الأربعاء، 23 مارس، 2011

إذا ساد الجهل حكمت الأساطير



إذا ساد الجهل حكمت الأساطير وما ابشعه من حكم لم نكد نتخلص منه حتى تجدد فى صور وأشكال أخرى لا لشىء إلا لاستمرار تغلغل الجهل فى نسيج المجتمع المصرى الامر الذى صرخ فى وجهه الكثير من مفكرى مصر اذكر منهم على سبيل المثال يحيى حقى الذى قارب على اللطم وشق الهدوم فى قنديل أم هاشم.

المواطن المصرى كسول لدرجة تصيب اى مدقق فى احواله بالجنون فهو ساكن كالماء مستعد لاستضافة اى صورة على وجهه دون مناقشة.عندنا فى الانتخابات شىء اسمه التربيطات وتكون بالاسبقية وعندنا مثل يقول( اللى سبق اكل النبق).

يعنى الاشاعات بتاعة الكنتاكى وال50يورو ايه سر انتشارها بسرعة فى حينها بين قطاع كبير من الناس؟....انها وصلتهم الاول وقبل ما يوضح الثوار موقفهم والعكس كان بالعكس اذا كان طلع حد وضح الموقف صح.

عايزين نقول ايه باختصار لان الوقت مش وقت كلام؟...

التحدى الاكبر قدام الثورة حاليا هو تفنيد الاساطير اللى وجهت الناس فى الاستفتاء فى اتجاه التصويت بنعم الاتجاه اللى كان ضد رغبة معظم الثوار اكيد

ايه هى الاساطير دى اللى بدات تحكم الشارع؟...

كل الناس عارفاها وبترددها ومش هنجيب جديد يعنى

الاستقرار والفوضى

الاقتصاد بيقع

المسيحين عايزين يلغوا الاحتكام للشريعة فى الدستور..

المطلوب طبعا هو النزول للشارع بكثافة الفترة الجاية وتفنيد الاساطير دى قدام الناس حرف حرف بالتفصيل المملللللللللل

لو حد عنده اقتراح تانى للتخلص من براثن المعضلة اللى وقعنا فيها دى يقووووووووول

حكاية من زمان
قال عمر الورّاق:‏ ‏رأيتُ كلثوم بن عمرو العتّابي الشاعر يأكل خبزاً على الطريق بباب الشام. فقلت له:‏ ويحك! أما تستحي من الناس؟‏ ‏ فقال:‏ ‏ أرأيت لو كنا في مكان فيه بقر، أكنت تحتشم أن تأكل والبقر يراك؟‏ ‏ فقلت: لا.‏ ‏ فقال:‏ ‏ فاصبر حتى أريكَ أن هؤلاء الناس بقر.‏ ثم قام فوعظ وقصّ ودعا حتى كثر الزحام عليه، فقال لهم:‏ ‏ رُوي لنا من غير وجه أنه من بَلَغَ لسانُه أرنبةَ أنفه لم يدخل النار!‏ ‏ فما بقى أحد منهم إلا أخرج لسانه نحو أرنبة أنفه ليرى هل يبلغها أولاً. فلما تفرقوا قال لي العتابي:‏ ‏ ألم أخبرك أنهم بقر؟‏ من كتاب "فوات الوفيات" لابن شاكر الكتبي.

هناك 12 تعليقًا:

غير معرف يقول...

مفيش فايده في الصور اللي بتحطها دي..
يا ابني ارحم الناس و خليهم يسمعوا منك و يفهموا الكلام, كله رعب رعب.. إيه ده؟
D:

أنا مختلفه معاك
قبل الثوره كنا بنحكي ان الشعوب كسوله و خامله و مخدره من الحشيش و السلبيات اللي وصلتنا من الغرب و بقينا بنصدرها ليه كمان!
لكن حالياً لا.. ده مش كسل يا صديقي، ده خيبة امل!
لما الشعب يثور و يصرخ و يبكي و يتظاهر و يستشهد و ينتظر.. و ينتظر..
يحصل تغيير يوصله لأبعد سما.. يفرح و يرقص و يبكي من الفرحه و يبوس تراب الوطن..
و اذ فجاه، يكتشف ان اللعبه قذره جدا.. و ان حتي لو في علما و مفكرين سياسيين و ثقافيين روحهم فدا الوطن، بيلاقي مقابلهم الف واحد باع، و مستعد يبيع و يشتري في حدود مصلحته بس طول العمر!

