الأربعاء، 27 أكتوبر، 2010

بلاش فضايح



الوحل ماله غلى ياخلق ف ايدكم؟!
وماله لطخكم من روسكم لرجليكم؟!
ماخلى واحد بفضل الله نضيف منكم
الوحل فى الارض
مين علاه على روسكم؟!
يا مقطعين بالشتايم عرض بعضيكم
غيتونى
غيتونى ...انتم بتتخانقم وانا مالى؟!
غيتونى حاغرق فى اوحالكم واوحالى
غيتونى وحياة ابوكم وارحموا حالى
ان كان عليكم مكنش يهم الا انتم
حتموتوا يوم كلكم
والوحل يبقالى
بلاش فضايح
وبصوا لروحكو فى مراية
بلاش فضايح
وسدوا الباب وكفاية
بلاش فضايح
صبحتم فى الورى اية
لو صح ماقاله زيد فى عمرو او عكسه
تبقى البلد كلها ماتسوى قشاية

اتكتب فى الاحزاب فى اربعينيات القران الماضى وتنفع للاعلام الرياضى حاليا

هناك 8 تعليقات:

قلم رصاص يقول...

وانا اللي فاكره كلامك
ههههههههههه

بس على كل حال الكلام حلو ياض اوي

اللى موش عارف يتغير يقول...

بلاش فضايح
ههههههه

Anas M.Refa't يقول...

شعر معبر للغاية

وموضوع موفق جدا ...

eng_semsem يقول...

انت زعلان من اللي بيفضحوا بلاوي الناس هو صحيح الصحافه اتغيرت عن زمان وبقى في وجه جديد هتدفع ولا نشتم هتدفع ولا مش هندافع عنك وفي اللي بيكتب عشان يفضل الجرنال شغال ما يتقفلش ويعمل نجوم من لاشئ بس الحقيقه غالبا بتظهر في النهايه والوحل بيفضل على اللي فعلا غرقان فيه
تقبل تحياتي

حلم بيعافر يقول...

قلم رصاص

كلامى كلامهم المهم توصل الفكرة

حلم بيعافر يقول...

اللى موش عارف يتغير

قولهم ياجدع

حلم بيعافر يقول...

انس رفعت

نورت يا بيه

حلم بيعافر يقول...

eng-semsem

وايه اللى يزعلنى؟!

انا بتكلم -او الشعر بيتكلم-عن التجاوزات والبذاءات اللى بقت مالية الاعلام المصرى واظن لو حضرتك متابع هتعرف انا اقصد ايه كويس

نورت ياهندسة