الاثنين، 7 يونيو، 2010

الشيخ امام...المتهم بالغنا



قد ايه برتاح/قد ايه برتاح انا لحظة ما قابل بسمتك/ وبكون شديد لما أمد الخطوة وامشي في سكتك /يا عشقي يللي حبي قدامي وخذ مني السنين/ما بين الحلم والخطوة وبين الكلمة والزنازين/أنا ماشي بناديلك.. ما بلقاش أغنيلك/مشيت الليل.. بطول الليل.. لجيل الليل ما وصلش/واتاري الفجر في عيوني خيال والجرح ما دبلش/وشفت الناس سهارى تموت على قوتها /وناس تعلي في بيوتها وناس راحت فدى صوتها..وناس خاينين

سبحااااااااان الله...مصر اللى بتدعم رجال الاعمال وبتسهلهم كل حاجة هى نفسها مصر الرأسمالية مع عمالها...مصر اللى عبرت فى 73 وكسرت كل القواعد وبهرت العالم هى نفسها مصر اللى بتجرى قدام عصاية عسكرى امن مركزى...مصر اللى ثارت على المحتل وطردته هى نفسها مصر اللى زورت الانتخابات الاسبوع اللى فات...مصر اللى ناسها غنوا قوم يا مصرى مصر دايما بتناديك هى نفسها مصر اللى ناسها غنوا انا شارب سيجارة بنى...مصر اللى كانت قمة الفكر والابداع من سنين هى نفسها مصر المسطولة التايهة...مصر اللى كانت اخت كبيرة لكل العرب ولكل دول افريقيا هى نفسها مصر اللى بقت ملطشة لكل العرب ولكل دول افريقيا... مصر اللى مر عليها رسل وانبيا وديانات كتيرة هى نفسها مصر اللى مبتقبلش ومبتستوعبش غير نفسها...مصر اللى فيها حد اسمه سعد الصغير هى مصر اللى كان فيها الشيخ امام

هناك 6 تعليقات:

sal يقول...

يااااااااااااااه

الله يرحمك يا عمى الشيخ امام

تدوينة رائعة

قلم رصاص يقول...

ايه رأيك نهج انا وانت لايطاليا
بس نروح في طياره
تغيير اصلي بصراحه زهقت من الشباب اللي بيموتوا غرقىىىىىىى

توهنا في مصر وهي تاهت مننا

صيدلانيه طالعه نازله يقول...

كمان مصر اللى فيها احمد عز بتاع الحديد هيا هيا مصر اللى فيها ناس بتموت من الجوع و بتموت عشان مش لاقيه تمن الدوا
مصر يا عزيزى بلد المتناقضات

حلم بيعافر يقول...

sal

الرائع هو صاحب الذكرى

نورت

حلم بيعافر يقول...

قلم رصاص

مش مطمنلك

حلم بيعافر يقول...

صيدلانية طالعة نازلة

فعلا

نورتى