بعد الثوره في مصر، قالوا ان الجيش هو القائد فيها و هو اللي هيكون المسؤول الوحيد عما يجري فيها.. دي نقطه جميله لان كلنا عارفين ان الجيش المصري قوي و رائع أيضاً.
بدات الخلافات بشان تغيير الدستور و حل مجلس الشعب، و خلافات و خلافات..
مشاكل جديده، مظاهرات للمسيحيين، و مظاهرات للمسلمين، و حديثاً مظاهرات لرجال الشرطه بيطالبوا بزيادة رواتبهم و تحسين مستوي معيشتهم..
بس هل يوجد رد قاطع جاد و سريع في خضم هذه الاحداث؟ لا!
و الاستفتاء اللي حصل نتيجته منطقيه جداً، الاغلبيه نعم.. و ليه لا؟! اللي قدر يشيل مبارك و يخليه يتنحي عن الحكم ، هيقدر يرفض تاني و يشيل اي حد في اي وقت بإذن الله..

و بعدين ازاي الشعب كسول و انت الشعب؟؟؟ :)


عجبتني "تفنيد الاسطوره" :)
و القصه الاخيره ضحكتني جداً و عجبتني كمان..
شوفلك حل بقا في الصور بتاعتك و انظر للكون بصوره ايجابيه اكتر يا تميمي

هبقا أقولك تحليلي السياسي لمصر و لما يحدث في فلسطين حاليا بعدين.. بشكل مفصل اكتر..

فلسطينيه.. 

Noha Saleh يقول...

عارف ايه المشكلة
المشكلة ان محدش بيسمع كلام عقله ومحدش بيعرف يبقى عنده رأى لوحده
كل واحد ماشى ورا فئة معينة ولو فى فئة تانية اقنعته هيسيب دول ويمشى وراهم
ده غير بقى اللى بيدور على مصالحه الشخصية

غير معرف يقول...

تدوينه جميله احييك عليها
بس لاحظ حضرتك ان

النبأ مش بالقاف (النبق)

...........
مروه السعيد

Amwaj يقول...

الله المستعان :)

فتاه من الصعيد يقول...

السلام عليكم

انا عارفه اني مقصره معاك في التعليق والمتابعه الفتره اللي فاتت ولكن ده كان لظروف :)

عندي بوست وطلب مهم ارجو المساعده فيه :)

http://mal2atlhash3noan.blogspot.com/2011/03/blog-post_24.html

حلم بيعافر يقول...

غير معروف

(المواطن المصرى كسول لدرجة تصيب اى مدقق فى احواله بالجنون فهو ساكن كالماء مستعد لاستضافة اى صورة على وجهه دون مناقشة)
مانا بقول اهوه مستعد يستضيف اى فكر بس عايز ملهم...صحيح الشعب الهم العالم فى الثورة بس لما هنرجع للوضع الطبيعهى يبقى هو محتاج الملهم والموجه وده اللى انا بقصده
ثم ان كل الناس مكنوش مع الثورة بسبب التشويش اللى كان حاصل وعدم الالمام بالحقيقة كاملة وده ممكن تسميه حضرتك جهل والجاهل اللى مبيدورش ع الحقيقة كسول)))
نعم كانت منطقية لو الناس كلها فكرت قبل ماتحط صوتها...الى حصل ان الغالبية العظمى من المصوتين بنعم اخدوها من على المنابر وكانهم معندهمش حاجة اسمها عقل
انا كان نفسى الناس تفكر وتستخدم عقلها لان الامتناع عن استخدام هبات الله ده اسمه ..... سميه انت بقى
واخيرا عايز اقول لحضرتك انى مش متشائم وانى بانظر للدنيا بايجابية ومش معنى انى شايف الصورة بكل تفاصيلها انى متشائم
هو ممكن تقولى على صقر انه احول عشان نظره قوى وشايف كل حاجة؟))
ولولا هذه النظرة ما كان لمصر ان تتغير

نورتى يافلسطينية

حلم بيعافر يقول...

نهى صالح

مفيش حاجة ممكن الناس تجمع عليها

اهم حاجة كله يستخدم عقله ويراعى ضميره قبل اى حاجة

نورتى

حلم بيعافر يقول...

مروة السيد

المهم القصد وصل)))

نورتى

حلم بيعافر يقول...

امواج


يااااااااااااارب


نورتى

حلم بيعافر يقول...

فتاة من الصعيد

متقلقيش كل الناس شغالة ع البيان ده وانا وقعت وبجمع توقيعات اهوه


نورتى

ندا منير يقول...

حاليا اعتقد اغلب الناس بقى فيها حماس عالى جدا

بالنسبة للاساطير دى فاكيد مش سهل القضاء عليها

لان الشائعات بتنتشر اسرع من سرع الضوء
وفجاة تلاقى الناس بتحكى عنها وتتنقل باشكال مختفلة

والاعلام بيلعب دول كبير جدا فى نقلها ولحد انهاردة للاسف برده مازل بعض القنوات مضللة للشعب وتساعد على ترويج الشائعات

حلم بيعافر يقول...

ندا منير

كله بيبان بس مع شوية عقل

نورتى