الثلاثاء، 19 أكتوبر 2010

يامغلوبين

صور طوابير المعاشات لم تستفز احد..المستفز ان يهزم الاهلى فقط


الهزيمة شىء مر ونحن شعب تعود على الهزائم.

سياسيا نحن بصدد هزيمة كل يوم وتكال لنا الضربات تباعا ونفقد شيئا بعد الاخر فمرة نفقد كثيرا من دورنا التاريخى فى المنطقة ومرة تتقزم قيادتنا السياسية وتضع رأسها برأس محطة تلفزيونية ومرة تضع القيادة السياسية رأسها برأس صحفى وتطارده فى كل مكان وتقصيه من عمل تلو الاخر.

انسانيا نحن شعب مطحون تهدر كرامته كل ثانية سواء فى الداخل او فى الخارج.كل شىء فى مصر له طوابير طويلة ممتدة لاخر الشارع وتستغل المواسم والمناسبات التى من المفترض ان تكون جميلة فى اهانتنا وكرتونة رمضان وقبض المعاشات واشتراكات المصالح الحكومية وطوابير الجمعيات الاستهلاكية وغيرها من الطوابير خير دليل على ذلك.انتهى بنا الامر فى هذه البلد الى فقدنا لجزء مهم من انسانيتنا فصرنا نرى كل شىء مستفز وخبيث رؤية الشىء العادى .

اجتماعيا حدث ولاحرج.عادت مصر لعصر الاقطاعيات واصبحت اتلبلد مملوكة لعصبة من رجال الاعمال ينهبون ف كروشهم كل شىء ولايتركون الناس الا وقد سفوا التراب سفا .

اقتصاديا اصبحنا فى ذيل العالم الذى كنا نقف بجواره من عشرات السنين.نماذج كثيرة كانت تشبهنا فى كل شىء ارتقت وصعدت سلم الاصلاح والاقتصادى ونحن بقينا محلك سر.بقينا لتصريحات السادة الوزراء حول معدلات النمو.

علميا لايخفى على احد مستوى خريجى المدارس والجامعات .ولايخفى على احد عدم اعتراف الدول التى بنى فيها المصريون انظمة التعليم بالشهادات المصرية ولا يخفى على احد عدم وجود جامعة مصرية توحد ربنا وسط قائمة الجامعات الافضل على مستوى العالم فى الوقت الذى تحتل فيه دولة لقيطة لم تكمل قرنا من الزمان مكانا مرموقا فى هذه القائمة.

دينيا اصبحنا مسوخا (من بره هللا هللا ومن جوه يعلم الله).اهم شىء فى حياتنا اللحية والنقاب وملاحقة الكتاب والصحف والسعى وراء اغلاقها بدعوى اهانة الدين .

كل هذه الهزائم مقبولة ومهضومة ومارة مرور الكرام .لم نسمع عن احد تظاهر من اجل تطوير التعليم ولم نسمع عن غضب يسود الشارع المصرى اعتراضا على امعان الحكومة والنظام فى اهانة الناس واهدار كرامتهم ولم نسمع عن احد تضرر من فساد العملية التعليمية.سمعنا فقط عن الغضب الذى سكن صدور المصريين ضد حكم مباراة الاهلى والترجى.غضبنا على حكم اخطأ فى احتساب هدف غير صحيح فى مباراة مدتها دقائق ولم نغضب من حاكم يجثو على صدورنا منذ 29 عماما ويمطرنا باخطاء الدنيا والاخرة.لم نتقبل هزيمة فى مباراة كرة قدم وتقبلنا هزائم نعانى اثارها طوال الوقت....سبحان الله.

هناك 7 تعليقات:

فتاه من الصعيد يقول...

الناس بقيت ماشيه برموت التليفزيون وبرامجه وحسب توجيهات المسئولين

تحياتي

قلم رصاص يقول...

طب ماتبدأ بنفسك يامحمد
جرب كدا وولو نجحت احنا معاك

وبردو تلف لفتك وترجع للأهلي
منك لله
هههههههههههههههه

حلم بيعافر يقول...

فتاة من الصعيد

اخيرا فيه حد فهمنى

نورتى

حلم بيعافر يقول...

قلم رصاص

ابدا بنفسى ازاى يعنى؟

انت شايفنى اهلاوى ماشى ورا كلا علاء صادق ومدحت شلبى وشوشو؟!

ولا شايفنى درويش قاعد قدام القنوات الدينية اكفر فى الناس؟

وبعدينهو اللى حصل مزعلكش؟!

خليك موضوعى يااخى بقى ...حلو اللى بيحصل فى مصر حاليا ده؟....الناس سايبة كل حاجة وماشية ورا الاهلى؟؟

ده لو نص الغضب بتاع الناس ده اتحول لجهة مفيدة كان زماننا حاجة تانية

قلم رصاص يقول...

ماهو عشان كدا انا باقترح على سيادتك تبدأ بنفسك طالما انت موضوعي وانا مش موضوعي

ولما تعمل حاجة كويسه اكيد هابقى وراك

بدل الكلام الكلام الكلام وبس

انت بتطلب من غيرك الفعل وانت عمال تتكلم وبسسسسسسسسس

ماهو عشان انا مش شايفك اهلاوي زي كل الاهلاويه البقر اللي من وجهة نظرك وشايف فيك الامل ، طلبت كدا منك

وليه انت مفترض اني راضي عن الوضع الحالي .. انت تبقى مش بتشوف ولاعمرك دخلت مدونتي بقى او مش عاوز تشوف

ابقي اعقل كلامك قبل ماتتكلم لأنك بتتسرع وبتغلط ومعندكش موقف على فكره

بدلييييييييل انك نزلت قبل كدا بوست تم التأثير عليك وشيلته..صحيح التأثير كان ايجابي ولمصلحتك بس عاوز اوصلك معلومه واحده..انك متسرع وبتغلط ..ودي مش شطاره ..بس

ولاحظ انك بتتطاول علي بدون ماتاخد بالك يامحمد .. وهعديهالك المره دي..وهي الأخيره

سلام

حلم بيعافر يقول...

قلم رصاص

مقدرش اتطاول عليك يابن خالتى ومتاخدش الكلام على نفسك وعيب انك تفهمنى بالطريقة دى....الغلط مش عيب طالما بتعلم منه وطالما بسمع كلام الناس لما يكون صح واكون انا غلط...وبعدين مكنتش عايزنى امسح البوست عشان قفايا يورم؟! ياراجل دانا حلمت امبارح انى اعتقلت واللى مبلغ عنى واحد من عندكوا ههههههه...بس على فكرة فيه ناس شغلتها الكلام وهى شغلة مش عيب عندك مثلا كل الثورات والحروب اللى قامت فى الدنيا اللى اشعلها ناس بكتاباتهم ورغم كده مشاركوش فيها وفيه ناس بتمسك فاس وناس بتمسك قلم وناس بتمسك بندقية وناس عمالة تفرض ضرايب على خلق الله ليل ونهار ههههههههه وبعدين انا ليا مواقف مشرفة جنب الكلام ده بس مبقولش ومايمدح فى نفسه الا ابليس والنظام المصرى ....متزعلش منى ياسيد انت عارف غلاوتك عندى قد ايه بس انت اخدت الكلام على نفسك وانا والله مااقصد كده وبعدين دانت تعتبر من اهم معلمينى ياجدع ولا ناسى؟

اسعار العملات يقول...

مأسااااااااااااه فعلا