الثلاثاء، 25 مايو، 2010

الزمالك و.... ومين ومين ومين ااااااه والاهلى



هى دى الصورة اللى عندى واللى عاجبه....


امبارح صحيت من النوم ناقص نوم ونزلت لقيت المواصلات زحمة والدنياحر ورحت الشغل متاخر والنهارده صحيت من النوم ناقص نوم ونزلت لقيت المواصلات زحمة والدنيا حر وروحت الشغل متاخر .امبارح فتحت التلفزيون لقيت علاء صادق بيشتم فى سمير زاهر ولقيت شيخ فى قناة النناس بيتكلم عن فضل النقاب والنهارده فتحت التلفزيون لقيت علاء صادق بيشتم فى سمير زاهر وليت شيخ فى قناة الناس بيتكلم عن فضل النقاب.امبارح مى سابت احمد فى المسلسل بتاع القناة الاولى بس رجعتله تانى والنهارده مى سابت احمد فى المسلسل بتاع القناة الاولى بس رجعتله تانى.امبارح كان فيه خبر عن رفع قضية ضد واحد نشر قصيدة فى دورية ادبية والنهاردة فيه خبر رفع قضية ضد واحد نشر قصيدة فى دورية ادبية.امبارح حسنى مبارك اجرى مشاورة هاتفية مه بارك واوباما والنهاردة حسنى مبارك اجرى مشاورة هاتفية مع باراك واوباما.السنة اللى فاتت الاهلى خد الدورى وعماد متعب فضل فى الاهلى والسنة دى الاهلى خد الدورى وعمادة متعب فضل فى الاهلى.الانتخابات اللى فاتت الحزب الوطنى كسب باغلبية كاسحة والانتخابات دى الحزب الوطنى كسب باغلبية كاسحة.امبارح فيه رقاصة قضت ليلة حمرا مع واحد من الوحايد فتانى يوم الصبح عملها كليب وجه على ميلودى والنهاردة رقاصة قضت ليلة حمرا مع واحد من الوحايد فتانى يوم الصبح عملها كليب وجه على ميلودى.امبارح ميلودى تحدت الملل والنهارد ميلودى تحدت الملل.امبارح كان عندى حالة اكتئاب شديدة وكنت حاسس انى ولا حاجة والنهاردة كان عندى حالة اكتئاب شديدة وكنت حاسس انى ولا حاجة.السنة اللى فاتت روحت الجامعة وامتحنت وسقطت والسنة دى روحت الجامعة وامتحنت وسقطت.امبارح كان فيه مطالبات بالافراج عن ناس معتقلين مع ان صادر فى حقهم احكام براءة والنهارده كان فيه مطالبات بالافراج عن ناس معتقلين مع ان صادر فى حقهم احكام براءة.من كااااااااام سنة وحسنى مبارك رئيس جمهورية مصر العربية وفاروق حسنى وزير ثقافتها وحبيب العادلى وزير داخليتها ومن كااااااام سنة تانيين كان حسنى مبارك رئيس جمهورية مصر العربية وفاروق حسنى وزير ثقافتها وحبيب العادلى وزير داخليتها وحااااااليا حسنى مبارك رئيس جمهورية مصر العربية وفاروق حسنى وزير ثقافتها وحبيب العادلى وزير داخليتها.امبارح مجلس الشعب كان بيقول موافقة والنهارده مجلس الشعب بيقول موافقة.من يومين تم اعتقال مجموعة من الاخوان المسلمين ومن يومين تانيين تم اعتقال مجموعة من الاخوان المسلمين.امبارح كان فيه اعتصامات قدام مجلس الشعب والنهاردة كان فيه اعتصامات قدام مجلس الشعب.امبارح الحضرى عيط وقال عايز ارجع الاهلى والنهارده الحضرى عيط وقال عايز ارجع الاهلى.امبارح اتحاد الكورة مرمط بكرامة مصر الارض والنهاردة اتحاد الكورة مرمط بكرامة مصر الارض.امبارح انا نمت زعلان والنهاردة انا نمت زعلان.

هى حاجة جديدة ممكن تحصل النهاردة فى مصر...الزمالك يكسب الاهلى.

هناك 15 تعليقًا:

قلم رصاص يقول...

