الأربعاء، 30 يونيو 2010

نواقض الوضوء...



لم أشعر بالراحة إالا فى هذا المكان,وآتى إالى هنا فقط لانهل فتنطفىء الحرائق المندلعة فى أوردتى وشرايينى.أقول هذا دائما فينزل عليهم كالصاعقة ويدعون لى بالهداية ,وأظن ما أعتقده هو غاية الإيمان...الراحة.

صوت المصلين الخافت وهمهماتهم أثناء التشهد يغطى عليها صوت المراوح المتدلية من السقف فى كل ركن من أركان المسجد المحلى بالرسوم والرخارف البسيطة بساطة أهل القرية جميعهم.يسلم الأمام ومن وراءه كل المصلين وأنا فيهم.تمتد الأيدى فى حركة لاإرادية وينشغلون بالسلام وتبادل كلمات التحية وكأنه أول لقاء يجمعهم.يعلو الصوت قليلا.يقطعه صوت أعلى...
-إخوتى فى الله...
كغطاء سميك ألقى على أفواههم فكتمها كانت تحية الشيخ عبده.رفعوا أعناقهم تجاه الشاب الوسيم كثيف اللحية أصفر الشعر الذى هجر الموسيقى لأنه إكتشف فجأة أنها حرام وانقلب داعيا لدين الله كما نعت.
-نستكمل اليوم ما بدأناه أمس بخصوص نواقض...
ياشيخ عبده هو احنا مش هنتكلم فى حاجة غير نواقض الوضوء؟!
قاطعته فى شىء من الحماقة والتسرع مبديا إامتعاضى من مجرى الحديث كل يوم ولكنه التقطنى من بين أعين الناس الناس ومن بين نظراتهم الساخطة بإبتسامة مشرقة,وزحزح نظارته قليلا وتنحنح وسألنى...
-خير يامحمد؟!
-الانتخابات اتزورت يا شيخنا وانتوا ولا حس ولاخبر...مش الساكت عن الحق ...
-هى اتزورت؟!والله مانعرف.
غمرت موجة من الضحك كل من لم يمسه النوم داخل المسجد وانتهى الشيخ عبده غالى ان هناك أولويات لابد من إنجازها أولا.عبث بلحيته قليلا ثم أكمل ما قطعته عليه,وهممت لاوقوف لأخرج فأمسك بيدى شيخ عجوز كان نائملا طيلة الجلسة قائلا..
-ربنا يهديك ويصلح حالك يابنى..خد بايدى.

هناك 24 تعليقًا:

حَـبآيـۃْ.بـטּـدۉڷ يقول...

ههههههههه .. لا بجد تحفه ..

بالرغم من ان المسجد مكان مريح جداجدا .. والواحد بيحس فيه براحه نفسيه .. وبحسد الولاد كلهم على انهم بيروحوا يصلوا فيه 5 مرات يوميا .. بينما البنات مش كتير الا ف رمضان يعني ..

بس بصراحه مش بلاقي حد بيستفاد حاجه من شيوخ المسجد غير قليل .. كلامهم بحسه مش مبسط خالص .. حتى لما بسمع خطبة الجمعه اللي غالبا بتكون عن الطلاق او السيره النبويه .. حتى مش بيحاولو يتكلمو بطريقه مبسطه .. طريقتهم بتكون قااتمه وممله وكلام نصه مش مفهوم ..

وعملت ايه مع الشيخ العجوز بقى .؟ :D

sweet angel يقول...

هههههههههههههههه

ساعات بشغل دماغي وافكر اطلع على السطح واسمع خطبة الجمعه

اني افهم منها او اعرف حاجه جديده
ابدااااااااااا

ووالله اكتشفت ان المعلومات الي بيقولوها فيها حاجات غلط

فمش مشكله بقى لما يمسك في موضوع واحد
ونبقا ضامنين ان مش فيه معلومه غلط

راجية الرحمه يقول...

والله ياجماعه مهما كانت الاعده فى المسجد
وبرغم ان ممكن او اكيد الامام بيقول حاجات احنا عارفنها و حافظنها
بس كفايه اننا نبقى اعدين فى المسجد و محوطانا الملائكه
حصلتلى كل حاجه تخلينى مش اروح المسجد
خطبه الجمعه اقسم بالله حفظاها باستثناء كام جمله وكام كلمه بيتغيروا
وبروح دروس لسلف انا عارفه انى مش عجباهم علشان بــــس مش منقبه
لكن كفايه الراحه اللى بتبقى فى المسجد
وكفايه ان احنا ندخل المسجد ونتحرر من كل مشاكل الدنيا وهمومها

فتاه من الصعيد يقول...

هههههههههه

دول اهل الكهف موش اهل المساد دول

بس انت ثوري كده دايما ؟؟

تحياتي

العيسوى الصغير يقول...

