث ما بتتغير..
يعني.. الأهلي و الزمالك_مشاكل الحكومه و البلاوي اللي فيها_التحرش_ النصب الخ الخ الخ كله متل ما هو ما بيتغير
بس بتعرف شو? صديقتي المصريه قالتلي مره كلمه أبرك من عشره :)
قالتلي: بُصي يا رنا مَصر عباره عن كوكتييييل فيها البجاحة و قلة الأدب و النصب و الإغتصاب و و و
و فيها أكتر ناس في العالم بتتقي ربنا و مثقفين بشكل كبيييير و علماء في الداخل و الخارج
يعني كمان أنا برأي _مع إني حابه كتير أسلوبك في الكتابه_ إلا إنو خلينا شوي نحكي بعدل أكثر و لما نعمل جرد لإحداث سنه فاتت
ندور على حاجات كويسه حصلت برضو في السنه دي
و خُد بالك يا مستر تميمي:) مش بس المصريين و المُدونين اللي بيقرأوا كلامك و كلام غيرك في كتير ناس بتدخل المدونات و بتقرأ كُلللللللل إشي و أنا مِن الناس دووول:)
يعني خلينا ناخُد أجمل فكره عن مِصر والا شو رأيك???

على فكره الكتابه بالعربي طلللللعت عيني:)
كوبي باااااااست إتحولت:)
بس معلش مانتا صحيح والي البلاد و كللو يهووون عشانك يا حضرت الوالي:))))


سلااااام

رنا..

غير معرف يقول...

بس قوللي صحيح تُقصد إيه في (الجاموسه) و اللهِ مش فاهمه:)
أتوقع إنها رمز لحاجه مُعينه لأ مش أعتقد أكييييد
إنما إيييه الحاجه دي مش عارفه:)
هوَ دا أكيد لُغز بين المصريين بس و انتو اللي تفهمووو بس أنا برضو بدي أفهم يعني:)
مُمكن?

صفــــــاء يقول...

انت بقيت بتعمل كبسولات
بس حلوة ولذيذة وتخلى الاخبار تفوت هوا منحسش بيها

زى شكه الدبوس... نشرب مايه مجرى ومنحسش بالطعم .. ناكل خضار مجارى ومناخدش بالنا
زيح زيح العيا مر

حلم بيعافر يقول...

شفتى بقى اننا ننفع نبقى مفتريين ازاى هههههههه

الزمالك لسه ماخدش حاجة برضه

منورانى

حلم بيعافر يقول...

حازم

الف سلامة يامعلم

نورتنى

حلم بيعافر يقول...

حنين

احسن عشان تذاكرى

نورتينى

حلم بيعافر يقول...

واحدة من الناس

وانت طيبة وبالصحة والسلامة

مضطرين نبطل تفكير شوية زى ماقلتى

منورة

حلم بيعافر يقول...

foxology

شكررررررررا يامعلم

نورتنى

حلم بيعافر يقول...

مسدس صغير

منور يابوصلاح وانت بالصحة والسلامة وطيب

حلم بيعافر يقول...

ليساندرا

وانت طيبة ياليساندرا

منورانى

حلم بيعافر يقول...

الشجرة الام

مش فاهم

عموما نورتينى

حلم بيعافر يقول...

وردشان

وانت طيبة وبالصحة والسلامة

هو استسلام صحيح زى ماقلتى

منورة

حلم بيعافر يقول...

طبيب اطفال

وانت طيب وعلى رايك زودناها اوى

منورنى

حلم بيعافر يقول...

angel

كل سنة وانت طيبة

-------------

احمد الصعيدى

اتمنى ذلك

منورين

حلم بيعافر يقول...

walaa tulip rose

وانت طيبة وبالصحة والسلامة

نورتينا

حلم بيعافر يقول...

قلم رصاص

انا مش غاوى نكد ومش كل كلامى هنا نكد وحتى عرضى لاى خبر ووحش مبيكونش بطريقة نكدية اوى وعلى العكس اوقات بيبقى العرض مثير للسخرية واحيانا للضحك

وبعدين اكتئاب ايه ده كفاية اسم المدونة بعيد عن اى اكتئاب واى استسلام وبعدين فى طرحى لاى موضوع بعرض حلول حتى لو بشكل ضمنى وده الشكل اللى انا بحبه لانى مبحبش امثل دور الواعظ ومحبش كمان انه يتمثل عليا

كل سنة وانت طيب ياسيد قلم رصاص ومنورنى علطووووووووووول

حلم بيعافر يقول...

اللى موش عارف يتغير

متتاخرش كتير عشان كل تاخيرة وفيها تطويره يعنى ممكن تيجى تلاقى الناس اتحولت لصراصير

كل سنة وطيب ونورتنا ياحج

حلم بيعافر يقول...

مى

الافترى حلو برضه وبيجيب نتيجة هههههه

والجاموسة بينىى وبينك كان شكلها وحش اوى

نورتى يامى ام العافية

حلم بيعافر يقول...

رنا

مش ده حصاد يابنتى؟

لازم يبقى مكرر ولا اييييييه؟

اجيب احداث من خيااااااااالى؟

الممهم عارف معاناتك مع العربى وشكلى هبعتلك اسطوانة تعريييب امريكا ههههههههههه اهى تبقى حاجة من ريحتى راحت امريكا

مفيش حدث كويس حصل فى 2009 عشان اقوله وبعدين والله والله انا مش متشائم وانت عارفة كده دانا فى احلك الظروف بضحك يمكن من غلبى بس اهو اسمى بضحك وعلى راى صلاح عبد الصبور(أه لو نملك ان نضحك حتى الموت!!...)

والجاموسة مى ام العافية قالت لافاش كيرى وهى معروفة لكل الناااااااس عشان هى اتسببت فى حوادث قطارات وطرق كتير اوىواهى اقيلت بسس فى شكل استقالة عشان رفع الحرج عن الحكومة

منورة والبيت بيتك يافلسطينية

حلم بيعافر يقول...

صفاء

عشان تعرفوا بس انى متمكن هههههههه كل سنة وانت طيبة

منورانا دايما كده

اسعار العملات يقول...

الله يخرب بيت اوباما واللى ورا اوباما
وايام منيلة على دماغه ودماغ الصهاينة