الخميس، 9 يونيو، 2011

جزمة فى رجل املك



تصغر وتكبر
على قد رجل الملك
يمين يمين
شمال شمال
ياللى مبادئك زمبلك
كوووون مطمئن
هنعيش نصرخ ونموت نئن
وانت فوق كرسى الوزارة
ولا نهبت
ولا سرقت
ولا حرقت
ولا بيعتنا بيعة بخسارة
ياابو الف علة والف ملة
والف وش
اعلى فوق رقابينا وانجح
والديانة...زور وغش
ياصدى الاسياد
مطارقك مش شطارة
مهما يطحنا الرغيف
او تفوت اعمارنا ضايعة
ع الرصيف
ولا يخنق حلمنا
عرق الاشارة
لسه جوه عروقنا ثورة
قايمة تستنى شرارة
فى الطابور والدور
وهيستيريا الانتظار
فى العيال السمر
من شارع لحارة
فى حكايات ستى القديمة
البشارة ورا البشارة
زى موج البحركانس
كل ناقض للطهارة


1/8/2010

هناك تعليق واحد:

أحسن تـستاهـل يقول...

يا لك من ولد :)

مها ميهوووو