الجمعة، 25 يونيو 2010

بطييييييخ تانى

بطيييييييخ ...رخيص بقى حاهريكوا بطيخ

نكت

مصدر أمنى\الفيديو الذى نشر على مواقع الانترنت هو مدعاة للفخر لأنه يمثل لحظة انتصار لرجال الشرطة.
أحمد نظيف\الاقتصاد المصرى حقق اكثر من 4ملايين فرصة عمل فى الفترة الاخيرة.
أحمد المغربى\فى قضية بطلان عقد بيع ارض مدينتى يقول بطلان العقد لا يلغى التعاقد.
أحمد فتحى سرور\علاقاتنا مع دول حوض النيل هى علاقات اسرية.
عادل امام\على البرادعى انتقاء كلامه والا سيصبح كوميديا وجمال مبارك له الحق فى خلافة والده.
حسنى مبارك\لن اتدخل فى ازمة المحاميين والقضاة واترك الامر لحكماء الطرفين.

أخبار

-اكتساح الوطنى لانتخابات التجديد النصفى لمجلس الشورى.
-محمد جدو ينتقل للاهلى مقابل 7 مليون جنيه بالاضافة للعجيزى وعلى كعربون محبة.
-تقرير الطب الشرعى واللجنة العليا يؤكدان وفاة خالد سعيد باسفكسيا الخنق.
-محمد حسان يناشد الرئيس مبارك للتدخل فى ازمة الرحمة.

حدث فى مصر

مجموعة من البر كانوا يجلسون على احد المقاهى يحتسون شايهم ويدخنون شيشتهم فى امان وسلام اللهواذا بشخص غريب جهورى الصوت يفجعهم قائلا(الحق ياعبدالله مراتك بتولد)فبادر احدهم بترك الشاى والشيشة والطاولة وجرى بطول الشارع ثم توقف فجاة وقال(بس انا مراتى مش فى الشهر ال.....بس هكمل اشوف فيه ايه)وجرى ثم توقف وقال(بس انا مراتى مش حامل اصلا بس هكمل اشوف فيه ايه)وجرى ثم توقف وقال(بس انا مش متجوز اصلا بس هكمل اشوف فيه ايه)وجرى ثم توقف وقال(بس انا مش عبدالله).

رسائل

الى السيد جمال مبارك\مصر مش عزبة ابوك
الى السيد حسنى مبارك\زمان الفرد يافرعون ولى.
الى السيد احمد عز\(فأغرقناه ومن معه أجمعين).
الى السيد يوسف بطرس غالى\متعملش عقلك بعقل وائل الابراشى وتنشغل عن فكرة الجباية الجاية.
الى السيد رجب طيب ارردوغان\جزمة سيادتك برقبة 22حاكم عربى.
الى السيدة مى ام العافية\سلامة رجلك ان شالله عيشة عبدالهادى وانت لاء.
الى السيد محمد التميمى\ياتميمى هواك جننى والشوق ملانى جراااااااااااااح.
الى قنوات ميلودى\انا تعبت ..اتهدوا ربنا يهدكوا.

اختبار لكونك كيس جوافة ولا لاء

-عرفت مرتشى مرسيدس ولا لسه؟

طبعا لو معرفتش تبقى كيس جوافة ولو عرفت تبقى كيس جوافة برضه

هناك 9 تعليقات:

بيطرية ومش بايدى يقول...

سلام عليكم
ايش اخبار حلمنا اللى بيعافر
ربنا يقويك ويقوينا
مصدر امنى يؤكد ان/اول تعليق بالنوسبة ليا يعتبر مفخرة بعد غياب طوويل عن البلوجر
مش المفر وض تقولى حمد الله على السلامة
ناشى ناشى
طب عقابا ليك بقى
هتجيبلى بطخاية كبيييييرة
لو تقدر تجيبيلى بطيخ اكتر من اللى احنا فيه يبقى هاديك
اوبع جنيه بحاله
طب بالنوسبة للرسائل هتوصل امتى

يحسن البوسطجى بتاع سيادة الرئيس مش فاضى ولا حاجة
ابعتها انا مع الحمار بتاعى
احنا فى الخودمة

وبعدين مالك انت ومال ماما سرور هى شايفة ان الاسرة مترابطة جدا واخر السطة واكيد جدو وتيت مش هيمنعوا عننا الامبو

اما اللى حدث فى مصر
فده موتنى من الضحك اصلا ده غير انه حقيقى اشاسا وبيتهيالى بيحصل كتيير مواقف زيها كده

ربنا يستر على ولايانا

بجد بوست بطيييييييخ
قصدى خطييييييير :d

فوتك بعافشة

بس ليا عودة ان شاء الله

رنونة حكومة ميخو يقول...

uادل امام على البرادعى انتقاء كلامه والا سيصبح كوميديا وجمال مبارك له الحق فى خلافة والده.

عادل امام ده جزمة مقدرش اقول غير كده
حسنى مبارك لن اتدخل فى ازمة المحاميين والقضاة واترك الامر لحكماء الطرفي

واضح قوي انه رئيس دولة فعلا

محمد حسان يناشد الرئيس مبارك للتدخل فى ازمة الرحمة

بيحلم قوي محمد حسان


حلوة قوي بتاعة عبد الله دي :))

بوست حلو قوي اخبار كده ع السريع

تحياتي

فتاه من الصعيد يقول...

ههههههههه

ايه دخل صفقه جدو في الفساد يا فندم

عموما هنعتبها صدمه زمالكاويه ونعديها معلش :)

بالنسبه لكل البطيخ ده فبصراحه بوستاتك رائعه وكمان ماشاء الله متابع وبتربط الاحداث ببعض

واهو كله بطيخ

تحياتي

أم الخــلـود يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

حلم بيعافر يقول...

بيطرية ومش باديكى

وعليكم السلام ليكى وحشة

وليكى منى بطيختين مش واحدة (المهم ميعديش تمنهم ال10جنيه)

هههههههههه

غيبة طبعا سببها الامتحانات

حلم بيعافر يقول...

رنونة

اى خدمة

نورتى

حلم بيعافر يقول...

فتاة من الصعيد


ايه رايك؟


ده حتى طراوة

حلم بيعافر يقول...

ام الخلود


والنعمة مافهمت حاجة


نورتينا

اسعار العملات يقول...

امممممممممم