هههههههه

عاوز تقلب العقدة دا كان الازهر ايام الاحتلال خلاص انهت

قلم رصاص يقول...

هقول له

^_*

حلم بيعافر يقول...

حَـبآيـۃْ.بـטּـدۉڷ


مين اللى تحفة؟...الجامع ولا المراوح ولا الشيخ ؟

نورتى

حلم بيعافر يقول...

sweet angel

وانا برضه نفسى يقولولى حاجة جديدة

نورتى

حلم بيعافر يقول...

راجية الرحمة

محدش قال غير كده

نورتى

حلم بيعافر يقول...

فتاة من الصعيد


الثورة ولا الركود؟

دحتى الركود بيجيب بلهارسيا

نورتى

حلم بيعافر يقول...

العيسوى الصغير


ودللوقتى


نورت

حلم بيعافر يقول...

قلم رصاص


تقول لمين؟!!!

نورت

Mr.Hazem يقول...

ههههههه لفته حلوة منك
في كتير اشياء لو انتبهنا الها بحياتنا وصلاواتنا حنلاقيها من نواقض ..

يسلمو يا عسل

غير معرف يقول...

هههههههههههههههههه
لا بجد جامدة جدا
اولا
وصفك للمسجد والراحة النفسية الى حسيتها
احنا كمان حسيناها وبجد فكرتنا بايام رمضان واللمة الحلوة
ثانيا
هو فعلا فعلا فى واحد اسمه عبده
يكونش هو ده عبده الحامولى :))))
ثالثا بقى
ان مش منكن ابدا تروح مسجد وتلاقيه بيتكلم فى حاجة فيها سياسية اطلاقا بتاتا يعنى
احنا يوم ماحد بيشم خبر ان الشيخ مثلا بيتكلم عن اللهو والسايبرات والشباب اللى مرشقين فى القهاوى بيبعتوا ناس اجارك الله تكفر الواحد (استغفر الله العظيم يعنى) ويقعدوا يحسسوك انك عامل عاملة ورئيس مراجيح مولد النبى هينظم تفجير فى اديس اباابا وحاجات غريبة كده

اما بقى الراجل العجوز ده
فده بقى حال كل الشعب المصرى دلوقتى خلينى فى حالى هو اانا مالى
خلينى جنب الحيطة عشان نسمع الزيطة براحتنا

يلا اهو كله كلام والسلام

بجد بوست تحفة واسلوبك جميييييل وممتع

تفتكر انا مين
انا كنت هاخش عادى من غير مااخبط يعنى
بس لاقيت البلوجر قافل
يلا فوتك بعافة يااخويا

حلم بيعافر يقول...

حازم

شكرا ياحج ومنور

حلم بيعافر يقول...

غير معروف

لاء معرفش


البوست الجاى ابقى قول انت مين


نورت يا زعيم

dalia يقول...

مدونة مريحه، وواضح فيها أنك بتعافر فعلا :)
مش عيب ان الانسان يعرف دينه ولكن العيب انه ميكونش عارف اللى بيجرى حواليه، دا دينك بيقول اقرأ في أول سورة
فهمت غرض البوست ومبسوطه من انتقادك
مع احترامي

fL0weR-giRL يقول...

هههههه
ايه داه
سعات بسمع خطبه واجي تاني جمعه الاقي الشيخ بيتكلم ف نفس الخطبه وبنفس الزعيق ف كلام معين وانه يهدي ف كلام معين
بس التغير مطلوب والمفضل ان تكون الخطبه ف حاجه ممكن مايكنش المستمعين عندهم فكره عنها وعشان كمان مش يحسوا بالملل......

^_^

ليس فقيرا من يحب يقول...

السلام عليكم

ازيك يا محمد الحمد لله انك بخير

ههههههههههه انت عاوز تودى الراجل

فى داهيه ليه ياعم ماله ومال الانتخابات
اتزورت ولا اتنيلت على عينها انت متعرفش ان فى مخبرين فى مساجد كتير جدا

بيقعدو يسمعو خطبه الجمعه ههههههههههه

مذكرات زوجة يقول...

الإيمان يمنح الإنسان نوع من الطاقة

طاقة ايجابية تدور وتحسن من كل شىء حوله

تحياتى

حلم بيعافر يقول...

داليا


شكرررررا


ونورتينى

حلم بيعافر يقول...

flower girl

مش القصد

الفكرة هى انهم منفصلين تماما عن الواقع

نورتينى

حلم بيعافر يقول...

ليس فقيرا من يحب

مايروح

مش احسن مااتكلم انا واروح فى داهية؟

نورتينا

حلم بيعافر يقول...

مذكرات زوجة

فعلا وانا قايل ده فى الاول

نورتينى