الجمعة، 30 يوليو 2010

حكومة الحريم

الشعب فى خدمة الحكومة


تخيل لو ان الدكتور احمد نظيف اتهف فى عقله ولما جه يشكل وزارته اختار كل وزرائه حريم.تخيل...

قضية زى قضية مرسيدس كنا تانى يوم من اعلان الشركة لان فيه مسئول مصرى مرتشى عرفنا اسمه وكل الدنيا عرفت اسمه حتى من غير مانبعت مراسيل وطيارات طالعة وطيارات نازلة...برضه الرغى موهبة وصنعة.

طبعا انا اخدنا خطوة على الطريق ده والحمدلله انتبهنا بعد زمن من التاخر وعملنا كوتة فى مجلس الشعب ب64نايبة وهنغير شكل المجلس وهيطرى خلااااااااص وحكايات النواب النايمين المشخرين تحت القبة ده خلاص هيختفى فى وجود هذا العدد المحترم من الجنس اللطيف الشىء اللى بيحفزنا لمتابعة الجلسات بعد ماكنا بنقلب اول مانشوفها...لكن الامر المقلق جدا بخصوص هذه التجربة انه يتم اذكاء حركات قلع الشباشب والجزم والشرشحة تحت القبة وخصوصا ان هذه الحركات كانت فى اوجها بين حين واخر فى الدورة الماضية...ندعو الله جميعا ان تكون التغيرات الطارئة على المجلس فى الدورة القادمة ان تكون تغيرات من قبيل السحن والريحة والطراوة والحديث عن الطبيخ وغسيل المواعين وما الى ذلك من هذه الاشياء فقط حتى لايزداد الاحتقان احتقانا ويزداد العبط عبطا على عبط.

طيب هناك مخاوف مشروعة لدى بعض الجماهير من ان يتم تقديم استجواب من قبل موزة من موزز الكوتة الى وزيرة من وزارة الحريم ...كيف سيسير وهل يستطيع الدكتور فتحى سرور او من يخلفه التحكم فى سير الاستجواب؟...وهل ستسخدم كلا من النايبة والوزيرة الراقى من الالفاظ والكلام والاسلوب ام سيتم اللجوء الى ماهو معروف عن المناقشات الحامية بين الموزز فى الهرم والدويقة وشبرا؟...الله اعلم وياهنا من يعيش

لدينا فى مصر بعيد عن التهيؤات والاحلام من هن فى منصب الوزيرات فعلا ومن هن نائبات ولكن العينة بينة ومضروبة ومعطوبة وففيها كل العبر...عائشة عبدالهادى والتى نجحت فى اثارة ما لم يثره وزراء القوى العاملة السابقين لها مجتمعين ...مابين تصدير الخادمات المصريات للخليج ومابين طرد وتشريد عمال وما بين ومابين وهننتظر ايه من وزيرة معاها ابتدائية وبتبوس ايد سوزان مبارك جهارا نهارا؟!!..وعندنا مشيرة خطاب اللى ماما سوزان اخترعتلها وزارة عشان العشرة ماهانتش...

ننسى التجارب والامثلة الحقيقة ونخش ع الاحلام... "فيرونيكا كوباليا"وزيرة الاقتصاد والتنمية المستدامة فى جورجيا الدولة اللى لسه هاااااااه بتشم نفسها وبتقول ياهادى ...عندها 28سنة ...من يومين نزلت على الفيس بوك بتاعها مقطع ليها وهى بترقص...وزيرة وبترقص ورئيس وحكومة شايفة شعبها ومهونة عليهم العيشة والغلب وحاجة زى الفل وتفرح ولو حصل مرة وجت تغنى ع الشعب هتاكلهم فى كلمتين ولو فيه شوية عيال اتظاهروا وعملوا دوشة ممكن تطلعغهم تهديهم ببصة واحدة...السؤال بقى ليييييييييييه احنا منسفيدش من التجربة ونعممها؟

يعنى هو من العدل انى ابقى قاعد عاطل ع القهوة ويطلعلى حد فى التلفزيون زى محمود محى الدين يقطم فيا؟...يعنى لو فيه موزتين تلاتة فى الوزارة زى دى ياخدوا بخاطر الشباب الغلبان اللى مالى البلد هيجرى حاجة؟...يعنى هو كله ضرب ضرب ...مفيش كلمتين حلوين؟

ملحوظة على قد حالها/فى الفترة الاخيرة ظهر سائقات اناث للتكاتك مما يدل على ان عندهم استعداد لانهم يغيروا البلد وحالها وقد صار التعامل فيما بينهم وبين الزبائن بالدباديب ...اللى رايح من هنا للجامع يدفع دبدوب صغير واللى رايح من هنا لاخر الشارع يدع دبدوب ابيض م الكبير وقد لوحظ الاقبال الجماهيرى الكبير على التكاتك ووقف حال وسائل المواصلات الاخرى...






هناك تعليقان (2):

غير معرف يقول...

Allah yehdeeeeeeeeeeeek
Ya rab ehdi Mohamed Eltamemy Abd el Haq...
Ya rab nawer darbah, ya rab eb3ed 3anho afkar el habal de :P

Ya rab nawer el lamba elli shayelha fe dma3'o ... Ya rab 3'ayarlo el lamba kollaha a7san. :P

PS so3'ayara kida : Aslan aslan ya3ni el bent elli fel soora 7atta 3adasat , ya3ni jamalha mish asli abadaaaaaaan!

PS tania: ye5reb beet el status  elli 3al FB ya a5i elli bet7otaha de!

D:

حلم بيعافر يقول...

لما ابقى اقولك انى عامل البلوج ده مخصوص عشان ابقى صدقينى


الموزة حلوة ماليش دعوة بقى صناعى ولا مش صناعى ...غيرانة منها صح؟

والحالة بتاعة الفيس بوك حالة عشان الدنيا حر بس

ربنا يجبر بخاطرك وميقطعلكيش عادة قادر ياكريم