الأربعاء، 8 يونيو، 2011

يعيش اهل بلدى



أتفهم حالة الغضب التى تمتلك صافى ناز كاظم بعد عرض فيلم الفاجومى الماخوذ عن مذكرات زوجها السابق ووالد بنتها نوارة الشاعر احمد فؤاد نجم.لكن عموما اى عمل فنى يتناول شخصية انسانية لن يخلو من نقاط الضعف فالضعف جزء لا يتجزا من انسانيتنا.وكلنا نتذكر شىء مماثل لهذا الغضب عند الاخوان المسلمين تجاه مسلسل الجماعة لانه اظهر الشيخ حسن البنا يبكى وازعم ان المسلسل لو كان قد توقف فى تجاوزاته عند المغالطات التاريخية من وجهة نظر الاخوان لكان الامر اهون.

خالد الصاوى بيقول ان احمد فؤاد نجم مبيعرفش حاجة اسمها النفاق الاجتماعى ولما بيعمل اى حاجة بيقول علطول ودى منطقة عند احمد فؤاد نجم بيشوف الكتير انه بجح فيها وبيقول حاجات المفروض متتاقلش وعشان كده بلاااااااااااااش نتكلم عن الفيلم خلينا فى اغانى الفيلم.

طول عمرى نفسى ان اغانى التراث يتم احياءها من جديد عشان تملا الفراغ اللى موجود فى الفضائيات.واهى ع الاقل تاخد كليبات البورنو اللى بتتذاع دجايما وبيتقال عليها اغنى وتقلل شوية من تاثير موجة التوهان واغانى البانجو والحشيش والعبط اللى كان وما زال مالى الدنيا.ظهرت فرق كتير عملت الكلام ده بس انتشارها مكنش واسع اوى ومكنش فيه حد يصرف ولو كان فيه حد صرف مكنتش هتتشاف لان الشاشات محجوزة لنوع معين بعينه كان بيتم تصديره للناس ويتقال انهم عايزين كده ومش هتكلم بقى عن اسكندريللا وعن الشارع وعن بساطة ...ناس زى الفل وعملوا شغل زى الفل بس شغل قاهرى مطلعش بره وان طلع بره بيبقى فى قصر ثقافة او فى خندق بعيد عن الناس.

لو الفيلم كله مكنش فيه غير ال10اغانى اللى اتعملوا دول يكفيه بصراحة لان طرح النوع ده من الفن على الناس هيرتقى بذوقهم وبالتالى هيرتقى بذوق الشارع وعليه هنشوف شارع انضف.بجد هنلاقى شارع انضف وناس اهدى والطف لان تاثير الفن على الناس تاثير رهييبيييييييب رهيب رهيب جدا يعنى مثلا تخيل تخيل ان عيل صغير استبدل اغنية البانجو مش بتاعى باغنية زى يعيش اهل بلدى ...الواد يتحول مباشرة من التوهان للتفكير والتفكير يعنى مخه هيشتغل ومخه هيشتغل يعنى الصدا هيروح ويبتدى يتعود ع التفكير وهيفكر يبقى هيحتاج يقرا ويقرا يبقى هينتج وينتج يعنى الشارع هيتغير.

الالبوم فيه حاجات احسن من الاصل وحاجات اقل.التوزيع بتاع جيفارا مات احسن والتوزيع بتاع صباح الخير اوحش.حالة التعديد بتاعة الشيخ امام فى جيفارا مات كانت صعبة بصراحة عند احمد سعد تحتمل شوية.خفة دم الشيخ امام ملهاش حل ومقدرش احمد سعد انه يجاريها ولما جه يقلد بقى شكله وحش جدا.يعنى مابين الاجادة والاخفاق طلع ونزل احمد سعد بس الالبوم اجمالا حلو وممتع ولو جيت تحط احلى البومين جداد دللوقتى هتحط ده والبوم وسط البلد الجديد.

هناك تعليقان (2):

فتاه من الصعيد يقول...

هو احمد سعد بيغني ولا الممثل في الفيلم هو اللي بيغني؟؟

حلم بيعافر يقول...

ده البوم خاص

فيه اغانى منه فى الفيلم

انا مشفتش الفيلم عشان كده محكتش عنه))...