الأربعاء، 1 يونيو، 2011

الكراهية 4



هب انك تهيم على وجهك فى طريق عكسى للطريق المؤدى الى بغيتك...هل ستصل الى ماتود باستمرار سيرك فى الطريق الخطأ؟...بالطبع لن تصل .هكذا ايضا مشاكلك...لن تحل ولن تربط وانت تسير فى طريق مغاير للطريق الصحيح.لكى تتخلص من مشكلة الكراهية المتغلغلة فى نفسك يجب ان تعرف اولا انك تعانى منها...انت تكره زيادة عن اللزوم ...كل من يلقى عليك السلام تود لو قطمت زمارة رقبته...

الخطوة الاولى فى حل اى مشكلة هى الاحساس بالمشكلة .لن تجدى معك اجزاخانات الدنيا فى علاج جرح لم تكتشفه .ومن اجل ذلك يامواطن قل وكرر هذه الجملة...
انا ليه غلاوى؟ ...انا ليه غلاوى؟...انا ليه غلاوى؟...

تطرقت فيما سبق لسببين مهمين جدا يؤججا نار الكراهية فى نفوس الافراد وهما الجهل و تسلط الحاكم .هناك مؤجج اخر مهم يتمثل فى انكفاء المجتمع وانغلاقه على نفسه اما خوفا من المؤثرات الثقافية الوافدة من حضارات الاغيار والتى سهل استيرادها التطور الرهيب فى وسائل الاتصالات او بسبب صعود الاصوليين المصرين على افتعال القطيعة مع كل ما هو مختلف.

لابد اذن ان يجاهد كل منا لازالة الغشاوة من على عينيه.لابد ان نرى ما يجرى حولنا ونشعر بوجود من يخالفنا فى العقيدة وفى الراى وفى العادات وفى كل شىء.كل فكرة تنبت فى عقل انسان لها من يؤيدها ولها من يعارضها ولزاما علينا ان ندرك ذلك حتى لا يكفر كل ذى فكرة معارضيه واعتقد انه من العار علينا كمجتمع له باع طويل فى التنوير وجذب مناطق اخرى فى العالم من غياهب الجهل الى نور العلم ان يظهر فيه من يكفر اخيه لمجرد اختلاف فى راى.

هناك 10 تعليقات:

عابرة السبيل = ام بقلظ باشا يقول...

انا مش بكره حد
لان الكراهيه دى بتدمر اللى حاسس بيها
وماتعطله عن انه يعيش حياته وبتضيع عليه كل فرض النجاح

يعنى زى النار اللى بتحرق نفسها
---------------------

اتفق معاك فى الجملة دى قوى
"لابد اذن ان يجاهد كل منا لازالة الغشاوة من على عينيه.لابد ان نرى ما يجرى حولنا ونشعر بوجود من يخالفنا فى العقيدة وفى الراى وفى العادات وفى كل شىء.كل فكرة تنبت فى عقل انسان لها من يؤيدها ولها من يعارضها ولزاما علينا ان ندرك ذلك حتى لا يكفر كل ذى فكرة معارضيه "

البلد دى مش هتقوم غير لما كل واحد يبص جوة نفسه ويعمل كل للى يقدر عليه عشان ينجح ويفيد غيره
بدون رشوة او كراهيه او حقد او سرقه او غش
يعنى مش عشان انا انجح ادور على ايه اللى يخلى زميلي يسقط
لا المفروض ادور على اللى يعيني على النجاح

عابرة السبيل = ام بقلظ باشا يقول...

اه نسيت اقول حجه مهمه قوى








هيييييييييييه
هييييييييييييييييه

انا اول تعليق انا اول تعليق

:)

فتاه من الصعيد يقول...

انا بكره كل الناس :))))

الكراهيه جزء من تصرفات بعض الجماعات نتيجه عنصريه وضيق افق متاصل في فكرهم للاسف

أحسن تـستاهـل يقول...

تصدق مش عارفة أرد !!!!!!!!!! وزعلت كمان ؟
الظاهر طلع عندي دم واتأثرت ولا ايه؟

مها ميهوووو

د/عرفه يقول...

إمممممممم
أكبر سبب لكراهية
هو الظلم واللى انت عبرت عنه بتسلط الحاكم
وبما ان مفيش حاكم حاليا بس الظلم لسه موجود

امممممم
تانى حاجة شايفها مزودة الكراهية حبتين هى العصبية واللى انت عبرت عنها برضه بالجهل


واضح انى بعبر بنفس كلامك بس بشكل تانى
هههههههههههه



بجد الفترة دى محتاجيين فعلا المواضيع اللى زى دى اللى تقربنا مش تفرقنا


مبسوط انى رجعت اتابع مدونة تانى



بس احنا مع بعض على طول يا كبير هناك على الفايس

حلم بيعافر يقول...

عابرة السبيل

يااااااااااااااارب تقوم

قولى ورايا بقى

انا غلاوية انا غلاويبة انا غلاوية)))...

حلم بيعافر يقول...

عابرة السبيل

مبروك اول تعليق

دخلتى التاريخ))..

حلم بيعافر يقول...

فتاة من الصعيد

مظبوط كده

انت بتسمعى الكلام وانا مصر اوصى عليكى

حلم بيعافر يقول...

احسن تستاهل


زعلتى ليه؟

اقفل الدكان لو زعلتى

حلم بيعافر يقول...

د/عرفة

هنا وهناك

انت بتهبط يابنى والله))...