الجمعة، 13 أغسطس 2010

أول ما قال جبريل....




أول ما قال جبريل عند النبى
(اقرأ)
واتوالى بالتنزيل
فجر الهدى شقشق
وحراء شهيد ع النور
يا اهل الضلال والزور
مين من ياسين اصدق؟!
معجزته(بسم الله)
(واجنحوا للسلم)
معجزته كانت حلم
والشوق لتحقيقه
خلى الحجر ينطق
قبله المسيح النبى
قرا وحيه واتنبأ
جاى الخلاص يابشر
بعد الضلال والغى
من ليل لليل اغمق
جاى الخلاص يابشر
يا من عشقته
اعشق
وامشى ف طريقه
عب الايمان نفحات
واثبت على المبدأ
أول ما قال جبريل عند النبى
(اقرأ)
قرأ النبى الامى
يامعجزة تمى
واحيى القلوب العَمى
غمى الشيطان غمى
مدى الايدين للناس
أول ما قال جبريل عند النبى
(اقرأ)
نزل المطر فيضان
يغسل بطون الارض
يسقى زمن عطشان
يطرح جناين ورد
يكفى عطش يانبى
منتاش بخيل
اسقينى حب النهاردة
وشفاعة يوم العرض

هووووووو مفيش غير دى كل رمضان....هاااااااه حد مش عاجبه؟
ليها تكملة على فكرة بس محدش بياكلها بالساهل اتبرع ولو بجنيه عشان التكملة

هناك 9 تعليقات:

P A S H A يقول...

وهي دي شوية يا رااااااااااااجل ؟؟

والله تحفة بجد

:)

تســلم إيدك .. وربنا يبارك فيك


كل سنة وأنت طيب وبألف خير وصحة وسعادة إن شاء الله

رمضان كريم

۩

sweet angel يقول...

كل سنة وحضرتك بألف خير
رمضان كريم

فتاه من الصعيد يقول...

عليه الصلاه والسلام

رمضان كريم :)

ليس فقيرا من يحب يقول...

حلوووووووووووة قوووووووى

يا تميمى بجد

واهى برده ماشيه مع اجواء رمضان

كل سنه وانت طيب

رمضان كريييييم

ساسو يقول...

كل سنه وانت بخير
رمضان كريم

غير معرف يقول...

Besm Allah masha2allah..
Allahoma sally 3la sayedna Mohamed...

Jameela bgd...
Motamayez dayman :)


ana m3 el ta3lee2 Num one too :)

Ramadan karim .. w koll sana wenta tayeb wenta ela Allah aqrab, ISA..

This is Rana :)

حلم بيعافر يقول...

رمضااااااان كريييييييييييييييم

كل سنة وانتم طيبييييين

ومنورييييييييين واحد واحد وواحدة واحدة

still-searching يقول...

جميلة اوي اوي اوي اوي

كل سنة وانت طيب
رمضان كريم :)

حلم بيعافر يقول...

still searching


شكرررررررررررررررا


منورة وكل سنة وانت بالصحة والسلامة