الجمعة، 28 مايو 2010

16شارع تل ابيب



عجييييييييييب عجيييييييييييييب عجيب عجيب عجيب حال مصر والمصريين اليومين دول .بتحصل عندنا كل بلوة والتانية وبيطرمخ عليها عشان يحصل ماهو اشد وافظع واشنع .صدرنالهم الغاز بسعر رمزى -حاجة كده ببلاش-ووقعنا معاهم اتفاقيات وتاجرنا معاهم وفتحنالهم مصر كانها بيت اللى خلفوهم وراحين جايين على مصر وصاحبناهم وبقينا -على حد اقوال صحفهم -اقرب الناس ليهم فى المنطقة وبقى الرئيس المخلص صاحب اول ضربة جوية فاتح باب الحرية راعى الشباب واللى خلفوهم هو اقرب رؤساء المنطقة لبنيامين النتن وترجمنا عنهم قلة الادب اللى جابر عصفور سماها ادب لحاااااد ما العملية زاظت وبقى فيه اتجاه لتطبيع شعبى بيتفرض علينا ولحاد مافيه شارع فى محافظة البحر الاحمر بقى اسمه شارع تل أبيب.

اشاعات الرشاوى وروايح المسئولين الكبار فى مصر اللى فاحت وبتفوح وهتفوح فى ظل التطنيش وتكبير الدماغ وطالما الراجل فى حاله ومبيعملش دوشة فخلاص يعنى وبعدين ده زى النسمة ولا بيهش ولابينش وايييييييييييه يعنى لما يمشى حاله بقرشين والعيشة بقت صعبة ومرة فى مرة وتطنيشة فى تطنيشة والموضوع كبر المرة دى ووصل للعالمية ورغم كده مسلسل التطنيش والطرمخة مستمر وجار لحين اشعار اخر ولحين فضيحة اخرى هيتم فيها برضه التطنيش والطرمخة والنهاردة كانت الفضيحة مع مرسيدس بكرة تبقى مع حد تانى واهو عرض البلد مستباح لاى حد طالما تبع النظام الحاكم وطبعا كده محدش هيطلع فى الاهرام ويقول فضحتونا ولا حد فى الجمهورية هيقول ده مخطط لفضح مصر لنزع الدور الاستثنائى ليها فى المنطقة لصالح ايران.

من صفرررررررررر المونديال وغيره من الفضايح والبلاوى والكوارث اللى عدت وهتعدى من غير محاسبة اى حد لحاد اللى بيعمله العباقرة الافذاذ فى اتحاد الكورة المصرى وسمير زاهر فى مصر وسمعة مصر اللى مش ناقصة حد يلوثها زيادة عن كده ويومين طبعا وهننسى وتيجى مصيبة جديدة وتغطى ع القديمة لحاد ما مصيبة تانية تبيجى وتغطى ع الاتنين وهى دى مصر يا احمد.

البهاااااااااايم -مع الاعتذار للبهايم-اللى بيقال عليهم اعلاميين كبار اللى شربوا العبط للناس بالمعالق والكبايات والميكروفونات لسه فى اماكنهم ولسه معاهم القنوات والميكروفونات ولسه بيجهلوا فى الناس وبيعموهم ولسه هيحصل اكتر من اللى حصل ولسه هنشوف مجموعة من مدمنى العبط والجهل والحماقة والارف بيمسكوا مشجع لفرقة تانية وبيصبوا عليه جاز وبيولعوا فيه ولسه هنشوفهم بيولعوا فى اتوبيس باللى فيه ولسه هنشوفهم بيتهموا غيرهم-لمجرد انه غيرهم-بانه كافر وخاين وعميل وفى مزبلة التاريخ والبقررررررررر بتوع الوحدة الوطنية وشكر رجال الامن فى الاستااااااد هما نفسهم اللى وصلوا الناس لانهم يشتموا بعض بالصليلب فى المدرجات.

