الأحد، 30 مايو 2010

انتخاباااااااااات ....



لما وافقت وافقت ووقعت على ووقعت على بيان الجمعية الوطنية للتغيير كانت الحكاية عاملة زى واحد غريق بيتعلق بقشاية او واحد روحه خلاص هتطلع وعايز حتى يحس ان فيه امل فى اى حاجة.حتى التفاؤل وحث كل اللى اعرفه على المشاركة ففى الانتخابات كان مهزوز مانا بتفرج على تامر امين وساعات بقرا لاسامة سرايا برضه.

فرحت جدا لما شفت اسمى فى وسط الموقعين على بيان الجمعية زى مايكون رايح اجيب نتيجة امتحان وفرحت جدا لما سمعت ميكروفون فى بلدنا بيقول احمد الزير مرشح حزب التجمع والجبهة الوطنية للتغيير والظاهر ان الحكاية فيها شىء من الجدية برغم كل حاجة والظاهر ان فيه ناس عايزة تغير برغم كل حاجة والظاهر ان هيحصل فيه تغيير ان مكنش النهارده يبقى بكرة وان مكنش بكرة يبقى بعده...المهم فييييه اصرار على التغيير برغم تصدير الياس للناس .

شووووف البيان ولو عايز توقع وقع

الاسبوع ده شفت موقف مش غريب ومكرر ...استعانة الحزب الوطنى بشيوخ الازهر لمساندة مرشحيه حاجة مش جديدة واستحلال التسلق على الدين للوصول لارقام معينة فى الانتخابات وتحريم التسلق ده ع الغير شىء مش جديد برضه وعااااادى جدا والمرة دى كان الكلام ده فى روض الفرج ونال يوسف بطرس غالى قدر هائل من الثناء والمديح -عايز اقول لفظ ابيح-رغم انه محضرش على عهدة اليوم السابع.

لكل ذى عقل وبصيرة...شوف تصريحات رئيس وزراء كينيا وقارنها بتصريحات لرئيس وزراء مصر وقوووول يا مؤمن واحكم بقلبك وضميرك وشوف مين المراهق اللى لسه بيضحك ع الناس وبيستعبط وبيسوق الهبل وشوف مين اللى بيتكلم بموضوعية وعقل وتقدر تقول على بيعرف حاجة اسمها سياسة.

هناك 8 تعليقات:

فتاه من الصعيد يقول...

جميل التوجه الايجابي ده ليك... وحاول تبلوره في تبني وجهه نظر تكون مقتنع بيها ..

بالنسبه للمقارنه ... فنحن نختلف عن الاخرون .... خالص :)

تحياتي

sal يقول...

احييك واتمنى لك التوفيق

قلم رصاص يقول...

التغيير في حد ذاته أصبح مطلوب وبالحاح
ولو كان حتى للأسوأ كسرا لحالة الجمود والركود السياسي اللي غرقت فيه البلد

ومعتقدش فيه اسوأ من الموجود

ودعنا لانفكر في المفقود حتى لانفقد الموجود

لك الله ياام الدنيا

د. ياسر عمر عبد الفتاح يقول...

الخوف إن القشاية دي متفدش الغريق

القصة إن لما يبقى فيه واحد ديكتاتور ظالم لكن قادر يمسك البلد
أحسن ألف مرة من واحد عادل وديموقراطي لكن معندهوش لا كاريزما ولا قدرة على إدارة دولة ليها مصطلحاتها وأبجدياتها الخاصة

حد فاهم حاجة؟
أنا مش برشح حد
أغرق أحسن

حلم بيعافر يقول...

فتاة من الصعيد

هيييييييييييييه

عندى حاجة ايجابية


منورة روحى الانتخابات بقى

حلم بيعافر يقول...

sal

شكرااااااا يا موعلم

منورنى

حلم بيعافر يقول...

قلم رصاص


طيب ياخويا


خليك معانا بقى

حلم بيعافر يقول...

دكتوووور ياسر

لاااااء يادكتور الا انت

تفاااااااااااءل