الأحد، 15 أغسطس 2010

بحبها ايووووه بجبها....فيه مانع؟




خلاص؟!...لسه ياحبيبتى هستنى لبكرة؟!...مش هقدر...حرام عليكى...طب انا ذنبى ايه بس؟!...انت كده بتعذبينى دانا وقفت قدام العيلة كلها عشان خاطرك وزعلتهم كلهم ومخليتش حد يقرب منك ولا يجيب سيرتك دانا كنت عامل زى كينج كونج اول ما حد يفكر ينطق اسمك بس دانا طول النهار بحلم بيكى وفاكرك علطول ومبتغيبيش عن بالى هو الحب ايه غير كده؟!!!

مش الحب برضه ان الواحد يفضل يفكر فى اللى بيحبه طول الوقت؟...مش الحب برضه تضحية؟...انا حرمت نفسى من انى اتفرج على ماتش الزمالك وبتروجت ع القهوة عشان اقدر اقرب منك شوية وحرمت نفسى من حاجات تانية مفيش داعى اقولها عشان متحسيش انى بعايرك ولا حاجة بس انت برضه ياحبيبتى معملتيش اى حاجة تدل على انك عايزانى ومتمسكة بيا ...

ياسلام عليكى تبعدى عنى فى ثانية؟!...على فكرة بقى انا سمعت الشيخ محمد حسان كان بيتكلم عن حالة تشبه حالتنا دى وقال انه ينفع...والله العظيم قال انه ينفع....ايه انت مش مصدقانى ليه؟!!...طالما انه كان ينفع ومش حرام بعدتى عنى ليه؟...دانا كنت بحبك لله فى لله مش عشان مصلحة وكنت مستعد اعمل اللى يريحك ...طب انت شوفتينى مرة زعلتك؟...

بصراحة بقى كل ما اكلم حد عننا يقول عليكى محفظتيش العهد ومتستاهليش انى افكر فيكى او اشغل نفسى بيكى ثانية ...بس انا بقولهم لاء حبيبتى محدش يغلط فيها احسن ما اخنفه يقوموا يسكتوا علطول...بيشوفوا مدى حبى ليكى باصعب عليهم ودمعتهم بتفر من عنيهم عشانى وعشانك وعشان الدنيا الظالمة اللى فرقت بينا يااااااااارب نتجمع على خير تانى...

بعض المغرضين بيقولوا انى بحبك بس عشان المتعة الحسية اللى بحسها معاكى وبيقولوا انى معنديش دم وانى بفضل ماسكك بين ايدى الاتنين ووعيني مركزة فى مناطق معينة وعمال امصمص فيكى بس انا بكبسهم وبقولهم انتو مالكو؟؟...اللى غيران منا يقلدنا هما مالهم بينا يعنى صحيح؟!!ما كل واحد يخليه فى حاله ايه الغتاتة دى؟!!!

على فكرة ياحبيبتى عشان تعرفى انى فاكرك ان كتبتلك شعر فيكى...ايه؟...مكسوفة...لا لا لا متتكسفيش ياحبيبتى الشعر اصلا لو متكتبش فيكى يبقى ملوش لازمة ولا عاد يلزمنى بربع جنيه دانت الملهمة والهدف الاسمى والطريق ليكى لازم يتفرش بالورود والقوافى ...اسمعى بقى سمعتى الرعد فى ودانك....

ولقد ذكرتك والحرارة اربعين
والعطش يحرق فى عروقى
وانا امنى النفس لو ترجعين
فيعود للدنيا شروقى



اهداء الى كباية عصير جوافة ملحقتش اشربها ع السحور


هناك 19 تعليقًا:

قلم رصاص يقول...

ههههههههههههههه

طيب ياخويا

الجوافه دي منين بقىىىىىىى؟
اوعى تكون بتسهينا واحنا مش واخدين بالنا والغفر والجنايني نايمين وتتجول في الحديقه؟
هههههههههههههههه

كل سنه وانت طيب

راجية الرحمه يقول...