طبعا فى اى بلد ديمقراطى بيحترم نفسه صوت اى فرد من افراد الشعب فى اى انتخابات له قيمته وله تمنه وبيحمل صاحبه امانة كبيرة على عاتقه وبيلزمه بانه من الضرورى يروح للى يستحقه لانه غالى جدا وتمنه اغلى من إزازة زيت او كيلو سكر او اى مبلغ من المال وطبعا مسالة بيع الاصوات فى الانتخابات دى مصيبة وبلوة وفضيحة وجرسة وان دلت على حاجة فهتدل على مدى الجهل والعبط والعفن المتفشى بين الناس واللى صدر للناس الجهل والعبط والعفن دول ناس معروفين واللى سكتوا على البلاوى دى ناس معروفين والسبب فى قتل الحياة السياسية وتجهيل الناس فى مصر ناس ولاد ستين كلب ومعروفين وهما اللى وصلوا اهالى طوسون فى ماتش الاهلى والزمالك اللى فات كانوا رافعين لافتات بتطالب فيها محمد ابوتريكة(لاعب الكورة بالنادى الاهلى ركزززززز ابو تريكة لاعب كورة بالنادى الاهلى)بالتدخل لحل ازمتهم مع محافظ الاسكندرية.

الملاحظ بقى ان المصيبة دى حاجة كده زى الفطريات اللى بتنمو فى الجو العفن المكتوم وبالسكوت عليها بتتزايد واغلب او كل مصايبنا صناعة حكومية فالطبيعى ان نفس الحكومة باجهزتها المختلفغة هتطرمخ على مصايبها وهتغطى عليها بحاجات تانية وهتشوش المشهد بحاجات تالتة وبكده فالمناخ يتهيىء لاستقبال بلوة جديدة وبدل مايبقى فيه اتجاه لحل مايقع بنا من سوء يبقى فيه اعداد لما هو اسوأ .الغريب بقى فى الموضضوع كله اييييييييييييييييه؟....البلادة اللى عند المصريين وكانهم بين يوم وليلة اصبحوا ناس معندهااش دم زى ماخليل بيقول وفيه واحد تانى برضه غير خليل قال ان السكوت على الكلام ده درب من دروب التغابى.

هناك 6 تعليقات:

فتاه من الصعيد يقول...

هدي نفسك بس :)

للاسف احنا بنتجه من سيء لاسوء... وللاسف البلد بترجع بينا لورا

والنظامنايم في احضان اسرائيل ارضاء لامريكا

وابواق الاعلام الغير محترمه بتشتغل من غير خبره وماشيه بنظام ولعها وشعللها ..

تحياتي

قلم رصاص يقول...

ايه يابني انت مزعل نفسك ليه كدا

هو كلامك النهارده دا جديد عليك وعلينا ولا اييييييييييييه؟
يعني نمت وصبحت الصبح اكتشفت ان دي هي مصر؟

انصحك تنزل لنا بشوية نكت يمكن يبقى فيه جديد

وبعدين تعالالي هنااااااااااا

انت في ردك على ردي في بوستك اللي فات بتقول لي : اتريق اتريق

مش انت يا أفندي اللي بادئ بالتريقه

كنت منتظر مني ايه وانت بتتريق على الفريق اللي بشجعه في حين هو مرمط بكم النجيله هههههههههههههه

مشكلتك في الكوره انك متعصب بجد

انا الماتش اللي قبل اللي فات دا في الدوري انا شخضيا رغم اني اهلاوي ، قلت وأقريت ان الزمالك كان احسن بكتير من الاهلي وكان اعلى فنيا في المباراه بجد

اما الماتش اللي فات فلازم تعترف ان الاهلي كان أفضل بلا شك بصرف النظر عن النتيجه كمااان

عموما انت كرهتني في الكوره زي ماكرهتني في مصر في البوست بتاع النهارده

ههههههههههههههههههههه

سلام

حاول تفتكرنى يقول...

كلام مؤلم ، وسبب إيلامه حقيقته الواضحة

تزال نصف مشاكلنا لو انزوي الاعلام المصري - جنب الحيط - لمدة سنة

تحياتي

حلم بيعافر يقول...

فتاة من الصعيد

هااااااااااادى هااااااااااادى

منورة

حلم بيعافر يقول...

قلم رصاص

يعنى ايه تعصب؟

عشان اعرف بس


منور

حلم بيعافر يقول...

حاول تتكرنى

مرررررررة تانية منور وحمدالله ع السلامة