انت باين عليك شارب حاجة

اوعى تقولي شارب شاي بلبن

تيييييييييت .. مليتوا البلد

هههههههههههههههههه

خد الرباعيه دي هديه مني ليك لسه مألفها من كام يوم

الأرجنتين كاس عالم ومارادونا
والزمالكاوية علونا ومرضونا
حسام يقول: العب يابني كوره
يقولوا الأول قبضونا

وعجبي !

احنا ردنا في الملعب
واتغطى كويس اليومين دول
برد الصيف صعب

ههههههههههههههه

سلام

حلم بيعافر يقول...

انت بتحلم يابنى

انت مش شايف عمرو الصفتى عامل ازاى؟

هوبتي يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

لا تعليق

فتاه من الصعيد يقول...

ههههههههههه

امبارح الاهلي كسب الزمالك ... والنهارده الاهلي طحن الزمالك :)))

هارد لك

قلم رصاص يقول...

انت من النهارده بقى تلم كشاكيلك ياحبيبي وتروح تنام بقى

واقفل المدونه دي بالمره

اوعىىىىىى اشوف او اقابل اي واحد زملكاوي هنا خالص

شكلكوا بقى وحششششششششش اوي
جتكوا خييييييييبه على خيباتكم القديمه

ههههههههههههههههههههه

انا عمري ماشمتت

بس المره دي بقى اشمت براحتي

______

لقد عاود الأهلي الكرررررررره .. وحدف الزمالك
برررررررررررررره

بيان واحد ،،، إنتهى !

صعبانين علي والله اوووووووووي
ربنا يكون في عونكم
هتلاقوها منين ولا منين

ههههههههههههههههههه

من الاخر الأهلي مرمطكم المره دي

تنكر؟

أااااااااايوا كدا شااااااطر اهه وبتسمع الكلام

يلا ياحبيبي اشرب اللبن ونام بدري
وراك تدريب هههههههه قصدي شغل

ال زمالك اااااااااااااااااال

حلم بيعافر يقول...

هو احنا لازم نتغلب؟

ليس فقيرا من يحب يقول...

عاااااااااااااااااااااا

ايه يا سيد

عمال تتريق تتريق تتريق

لاحظ انى زملكاويه يا عم

ومالو وحتى لو الزمالك مش فاز ابدا

هنفضل نحبه ونشجعه متنساش انو نادى الصفوة يا ريس

احاسيس آيوشه يقول...

عارف الاحساس اللى جالى انى عايزة اقوم افتح الشباك واشغل المروحة على اعلى درجة بجد بجد اتخنقت وجالى ضيق تنفس
ربنا يكون فى عيونك لو بتشوف الامور دى كلها بمنظورك كل يوم بجد هتتعب
اما موضوع الزمالك مليش فى الكورة للاسف
بس سمعت ان الاهلى كسب ودى النهاية الطبيعية المتوقعة
ان شاء الله الزمالك يكسب السنة الجاية

Heba Faruq يقول...

هارد لك
هي الرياضة كده مره غالب ومره مغلوب
وانشاء الله تعوضوها المره الجاية

انا بصراحة ماليش في موضوع الكرة دي خالص بس عجبتني قوي الصورة العاطفية المصاحبة للتدوينة..هي حقيقي بتعكس الروح الرياضية العالية بين اللاعبين وتعاملهم مع بعض بمنتهى الاحترام وبعيد تماما عن الخشونة والعنف

حلم بيعافر يقول...

هويتى

بتضحوا على ايه؟

مفيش حاجة بتتغير عندنا

انا يئست

حلم بيعافر يقول...

فتاة من الصعيد


اصبرى اصبرى

لما نشوف مين هيطحن مين بكرة

حلم بيعافر يقول...

قلم رصاص

اتريق اتريق

جايلك يووووووووووووووم ابيض

حلم بيعافر يقول...

ليس فقيرا من يحب

سيبيييييييييييه بكرةو يعرف

حلم بيعافر يقول...

ايوشة

ماهو ده الحاااال

انا جبت حاجة من عندى؟

حلم بيعافر يقول...

هبة فاروق

هى دى الرياضة عندنا

رووووووووووح رياضية