الاثنين، 4 يناير 2010

هاتى بوسة...







اتمنينا الخير لبعض من قلوبنا والبعض طلع (كل سنة وانت طيب)من تحت سنانه بسى اهى طلعت وخلاص .السنة اللى عدت دى مكلكعة بشكل فظيع ومحدش قدر يفك اللخبطة اللى فيها حتى بينه وبين نفسه والللى قدر ومقلناش يقولنا اهو برضه احنا غلابة وينوبه فينا ثواب.

خلااااااااص الواحد شطب ومبقاش قادر يبدأ الجديد غير لما يستريح من القديم حتى لو مقدرش يعديه المهم نستريح شوية ونعمل كده قد اسبوع ولا حاجة استرخاااااء تام وكل واحد بقى والمكان اللى بيحب يسترخى فيه واهم حاجة بقى فى الاسترخاء ده ان كل متطلباتك تبقى موجودة وانا متطلباتى فى الوقت الحالى طبق فاكهة زى اللى كان قدام ابولهب فى فجر الاسلام او اى اكل والسلام ان شالله يكون خروف مشوى انا بارضى بقليى ومش هعترض على اى حاجة الا ان المطبخ بتاعى فى الاسبوع ده يكون مطبخ عربى لانى مش ناقص مدفونة ومقلوبة وعجة وارواح وزى ماتقولوا كده الاكلات دى اسماءها بتنرفزنى وكنت فاكر ان الاسماء الغريبة فى الاكل دى مصرية بس لغاية فترة قريبة عرفت فيها المقلوبة الفلسطينية...بالذمة دى أسماء أكلات ولا أسماء أفلام رعب؟!...

وكمان مش عايز اشم ريحة المطبخ الاسيوى فى الاسبوع ده كفاية اللى جرى للدكتور اسامة ابوزيد بتاع الأورجانيك لما كان عايش فى اليابان واتعزم على العشا عند جيرانه

dr\usama-wooow Delicious!
neighbour-I made a bet on the efficiency of my wife in cooking
neighbour s wife-and i I bet the quality of the meat of our dog

يععععععععععععععع

واوعى شوف حاجة من ناحية امريكا اللاتينية لاحسن اطخه بالنار عشان بيحطوا فى الفول المدمس والمخلل سكر وانا مش ناقص تلزيق

وميمنعش برضه جنب قعدة الاسترخاء دى يكون موجود كام جارية من بتوع زماااااان يسقونى ويزغزغونى شوية وأهم حاجة فى الليلة دى كلها يكون فيه حد الاعبه بلايستيشن بس بشرط انى اغلبه علطول لأنى مش متعود ع الهزيمة زى مانتوا عارفين لانى زملكاوى.

وطبعا طبعا لاااااازم تكون فيه موزة كده ماسكلنا عووود وبتدندنلنا فى حضور الحوار الحلامنتيشى...
اه ياحلوة ياحلوة خالص
ياللى عينك عين جاموسة
نفسى اقولك ع اللى بيا
ياحبيبتى هاتى بوسة
اه يالهوى يانى يامه
ياقليل الذوق يارمة
غور فى داهية
غور بناقص
اشتمينى وقولى غور
بس خافى ياختى جدا م العنوسة
دى البنات واقفين عليا بالطابور
انت تمشى ويجى غيرك
100 عروسة
ندل جدا ياحبيبى
بس افهم ..تبقى حوسة
لو تبوس من غير جواز
اه يابنت الايه ياكوسة!!!
حتى برضه البوس بواسطة؟!!

مش عايز ازعاج بقى وايك اياك اياك حد يعملها ويتصل بالسكرتيرة دى ست شرانية وانا عارفها كويس.


هناك 25 تعليقًا:

مي يقول...

هههههههههههههههههههههه
اول تعليق عندك مانع
ال سكرترة ال فى المشمش امال انا ايه بلعب هنا
ابتتتتتتتتا ابتااااااااااااا

مي يقول...

عنوان البوست ههههههههه
لا اختشى عيب العيال صاحية

مممم هتاخد اجازة محسسنى بشهريار وال يزغزغوك هههههههه كر كرررركررررررر
جميلة اوى وابو لهب معرفش القصيدة دى مين كاتبها لو انت تبقى فلة حلوة اوىىىىىىىىىىىى يالذيذ يارايق انت
هحسدك ممكن
بس مفيش سكرتيرة غيرى فااااهم
تحياتى اخيرا (((:

ليس فقيرا من يحب يقول...

هههههههههههههههههههههههه

جرى ايه يا جدعان

ايه الناس الرايقه على السنه الجديده دى

البوست ده مشكله

دى بدايه لانحراف يا محمد يا اخويا

والشعر ده مسخرة

هههههههههههههههههههه

مش عارفه اعلق وربنا

مفيييييييييييش كلام

ريمان يقول...

ههههههههههههههههههههههه


لا بجد تموت من الضحك

قلم رصاص يقول...

ههههههههههههههههههههه

فضحتنا اللي يحرقك

ههههههههههههههههههههه

جاموسه
بوسه
حوسه

دا غير العجة والمقلوبه
ههههههههههههههههههههه

امشي ياد من وشي

ياعيني ع الجمايس لما تتقابل
ههههههههههههههههه

كل سنة وانت طيب ياراجل ياطيب

ظل السماء يقول...

والله مش عارفة شو أعمللك, إنت ما إلك حللللللل ابداً هههههههههههههههههه
قال المقلوبه إسم مُرعب و بيستفزك.. يا لهويييي , ألطُم?? طب أعمل إييييه طييييب??? إنت حتى تطول تشممم ريحتها حتى يا ابني?? هههههههههههههههههه و بعدين آآآآآآآآه هادا أكل فلسطيني ميه ميه بس انا مش عارفه إنت حصلت عالمدفووونه دي منييين?

بس ما علييييييينا, هو الواحد بصراحه ما بيقدر ينسى العنوان اللي من أول ما شوفته لهلأ و أنا بضحك و الله زي الهبله ههههههههههههههه

بس البوست حلووو,و مُتشكرييين عاللحظات اللي بتريح الأعصاب دي..
شو بدي أعمل يعني مُتطررره اقولهالك من تحت اسنااااني!!!
ههههههههههههههه


فلسطينييييييه و بمووووت في المقلوووبه :)))))))

سلاااام

التدوينة السوداء للعرب يقول...

والله جدع .. حلوة أوي .. يسلموووو

فضلا لو أردت المشاركة معنا في التدوينة السوداء للعرب في آخر التدوينة ستجد الإيميل راسلني.

صيدلانيه طالعه نازله يقول...

ههههههههههههههههه
انا باتقدم اهو عشان العب بلايستيشن معاك لانى مبعرفش العبه اصلا بس برضه تاخد حذرك لانى ممكن افوز عليك لانى اهلاويه
حتى لو مبعرفش العب
هههههههههههههههههه
شكلى بلقح كلام مش كده
كل سنه و انت طيب

طبيب اطفال يقول...

انت بتحلم ولا ايه
ياعم الكفار خلصوا من زمان

وبعدين هو انت عاوز تقنعنى ان حد ممكن يبص للسكرتيرة
المهم يا جماعة اللى عاوز يعمل كده يسمع نصيحتى
يروح يجوز وياخد اسبوع اجازة مش يحلم

غير معرف يقول...

غلس ودمك تقيل

Sonnet يقول...

سيدي على الروقان

MaNoOoSh يقول...

كل سنة وانت طيب
ويارب تحلم الحلم دة يا سيدي كل يوم
والجواري يقعدو يزغزغو فيك لما تزهق منهم

حلم بيعافر يقول...

مى

براااااااحتك المدونة مدونتك ياحضرة السكرتيرة

بس خدى بالك السكرتيرة عندى هى اللى بتقبضنى يعنى مفيش مرتب هههههههههههه

نورتينى

حلم بيعافر يقول...

ليس فقيرا من يحب

ازيك يارانيا كل سنة وانت طيبة وخدى بالك وحرصى منى عشان انا هنحرف زى ماقلتى هههههههههه

منورانى

حلم بيعافر يقول...

ريمان

نورتى ياريمان

حلم بيعافر يقول...

قلم رصاص

هههههههههه بتبقى وكسة مقابلة الجمايس دى

نورت يا معلم

حلم بيعافر يقول...

ظل السماء

عاشت المقلوبة حرة مستقلة

نموت نموت وتحيا العجة

ههههههههههه مقلوبة وعجة ومدفونة...انت عازمة دراكولا ع الغدا ولا ايييييييه؟

نورتى يارنا

حلم بيعافر يقول...

التدوينة السوداء للعرب

ان شاء الله هيحصل

المدونة نورت

حلم بيعافر يقول...

صيدلانية طالعة نازلة

استعدى للهزيمة هع

انا مبتغلبش

وبعدين ولايهمك انا اتعودت ع الزمالك ياستى

نورتى

حلم بيعافر يقول...

طبيب اطفال

هههههههه انا اخدت الاجازة بس من غير جواز

نورت يادكتور

حلم بيعافر يقول...

غير معروف

شكرا ومش همسح التعليق مع انه شتيمة س احب اعرف مين اللى بيشتم

حلم بيعافر يقول...

sonnet

ياااااااااه فينك يادكتورة؟


ازيك ونورتينى

حلم بيعافر يقول...

منوووووووووش

هههههههههه هما فين الجوارى عان ازهق منهم؟

نورتينى

جايدا العزيزي يقول...

هههههه


واضح ان دمك خفيف


سلفنى شويه



على فكرة قرأت لك اكثر من موضوع


بسم الله ما شاالله عليك


محروس من العين


اتمنى تزورنى وتقولى رائيك فى كتباتى


تحياتى

حلم بيعافر يقول...

جايدا العزيزى

شكرا يا استاذة

نورتى