الثلاثاء، 16 فبراير، 2010

ضل



ملت خطاويك السكك
والفرحة ملت الانتظار
فرقت ضحكك ع الوشوش
وفضلت من جواك عجوز
بدأت لوحتك بالرتوش
وفضلت تهذى ولسه تايه
ريشتك بتستمع بغشك
يعنى روحك والوطن ويا حكاياتك
كله ف الاخر فاشوش
اااااه ياحبيبة
كل الدروب جوا عنيكى مضلمة
يا شعر كحل
لسه نسايمك جوا قلبى معلمة
من امتى يامه بتكرهينى؟
وازاى بشوفك شمتانة فيا؟
وازاى بشوفك متعافية
وانا وسط موجك والغرق؟
كان هروبى من سكوتك للأغانى
لعنة لسه بتطاردنى
لما قلبك ساب ضلوعك
واترمى عاشق ف حضنى
كنت لسه زرعة خضرا
اى لحظة طيش تقيدنى
كنت عاجز عن سماعك
كنت نفسى ولا ضل لحد تانى؟!


جبتش انا سيرة الزمالك يا قلم يا رصاص يا معقدنى ف حياتى؟

هناك 22 تعليقًا:

غير معرف يقول...

ملت خطاويك السكك
والفرحة ملت الانتظار
فرقت ضحكك ع الوشوش
وفضلت من جواك عجوز
بدأت لوحتك بالرتوش
وفضلت تهذى ولسه تايه
ريشتك بتستمع بغشك
يعنى روحك والوطن ويا حكاياتك
كله ف الاخر فاشوش

كلام حلو :)
تسلم إيديك يا تميمي و عقلك برضو الجميل اللي مش بتستخدمه كويس أحياناً P:

وكمان أول تعليق
أي خدمة :))

سلام...

كيكى عوووووو يقول...

اااااه ياحبيبة
كل الدروب جوا عنيكى مضلمة
ياسلام
بس مفهمتش زمالك ايه الا فى اخر الكلام!!

blackshwak يقول...

كيف أحوالك يارب تكون بخير
جميلة القصيدة

تحياتي

ريمان يقول...

السلام عليكم
كلمات جميله ومتناسقه ما شاء الله
الى الامام دائما
استمر

7annen يقول...

تسلم ايييدك
حلوة اووووى

star in the sky يقول...

جميلة اووى بجد

رحله البحث يقول...

حلوه جدااااااا
مسيطره عليا نفس الفكره اليومين دول
بس ليه مكملتهاش كان ممكن تطول شويه
بدأت لوحتك بالرتوش
تعبير رائع
فرقت ضحك ع الوشوش
وفضلت من جواك عجوز
رائعه
ريشتك بتستمتع بغشك
جديده جدا
يعنى روحك والوطن ويا حكياتك كله فى الاخر فاشوش
يعنى من الاخر القصيده كلها حلوه
بجد رائعه
تحياتى

أحمد الصعيدي يقول...

الله الله الهه

ايه الابداع ده وايه الترابط الجميل ده

فرقت ضحكك ع الوشوش
وفضلت من جواك عجوز
بدأت لوحتك بالرتوش

عجبتني جدا

ربنا يسعدك

فتاه من الصعيد يقول...

كلماتك اكثر من رائعه

من امتى يامه بتكرهينى؟
وازاى بشوفك شمتانة فيا؟
وازاى بشوفك متعافية
وانا وسط موجك والغرق؟

دام قلمك المبدع

MaNoOoSh يقول...

الشعر جميييييل جدا

بس وجعني قووووووووووووووي

مجرد حلم صغنتوت يقول...

حلوة اوي
مؤلمة اوي
جو الوطنية بدأ ينتشر في المدونات اليومين دول :)

تسلم ايدك
بس افضل عافر كده في حبها برده علشان يستاهل

هتشوفوا يقول...

ما شاء الله جميلة جدا القصيدة

موهوب فعلا والله

تحياتي

طالبة مقهورة ..درجة أولى يقول...

ياااااااه بجد رائعة

كلماتها رهيبة فعلا ومنسقة جدا
*******
فرقت ضحكك ع الوشوش
وفضلت من جواك عجوز
********

عجبتني جدا

تسلم ايدك

مي يقول...

انت جيت يارمضاااااااااااااان ههههههههههه
ايه الللى مصحيك انا مش فلت تنام والنعمة لاسيحلك فى البوست
حلو الكلام صباح الابدااااااااااع
تحياتى والعواف

شبــ اون لاين ـــاب يقول...

اسف بجد على انى مش بقدر اتابع اول باول

لكن انا قررت اتابع زى زمان

و رجعت مره تانيه للتواصل


------------------------
كان معكى من امام الكيبورد
واحد مخه لاسع شويه
شبــــ اون لاين ـــاب
الاسكندريه
------------------------

SAYED SAAD يقول...

اسلوبك عجبني في الكتابة قريت المدونة كلها في
بوستات جميله
شاكر على زيارتك مدونت مكسرات واتمنى الدوام
تحياتي
سيد سعد

ameen يقول...

مش عارف ليه حاسس كده ان الحلم النهارده استسلم


انا النهارده هابى هابى هابى يعنى

بس م الاخر

مش كنت عاوزها تبقى فاشوش
!!

انا بحييك على الاسلوب الرائع ولو ان المعنى بيوجعلى بطنى
والله منا ناقص خوف

واااااء

ameen يقول...
أزال المؤلف هذا التعليق.
صفــــــاء يقول...

هستنى شويه كمان قبل ما اصدق ان الدروب ضلمت
هستنى شويه كمان قبل ما اصدق انها سابتنا نغرق

تدوينه حلوة بس ايه الحكايه ؟
انت زملكاوى ؟

فشكووول يقول...

يا ساتر يا رب
ايه الكآبه دى يا راجل
عايزين شويه من التفاؤل

المجاهد الصغير يقول...

السلام عليكم
كل سنه وانتم طيبين
ندعوكم لمشاركه مسابقه المولد النبوى
فى مدنونتى المتواضعه
وفى جوائزززززززز وهدايا ...
فى انتظاركم
وفقكم الله

حلم بيعافر يقول...

منوريييييييييييين ياجماعة كل واحد برأانطباعه