الحب لوحده مش كفايه لازم برضه تتأكد من الاصل
شوف الجوافه من مزارع ايه
لاتكون غرقانه فى الكيماوى

мαησηα يقول...

هههههههههههههههههههههههههههههههههههههههههههههههههه

ده انت هتضررررررب هههههههههههههههههههه

ماشى ماشى ده مقلب تعمله فيا ههههههه

وع راى قلم رصاص الجوافة دى منين بقىىىىىىىىىىىىىىى ؟ هه

لا بس والله جامد وضحكتنى اوى وانت بتقولها واتنازلت عن حاجات تانية كتير بس انا مش عايز اقول علشان ماحسش انى بعايرك

يا نهار اسوح بجد هلكتنى من الضحك تسلم الايادى يا تميمى

دمت لسه بتعافر واوعاك ف يوم تستسلم

Silver Eyes يقول...

هههههههههههههههههههههههه
والله انا بشكرك جدا على الضحك دا
بجد مش ممكن


اول مرة اجى هنا
كل سنة وانت طيب
تحياتى :)

ليس فقيرا من يحب يقول...

هههههههههههههههههههههههههه

ايه ده

بتعاكس فى كوبايه الجوافه كل ده

وانا اللى صدقت هههههههههههههههههههههههههههههه

انت غريب الاطوار يا اخى

هههههههههههههههه

بوست زى السكر

still-searching يقول...

ههههههههههههههههههههههههه
عشان بعد كده تلحق نفسك وتشربها بسرعة
مش لازم تتغزل فيها الأول :D

فتاه من الصعيد يقول...

ههههههههههه

وليه موش شفت الماتش بسببها :))

ربنا معاك ده حب صعيب :)

تحياتي

حلم بيعافر يقول...

قلم رصاص


ياعم الجوافة بتاعتكو لسه مطلعتش


اطمن

متقولش قدامى كلمة حيقة تانى متعقدنيش وتفكرنى برابعة ابتدائى

اصلى كنت مضطهد فى الفصل

كل سنة وانت بالف صحة وسلامة يا زعيم

حلم بيعافر يقول...

راجية الرحمة

حاضر يافندم

كل سنة وانت طيبة

حلم بيعافر يقول...

manona

انت بتهددينى يعنى عشان واصلة؟

ما كفاية ضرب بقى

والله لو مبطلتى تهددينى بانك واصلة كده لاكنس عليكى الحسين والسيدة

انت حرة انا سرى باتع

كل سنة وانت طيبة

حلم بيعافر يقول...

Silver Eyes

نورتى وشرفتى

كل سنة وانت طيبة

حلم بيعافر يقول...

ليس فقيرا من يحب


بسس تستاهل

ولا انت ايه رايك

نورتى وكل سنة وانت طيبة

حلم بيعافر يقول...

still-searching

هحاااااااااااول

نورتى وشرفتى

كل سنة وانت طيبة

حلم بيعافر يقول...

فتاة من الصعيد


عشان كنت بشتريها

نورتى وكل سنة وانت طيبة

Borsa يقول...

منتدى الفوركس -
منتديات فوركس -
منتدى فوركس -
منتديات الفوركس -
اخبار الرياضة
البورصة المصرية مباشر -
مباشر البورصة المصرية اليوم -
موقع البورصة المصرية مباشر -
مباشر البورصة المصرية -
اخبار مباشر البورصة -
مباشر البورصة -
مباشر للأسهم -
مباشر
forex -
forex forum -
البورصة المصرية -
بورصة -
البورصة -
العاب بنات

حنان الشافعي يقول...

هههههههههههههههههههههههههههه


حلوه حلوه يعني
وصح كمان

غير معرف يقول...

Mohamed El Tamemy Bye7eb el Jawafa wel Jawafa bet7ebbo...


(:

حلم بيعافر يقول...

حنان الشافعى

اى خدمة

نورتينى

حلم بيعافر يقول...

غير معروف اللى انا عارفه

وهى الجوافة هتلاقى زيى فين عشان تحبه؟


نورتى