الخميس، 28 أبريل، 2011

صنع فى ظلامستان

قاطعوا منتجات الظلاميين

كان ياما كان فى سالف العصر والاوان...كان فيه رئيس وشعب حبيس...واحد جننه سلطانه وجموع باتت على القهر سواها الجوع...والدنيا مصالح..وقف العالم يتفرج واترسم هذا السلطان كحكيم للحكما واتوسم الشعب بقلة وعى...واتكتب النعى...قد خارت منه قواه...مش قادر حتى يقول الاه...يقتصر المعزى على صهيون ويمنع منعا باتا زرع النعناع قدام القبر او زرع زيتون...المهم ياولاااااااااد بعد ما كله اتطمن لموت الشعب ده ...غافلهم وغافل الموت وابتدى يفوق...اما خازوووق ...حطم هذا الشعب جميع الاوثان ...اصبح هو السلطان...بيقول لاء...بيصرخ بالحق ...معادش جبان...ومن هنا ورايح...فرسه الرابح...واللى يقول عليه ماشى...مش عايزينك يعنى مش عايزينك...الملهم غاااار ...وانتو كمان ...من غير ضرب...زى الامامير والشطار...لموا نفسكوا ومش عايزين نشوف خلقتكوا تاااااانى

الراجل ابو 3كروش

بقى معقول ياراااااجل انت لسه مفكر ان لك وجود بيننا تانى؟...متصور انك هتلم فلوس البلد وتخبيها فى كروشك التلاتة تانى؟...الوضع فى مصر لم يعد ملائم لسيادتك ...الرجيم هو الحل...وانت مش هتقدر تصبر على نفسك...وانت مقضى حياتك مابين السفرة والحمام ومجلس الشعب...هتيجى تانى وتقول انك ابن الدايرة؟...كل الناس عرفوا انك ابن ال...... متلفش وتدور تانى ...اصل الحقيقة اتعرفت ...والحقيقة لما بتتعرف فى مصر اكفيبك الشر بيتضاف عليها حاجات تانية كتير...يعنى مثلا الناس عارفة ان احمد عز كان بيقف يسقف فتسقف وراه...ده كان بيحص صح؟...فيه حاجات بقى اتضافت لكده...منها انك كنت بتقعد معاه لوحدك فى اوضة مقفولة...وانت بتضعف بسرعة...هيجيلك عين تيبجى تقول انك رمز الجمل وانت بتضعف بسرعة؟...

لاعب الكرة الفيلسوف

مفيش محاسب بعد مايطلع ع المعاش بيشتغل دكتور ومفيش مدرس بيترفد من مدرسته بسبب سوء السمعة ينفع يشتغل ممثل ولا فيه صاحب مطبعة فلس فقام اتجه بعدها علطول لعربيات الفول والطعمية-.والنعمة رمضان كان يقطعه-ومفيش مخبر بيشتغل رئيس تحرير-كان فيه وخلص-ومفيش رقاصة بتشتغل داعية اسلامية فمش معقول ان سيادتك تطلع تعمل فيها فيلسوف وانت لا مؤاخذة حماار -مع الاعتذار للحمار يعنى-ياظالم يامفترى انت كنت هتبوظ علاقة شعبين ببعض عشان انت مكسح ومقدرتش تشوط الكورة ناحية الجون...رجليك مفوتة كل ما تشوط ع الجون تيجى بره...المرة الوحيدة اللى جبت فيها جون كنت قاصد ترفعها...فاكر لما طلعت فى التلفزيون انت ومراتك فى عيد الميلاد؟...يابطيخة بقى حد برضه يرضى ان مراته تلبس من غير هدوم؟...يا اهبل ياللى ضحكوا عليك واستخبوا فيك واتسندت عليهم...طب اهم غارواااااا فى داهية ...هتتسند على مين بقى؟...خليك فى الكورة ياعم...يعنى منشوفش سيادتك طالع تدى دروس فى الاخلاق...وياريت تثبت على حاجة واحدة يا اما ترقص للصبح فى الكباريهات وتمسك للرقاصة الطبلة ياصبى العلمة ...يا اما تفضل فى الملعب وتصلى التراويح كل ما تجيب جون ياعم الشيخ....وكفاية ان دكاترة الاعلام متخللين فى برطمانات وسيادتك اللى شغال مكانهم...يانحلة لا تقرصينى ولا عايز منك عسل.

النمطى

بص يامعلم ...مصر اتقلبت وانت لسه بدماغك القديمة...لسه نمطى...زى زمان كنت تشوف الغلط وتسكت عليه والادهى والامر انك تعيب ع اللى بيتكلم وتقول انه شتام...صحيح وعلى راى واحد صاحبى(الناس مبقتش تخزى من التعريص)...طبعا انت اول ما هتقرا هتسيب الكلام كله وتركز فى كلمة التعريص...هتقول عيب مع انك معرص....لابس توب مش توبك...بتقول كلام وتعمل عكسه بالظبط....اكيد اكيد لسه هتجيب كلام ربنا فى غير مواضعه وتقول كلام عارف انه غلط بس هقولك كلمة واحدة بس...الساكت عن الحق شيطان اخرس ومع مرور الوقت بيطلعله قرون ثبت طبيا ان شيلها صعب بعد كده.

الشمشرجى (عاش الملك مات الملك)

ياعينك ياجبايرك...ليك عين تتكلم؟..يارجل كل العصور...اكيد انت عارف ان التربية الوسخة مبتطلعش طاهرين...بقى ياكلب فرعون جاى عايز ترشح نفسك لرئاسة مصر الحرة؟...بقى ياكلب ياللى نصك كلام ع الفاضى انت اللى هتقدر تقف فى وش نتنياهو وتتف فى وشه وتعرفه مقامه؟...كنت عملتها قبل كده يا اخى..ده الغريب عملها وانت لاء...الغريب عملها وانت فضلت زى الارنب ...يشاورلولك تقعد ...يشاورلولك تقف...مش انت متربى اصلا على كده؟...نسيت ولا ايه؟...ان كنت ناسى افكرك...ولو انك منسيتش ولسه قريب كنت قاعد مع اعضاء الحزب المنحل وبلطجيته حواليك...

لكى تنهض مصر وتقف شامخة كسابق عهدها لابد من تطهير ساحتها السياسية من بعض النماذج التى صنعت فى حماية الظلاميين المخلوعين.هذه النماذج رغم بتر ملهمها وقائدها من الحياة السياسية الا انها تبقى على اهبة الاستعداد للتجمع حول اخر اراه يجمع اشلاءه على مهل .اصحاب البلد الاصليون يقع على عاتقهم الان هدم هذه النماذج كما هدموا كبيرهم.لنحمل الان-كل فى موقعه-شعلة من نار لتطهير بلادنا.ساحتنا الان هى الانتخابات التشريعية القادمة ومن بعدها انتخابات الرئاسة.لا نريد ذيولا.لا نريد دنسا بعدما غسلت مصر بدم شهدائها.



ليست هناك تعليقات: