الخميس، 9 سبتمبر، 2010

من النهاردة مفيش عيدية....انا العيدية

مزورة يامفتح متبرقش قوى كده


ان ما يحاك فى النور والظلام من مؤامرات ضد محفظتى الغالية بات امرا واضحا جليا .فى اخر الزمان اصبحت المؤامرات معلنة تحت ضوء الشمس فى وضح النهار غير خجلى .وللعلم يجب على الجميع ان يعرف اننى مستعد ان ادافع عن محفظتى حتى اخر رجل تختة وحتى اخر خرزانة -من بتاعة زمان اللى بتلسع-لان كرامة محفظتى من كرامتى ولايصح ولايجوز ان يتبعثر مابداخلها من اوراق نقدية جاءت بالغلى والكوى هكذا من اجل العيديات ...

وانى لارى ولاد المحظوظة عيال هذه الايام واتحسر على ايامى التى قد ولت وتحولت فيها من مدفوع له الى دافع .ومبلغ الحسرة فى نفسى اننى كنت فى زمن استعبط فيه الكبار على الصغار وكانت العيديات لاتتعدى الجنيه الواحد فى اغلب الاحيان بينما الان اقل عيدية تبدا من عشرة جنيهات فتجد الشقى من هؤلاء قد انتفخت محفظته الجلدية التى اشتراها صبيحة يوم العيد وكادت ان تنفجر من ظلمه وعتوه وطمعه ...لابد لكل طفل ان يحمل شوالا كمحفظة احتياطية.

ومن ناحية اخرى على الجميع الالتزام بالادب اثناء تهنئتى بعيد الفطر المبارك وارجو من الجميع تقدير معاناتى التى ساتكبدها جراء قرارى بالظهور هذه المرة جهارا نهار تحت اعين ومسامع العامة والخاصة.اعرف ان الجيش ووزارتى الداخلية والخارجية قد احتاطوا واتخذوا اجراءاتهم المشددة ولكن التنويه كان لازما حتى لا يتعلل من يخالف بانه لم يعرف واؤكد لكم انه لن يكون هناك ثمة ذرة من تهاون تجاه من يقصر ويرتكب اقل مخالفة...

مختصر الكلام واسمع واحفظ يامواطن محافظة منك على قفاك...من النهاردة مفيش عيدية ....انا العيدية...وقد يحدث لاى كهل مزنوق فى قرشين ان يتمنى على الله ان يعيده طفلا طيلة ايام العيد ليتكمن من لم قرشين مزنوق فيهم فينعم الله عليه بتحقيق ما تمنى ويبدا فى هبر العيديات الى ان يصل به حظه التعس العاثر بين يدى فتكون وقعته سودة منيلة بستين نيلة لاننى ساعتها لن ارحم احد وساقول ساعتها بصوت شرير وضحكة مزعجة كضحكة شيكو مدريد اننى قد بلغت وشهد من شهد.


ملاحظة مهمة جدا/ساقبل الهدايا مرحبا ولن احرم احد من هذا الشرف الرفيع.

هناك 14 تعليقًا:

yasmina يقول...

هااااااااااااى
ازى حضرتك بئالى كتيييييييييير
مش اول تعليق
فبجد سعيدة اوى انى اول تعليق هنا فى المدنة الجميلة دى

كل سنة وحضرتك طيب
وعيد سعيد
والمرة الجاية اول تعليق هيبقى باحتلااااااااال
هههههههههه

تحياتى

د/عرفه يقول...

متحاولش تهرب

لازم ناخد منك العيدية



وكل سنة وانت طيب يا ابو حميد

sweet angel يقول...

كل سنه وحضرتك بألف خير

هههههههههههه ايه الحقد الطبقى ده
ماهو على ايامكم كان الجنيه ليه قيمه

وبعد كل ده
مش هتنازل عن العيديه بردو

د. ياسر عمر عبد الفتاح يقول...

حاسس بيك والله

بس أنا شكلي هعمل عبيط
الأزمة العالمية مأثرة عليا
وإنت عارف فلوسي كلها في السوق
ومش معايا سيولة نقدية

(حدش معاه عشرة جنيه سلف؟)

كل سنة وانت طيب

ليس فقيرا من يحب يقول...

ههههههههههههههههههههههههه

ياباااااااااى عليك يا جشع انت

كل سنه وانت طيب يا تميمى ومفيش هدايا

وهتجيب العيديه غصم عنك هه

قلم رصااااااااااااااااااص يقول...

العب غيرها ياحبيبي

ادفع بالتي هي أحسن

والا هتلاقي عدد اتنين مخبر تحت البيت هياخدوك مشوار صغير للقسم تتوضب وتقب باللي معاك وترجع لخالتي زي مانت كل ما هنالك ان قفاك هيكون اتغريت معالم سطه بفعل عوامل التعريه البيئيه وكل سنه وانت طيب بقىىىىىىىىىىىىى

عيد سعيد عليك وعلى دار خالتي

حلم بيعافر يقول...

yasmina

الله يسلمك يا قوات الاحتلال

كل سنة وانت طيبة

نورتينى

حلم بيعافر يقول...

د/عرفة

اهرب فين

هو انتو حد يهرب منكو برضه؟

نورت يادكتور من بعد غيبة

كل سنة وانت طيب

حلم بيعافر يقول...

sweet angel

انت منهم؟

ومعاكى كام دللوقتى؟

عشرتلاف جنيه ؟

دانتوا جيل طماااااااااااع

كل سنة وانت طيبة

نورتينى

حلم بيعافر يقول...

د/ياسر عبدالفتاح

حبييييييييييييييبى الوحيد اللى حاسس

نورتنى والله يادكتور

حلم بيعافر يقول...

ليس فقيرا من يحب

سلم واستلم

تجيبيلى مسدس الميه اجيبلك الدبدوب

تجيبيلى حلة محشى اديكى حقك ناشف

اينعم هو عيد بس مناسبة للتبادل التجارى برضك

كل سنة وانت طيبة ونورتيهم

حلم بيعافر يقول...

قلم رصااااااااااص

المفروض انك تبقى عارف اللى فيها

نورت يازعيم

جايدا العزيزي يقول...

هو ده حال الدنيا

كل سنه وانت بخير وصحه وسلامه


تحياتى

حلم بيعافر يقول...

جايدا العزيزى

وانت بالصحة والسلامة

نورتى