السبت، 18 ديسمبر، 2010

عيييييييييييييييييييييييب




هل هناك رابط ما بينك وبين الملابس الداخلية لشيرين سيف النصر؟
هل هناك علاقة وطيدة بينك وبين رجل(بالتحديد من اول الركبة الى الخصر)منة فضالى؟
هل يربطك شىء بزوجة عصام الحضرى؟
هل وصل بك الشغف بمؤخرة احداهن لدرجة متابعة جميع تحركاتها وتحركات صاحبتها؟

هل هاااااااه ؟....رد

بداية كل واحد حر فى نفسه وفى شكله مالم يتعد حدوده.انت حر مالم تضر.بنفس المنطق الكاره لانتشار النقاب كانتشار النار فى الهشيم فى الشارع المصرى هنقووووووول وهنحكى....

اينعم رجل منة فضالى ملك خاص ليها ولا ينازعها فيها احد-كله بالاوراق والمستندات يامعلم-وكمان مؤخرات جميع الممثلات و(سيدات المجتمع)شابات وعواجيز ملك خاص لهن ولا ينازعهن احد فيما يملكن ...ده توضيح بس عشان بتوع الخصخصة ميزعلوش مننا....انا واحد جموع الشعب اهوه باعترف وباقر انها ملك خاص مش عام ومحبش انها تكون ملك عام بس هما بقى اللى بيخلوها ملك عام وبيفرجوا الناس كلها على اخص خصوصياتهن-نحوى نحوى محدش يفهمنى صح-وبرغم ان الناس بتتفرج الا انها بتحتقر اصحاب المشاهد دى فورااااا....يعنى ماذا سيضيف فخذ منة فضالى او حتى مؤخرتها العارية الى اسمها غير العار؟...ماذا سيضيف منظر الملابس الداخلية لشيرين سيف النصر غير الاستحقاااااااار؟...ماذا سيضيف هز مؤخرة زوجة رجل اعمال اليها غير اللعنات؟....

الحاجات اللى بتتعمل دى يا جدعان تتعمل فى البيوت انتم احرار ان شالله تولعوا فى نفسكوا بجااااااااااااااااااز....ايه الارف اللى انتو فيه ده؟!....انتوا رجعتوا سوق النخاسة تانى؟!...اجسامكو بقت بضاعة خلاص؟!...واكياس الجوافة اللى اسمهم اجوازكو معندهمش دم؟!....مع انى بحب اتفرج هع هع هع الا انه برضه ميصحش عيييييييييييب...

ارجع واقول ان كل بلاوى مصر 2010 تبث بذورها من الاعلام المصرى...كل واحد ينافق يبقى كاتب كبير...كل لاعب يجيب جون يبقى نجم....كل واحد يكتب صفحتين تلاتة يبقى مثقف....وكل واحدة تقللللللللع تبقى فنانة والنتيجة مجتمع معطووووووب وفى الاخر فى نفس الاعلام بيتم انتقاد الناس نفسهم وبنطلع شعب مالوش لازمة....يللا كل حى منه لله بقى.

لزم التذكير ...

الفن هو موهبة ابداع....ابدااااااااااااع يعنى حاجة جديدة فى صورة راقية يعنى الست اللى بتفرجنا على جسمها دى مش فنانة لان ام احمد بتاعة العصافرة بتقلع برضه ومحدش بيقول عليها فنانة ولاحاجة مع ان البضاعة عندها ممكن تكون احسن من البضاعة المعروضة اليومين دول فى الاعلام المصرى...

المثقف تقريبا كده والله اعلم هو ضمير الناس مش كيس جوافة والدين والاخلاق مكون رئيس من مكونات اى ثقافة فى اى مكان يعنى نافورة الالقاب اللى شغالة ومغرقة كل من هب ودب دى فى الفااااااااااااااااضى...

سيدة مجتمع...اى واحدة محافظة على شرفها تبقى سيدة مجتمع وغير كده تبقى عايزة تتتتتتتتتلم (معلهش الدنيا برد)....

عيد ميلاد-فرح-خظوبة-اى مناسبة حلوة غاااااااااااالبا بيكون المقصود منها ان الناس تتلم وتفرح وتشوف بعضها من غير مايقلعوا هدومهم طبعا...

الصحافة والتلفزيون اوعى علييهم من يوم ماكان الجرنال باربعين قرش وكان التلفزيون عبارة عن الاولى والتانية والقنوات المحلية وكانوا بيناقشوا هموم الناس مش هدومهم الداخلية.

اليوم السابع كانت صحيفة بتتابع الاحداث فى مصر بشكل واسع جدا وبتغطى كل حاجة ومؤخرا اضيف اليها باب عبارة عن صور حفلات المشاهير المفروض يتكتب عليه للكباااااار فقط

واخيرا

ربنا ع الاهلاوى والقالع والمفترى وابن الحرام



هناك 4 تعليقات:

المصوراتي يقول...

لا تعليق .. بوست غير مفيد

كنت فاكر انك حتوصل رساله لها هدف

لكن .. غفر الله لي و لك

ضيعنا وقتنا علي الفاضي

فتاه من الصعيد يقول...

:)

ربنا كبير

بس عادي الناس حرانه وطلعت من هدومها:)

تحياتي

حلم بيعافر يقول...

المصوراتى

ربنا يهدينى ياااااااااااااسيدى

نورت

حلم بيعافر يقول...

ربنا كبير فعلاااااااا

نورتى