الاثنين، 23 أغسطس، 2010

يالهووووووووووووووووووى....

الهى ما عاد يطلعلك فيها ولا شعراية يابعيد


كنست عليكو السيدة والحسين وكل الشوارع اللى فيها ريحة اى حد من اولياء الله الصالحين.الهى يا بعدا ينكد عليكو زى ما نكدتوا علينا فى الشهر الفضيل ده.الهى ياحازم يا امام يابتاع الشباب فى دماغهم ايه دللوقتى شعرك يتملى قشرة ومينفع معاك لا هيداندشولدرز ولا فيانسيه 2فى واحد.

يعنى محمد ابو العلا يا جدعان يفضل فى الزمالك فوق العشر سنين مالعبش لعبة عليها الطلا ولما يلعب قصادنا يجيب فينا فى كل ماتش جون؟!!!....ليه كده ؟!!..ده حتى الاقرع اللى واقفلنا ع الخط يتنطط لما راح المصرى من عندنا عمل كده برضه وقال بيحب جماهير الزمالك قال...حمحاذاة إلى الوسطب ايه اللى انت جاى تقول عليه مش ناقص غير بشير التابعى ومحمود محمود ووائل القبانى يجيبوا فينا اجوان هما كمان وتبقى فضيحتنا مرررررررة يالهوووووووووووووى...

حسام حسن كده برغم حبه الشديد لشغله الا ان فاشل ومن الحب ماقتل .السنة اللى فاتت معملش حاجة والدور التانى عادى جدا لان دى طبيعة الزمالك كل سنة بيفوق فى الدور التانى وقبل كده عملها مع احمد رفعت واهو بياخد ربع مرتب حسام حسن اللى برضه خسر الكاس بعد ما عشمنا كلنا بيه السنة اللى فاتت لذا انصح بعدم تعليق اى امل على احد من لاعيبى او مدربى نادى الزمالك لانهم بالبلدى كده نحس ...

حسام حسن مبيفكرش صح على الاطلاق...صمم انه يجيب عصام الحضرى ووافقه مجلس الادارة اللى مفيهوش حد بيفهم فى الادارة ولا بيفهم فى اى حاجة عشان يجيبوا حارس مرمى منتهى الصلاحية وكان بيعيط فى كل حتة من يومين عشان يرجع الاهلى ومحدش عبره والزمالك اصلا عنده احسن حارس مرمى فى مصر اللى هو عبدالواحد السيد وعليه فالسنة الجاية ان شاء الله عبدالواحد فى الاهلى وهيكون حارس مرمى منخب مصر الاول ويبقى يشبع حسام حسن بعجوز بيكحكح واقفله فى الجون وخاربها...ويبدو اصلا ان اهم سمة فى اختيار القادمين للقلعة البيضا هى العجز وكبر السن لانه مكر نفس موضوع الحضرى مع محمد يونس وبصراحة بقت حاجة تقرف

وفنيا حسام حسن مهوووووش املة ولا حاجة ومهوووووووش عبقرى ولا نيلة وقبل كده هبط بالاتصالات درجة تانية وكل ما يتغلب يشيل الليلة للحكام كان الدنيا كلها جاية عليه والعجيب هو موقف ممجلس الاداترة من ادارته للفريق والاعجب هو موقف الجمهور منه وتشجيعهم ليه مع كل هزيمة...طب ما امسك انا الفريق وخلاص طالما بنحب نتغلب وبنشجع المغلوب دايما كده!!!!

المستفز فى الموضوع هو كم الفلوس اللى مدفوعة فى اللاعيبة-فلوس بالهبلللللللللل-اللى فقعوا مرارتنا ومرارة كل واحد عنده دم.شيكابلا بياخد مليون يورو فى السنة؟...ليييييييييييييييه؟!!!وابوكونيه مدفوع فيه بالاخضر؟!!!والحضررررررى المصفة بكام مليون ومدفوعله غرامة بالدولار؟!!...ايه ذكاء الناس اللى بتشترى بالفلوس دى كلها دى؟!!..ما كانوا يسيبوا شيكابلا يغور فى داهية وكانوا هيستفيدوا من تمنه ...لازم يعنى يقعد ينغص فينا ؟!!داحنا استوينا ياعالم وكاننا موعودين بالنوعية دى ...الله يرحم جمال حمزة ووليد عبداللطيف واخوانهم...داااااااايما عندن متعهدين رسميين فى الزمالك بتصدير السكر والضغط والشلل.

وتدلهم الامور طبعا وتزداد سوادا بمجلس ادارة -اللهم انى صايم -كل اعضاؤه لامؤاخذة (لك الحرية فى تفسير الكلمة على هواك)....مفيش قضية كسبها نادى الزمالك فى عهد هذا المجلس ومفيش وراهم غير الكلام....القضية تبقى 1+1=2ويخرج حد اهلاوى ويقول لاء بتساوى 3وهما يرضوا ويبصموا ع العشرة انها فعلا بتساوى 3وطبعا بيبتسموا وهما بيبدوا اقتناعهم التام او بيولولوا ويصرخوا ويقولوا مظلومين.

ست سنين ياظلمة والسابعة بدات وهلت الوكسات كالعادة وبرررررضه مفيش فايدة...ست سنين ياممدوح ياعباس يابوكرش....ست سنين ياحازم يا امام يابتاع (كوية اكتى فى كويا واليابان) ست سنين يا جمال ياعبدالحمد يابتاع المعلق هو( السبب فى هزيمة الزمالك النهارده)
ست سنين ياكل مدربى واداريى الزمالك اللى خربوها.ست سنين ياكل لاعب ملوش فيها لبس فانلة الزمالك.....منكو للله ينتقم منكو ربنا...قادر ياكريم....خد من قلبى وصُر...

هناك 6 تعليقات:

قلــ"بـــلال"ــــــب فارس يقول...

هههههههههههههههه
زملكاوى
ربنا معاكم ياجماهير القلعه البيضاء

راجية الرحمه يقول...

مش بفهم فى الكوره بس اللى فهمته ان الزمالك كالعاده خسرت !
و انا اصلا متعقده من الزمالك و من الزملكاويه
مالها الفلنه الحمرا ؟
ده كفايه بس ان لونها احمر !

ليس فقيرا من يحب يقول...

اهىء اهىء اهىء

كفااااااااااااااااااااااايه

انا اتعصبت اصلا

قطيعه تقطع الكورة على اللى بيشجعوها على الكل كليله

ومعنتش هاسمع ماتشات تانى هه

حلم بيعافر يقول...

سعيكم مشكور

غير معرف يقول...

5alli 3andak amal, ena al Nasr Qadem Insha2allah

enaho qareeeeeb Tamaman Zay eqterab Nasr w este2lal Falastine, 3adi ya3ni, shaklo ma ra7 yetawel :)

la lel Ahli , la lel A7mar
Na3am lal Abyad, Abyad For ever

Falastinia w bashaja3 el Zamalek, ana 5ayfa el masryeen yotrodooni barra hall2, Salaaaaaaam

D:

حلم بيعافر يقول...

la lel Ahli , la lel A7mar
Na3am lal Abyad, Abyad For ever

ايوه هو كده بالظبط