الاثنين، 31 مايو 2010

تغور الشعوب...



تغور الشعوب
وتبقى الصور...
يغوص العفن
فى جسم الوطن
ويصبر زمن
ويدى فى صبره عديد العبر
زيوس ياللى مالك
وادينا المريض
وناطط معشش فى بيت القصيد
ودابح بامرك طلوع كل فجر
وطلة وليد
تغور الشعوب
وتبقى ف مكانك
تزود رصيدك
رصيد فوق رصيد
تمن ألبوماتك
حياة كام شهيد...
ودم وعرق
وحبة ورق
عليهم بلد بتباع بعيد
لعصبة نور
تغور الشعوب
وتبقى الصور...

هناك 26 تعليقًا:

أحمد الصعيدي يقول...

يارب



كفاية بقا


تعبنا

الواحد أحيانا بيعيط من غير ما حد يشوفه من كتر الضعف

well يقول...

هو قضاء وقدر ..
والصبر حلو ...صابر ياعمى صابر
تحياتى

still-searching يقول...

كلام جميل
كلام معقول

كلام يخلي الواحد يكتئب زيادة على اكتئابه

بس الحمد لله

احنا شعب زي الفل :D

الحب الجميل يقول...

امين يارب العالمين

وصلنا للنهايه

كلام ذو معنى

تقبل زياتى الأولى فى المدونه ودوام التواصل ان شاء الله

د. ياسر عمر عبد الفتاح يقول...

جميل أوي الكلام ده
للأسف .. مبظوط أوي

كان نفسي يبقى غلط
كان نفسي يطلعونا كدابين ووحشين ويعملوا حاجة بجد


كمان جميلة أوي القصيدة دي
إنت اللي كاتبها؟

حلم بيعافر يقول...

احمد الصعيدى

كفاية ايه ياعم صلى ع النبى هتودينا ف داهية

منور

حلم بيعافر يقول...

ويل

الصبر حلوووووووو


منور

حلم بيعافر يقول...

still-searching

نورتونا

حلم بيعافر يقول...

سفهمم-سثشقؤاهىل


بس مكنش قصدى اجيبلك الكابة والله

حلم بيعافر يقول...

الحب الجميل

منور ويدووم التواصل

حلم بيعافر يقول...

دكتووووور ياسر

كااااااان نفسك وانا كمان

والعصيدة دى تبعى وبقلمى

نورتنى

صوت من مصر يقول...

بجد نموت نموت

أبو حسام الدين يقول...

والله كلماتك لها معنى
فلتحيا الشعوب
حرة أبية.

مروري سريع إن شاء تكون لي وقفات هنا.
دمت بخير

مذكرات زوجة يقول...

دولة الظلم ساعة ويا ريت فعلا الحلم ابدا ما يستسلمش

قلم رصاص يقول...

وجعت قلبي
بس خطك حلو

فتاه من الصعيد يقول...

يا رب هو اللي يغور بقا :(

لان الشعوب غارت في داهيه وهاجرت ورمت نفسها في البحر يأسا

تحياتي

حاول تفتكرنى يقول...

مؤلمة لكن معبرة

تحياتي

ضكـــــتور جدا يقول...

السلام عليكم
نعتذر على التعليق خارج الموضوع
..........
شاركونا بنشر الفن الهادف
على مدونتكم الرائعة
وذلك بنشر
شبكة صوتنا للفن الهادف
http://sawtona.blogspot.com/
ووضع البانر الخاص بها في مدونتكم
http://img204.imageshack.us/img204/6928/73616877.jpg
.................
نبذة عن الشبكة
أكبر مدونة متخصصة في الفن الهادف بكافة صوره وأشكاله
وتقدم الأعمال الفنية الهادفة
وأخبار الفن الهادف
كما تقدم شكل جديد في عرض الفن
كما تم تصنييف الاعمال على حسب الموضوع والقيمة التي توصلها
والمؤدي وجنسيته والآلات المستخدمة ف الأعمال
وغيرها من المفاجآت
..........
وبمجرد الاعلان عن الشبكة في مدونتكم
أخبرونا وسيتم الاعلان عن مدونتكم الرائعة لكل زوار الشبكة
........
دمتم في حفظ الله

حلم بيعافر يقول...

صوت من مصر

موووووووش فاهم

حلم بيعافر يقول...

ابو حسام الدين

ان شاء الله

منور

حلم بيعافر يقول...

مذكرات زوجة

حمدالله ع السلامة



منورة

ليس فقيرا من يحب يقول...

ايه ده

ايه ده

حلوة قوووووووووى

والجزء ده اكتر من روعه

الشعوب
وتبقى ف مكانك
تزود رصيدك
رصيد فوق رصيد
تمن ألبوماتك
حياة كام شهيد...
ودم وعرق
وحبة ورق
عليهم بلد بتباع بعيد
لعصبة نور
تغور الشعوب
وتبقى الصور...

وبنقول كلام قوى كمان

تسلم ايديك

وربنا موجود

حلم بيعافر يقول...

قلم رصاص

وجع قلبه اللى يوجع قلبك يا بن خالتى

منور

حلم بيعافر يقول...

فتاة من الصعيد

الله اعلم مين اللى هيغوووووووور


منورة

حلم بيعافر يقول...

حاول تفتكرنى

منور يا زعيم

حلم بيعافر يقول...

ضكتور جدا


يعنى ايه فن هادف؟


منور بس اعتقد ان اللى فى دماغك موش نفس اللى فى دماغى