الجمعة، 10 يونيو، 2011

تانى الغااااااااااااااز؟!!!



بحسبة بسيطة عملها خبير بترولى اكتشف ان مصر خسرت حوالى 100 مليار جنيه على اثر تصدير الغاز مدعما للكيان الصهيونى منذ عام 2005.تواترت الاخبار اليوم عن عودم ضخ الاغز المصرى الى اسرائيل بعد سلسلة من التاكيدات الصهيونية بعودة الغاز خلال وقت قريب لتتحقق تاكيداتها بالفعل اليوم.وانا فى كلامى هنا لن اتوجه الى المجلس العسكرى بكلام ولن اتوجه الى الحكومة بكلام لان بصراحة اتضح ان حوار المجتمع المدنى مع المجلس العسكرى فى الفترة الاخيرة حوار طرشان المجلس العسكرى رافض يسمع اى حاجة والحكومة زى مانتوا عارفين امتداد لامانة السياسات فى الحزب الواطى المنحل.

انا هتوجه بكلامى للناس اللى واقفة تقتل بعضها فى طوابير العيش كل يوم وهقولهم الحقوا مصر خسرت 100مليار جنيه فى عملية تصدير الغاز المسبوهة خلاص خمس سنين خمس سنين بس والله خمس سنين بس اخدنا فيهم 100مليار جنيه من قوتنا ورميناهم فى حجر نتنياهو ومرضعة ابليس وبررررررررضه لسه بتصدر نفس الاغز لنفس الكيان الصهيونى بنفس الخساير .

انا هتوجه بكلامى لسكان العشوائيات والمقابر الناس اللى نايمة فى عشش الصفيح الناس اللى نايمة فى الخلاااااااااا من غير سقف الناس اللى لما الدنيا بتشتى بتغرقهم وهما نايمين ولما الدنيا تحرر شوية مبيلاقوش سقف يحميهم الناس اللى نايمة مع الاموات فى حتة واحدة الناس اللى نايمة فى الترب الحقوااااااااا الناس اللى قاعدين فى التكييفات رجعوا تانى يصدروا غاز لاسرائيل رجعوا تانى يدعموا اقتصاد اسرائيل بيدعموهم وانتو لاء.

انا هتوجه بكلامى للناس اللى مش عارفة تشترى كيلو طماطم ومش لاقية رز ودايخين عشان يجيبوا غدوة الناس اللى بتكمل عشاها نوم الحقوا مصر رجعت تصدر غاز لاسرائيل الحقوا مصر رجعت للبيع بالخسارة مصر رجعت وعايزة تخسرلها فى الغاز 20مليار كل سنة شوية شوية وهتاكلوا طوب مش هتلاقوا فى جيبكو مليم تشتروا حاجة.

انا هتوجه بكلامى للطوابير اللى مستنية دور العلاج فى المستشفيات للطوابير اللى الموت دايما دايما بيكون اسرع منها للطوابير المليانة حكايات وهم للطوابير المليانة الم واهات محتاجة جرعة علاج وكلمة حلوة تخفف عنها الحقوا الحقوا مش مصر رجعت تصدر غاز لاسرائيل الحقوا الحقوا مش مصر رجعت تطاطى تانى مش مصر رجعت وناوية تدوس عليكم بالجزم هتستكتوا تانى هتستكتوا تانى هتسكتوا تانى متعلمتوش ان السكوت موت ؟....

هتوجه بكلامى للشباب اللى واقفين على باب الجواز ومش عارفين يخبطوا مش مسجرين يخبطوا ايديهم مقطوعة هوجه كلامى للبنات اللى عنست اللى قددوا على راى هانى رمزى الحقوا مصر بتصدر غاز لاسرائيل مصر بتدعم المجتمع الصهيونى عشان يتبغددوا ويتهنوا وانتو...انتو؟ انتو تولعوا بجاز تموتوا تغوروا فى داهية تقضوها عرفى تقضوها من غير جواز تقضوها فى صناديق الزبالة انتوا احرار هى يعنى مصر عشان امكوا لازم تجوزكوا سيبوها تشوف الاهلم تشوف الصهاينة عايزين ايه....

هتوجه بكلامى للشاب اللى بقاله اربع سنين بيلف يدور على شغل للى ساب سيرته الذاتية فى عشرومييييييييييت شركة ولا مجيب ولا حد بيعبره ولا كانه بنى ادم الحق ياعم الحج مصررررررر بتدعم الاقتصاد الاسرائيلى قال ايييييييييييه اتفاقية ...اتفاقية عليك وعليا اتفاقية طرفها صهاينة والطرف التانى ناس نايمة اتفاقية هااااااااااااااار اتفاقية....

هتوجه بكلامى للتلميذ بتاع ابتدائى واعدادى للطالب بتاع الثانوية للطالب بتاع الجامعة مفيييييييييييش امل هتعيش كده وتموت كده حمااااااااااااااار هتفضل حمار مدخلش يابنى مدارس من اساسه عشان متفقدش انسانيتك لانك بتفهم قبل متدخل مدارس واول متدخل يطلعلك ودنين طوااااااااااااااااااااال وبعدين سنانك تكبر وتنهق وتتخرج حمااااااااااااار عشان ايه؟ عشان مش لاقيين فلوس نطور بيها التعليم اصل احنا فلوسنا بتروح لاسرائيل يابنى غلابة بعيد عنك ولازم مصررررررررررر تدعمهم..

انا هتوجه بكلامى للعمال وللموظفين اللى اللى بياخدوا 400جنيه ويوم مازادوا بقوا700 مع انهم بيشتغلوا نفس شغل اللى بياخدوا 3ملايين كل شهر ويمكن بيشتغلوا اكتر منهم ويمكن ليه ده اكيد بيشتغلوا اكتر منهم وهو فيه موظف فى الدنيا كلها بيتاخد3ملايين غير عندنا؟ وهو فيه حد بياخد 3مليون وبيشتغل من اصله؟...الحقوا الحقوا مصر عايزة تخسر برضه 100مليار فى خمس سنين الحقوا مش هتلاقوا ولاجنيه تاخدوه مرتب مش هتلاقوا اللضا مش هتلاقوا تاكلوا وتاكلوا انتو ليه هو مش اخوك كوهين برضه احسن منك؟...

انا هتوجه بكلامى للثوااااااااااار اللى طلعوا يجيبوا كرامتهم اللى طلعوا يستردوا شرفهم اللى طلعوا عشان قرارهم يكون فى ايديهم اللى طلعوا لاء للقرطسة والضرب ع القفا وهقولهم كرامتنا رجعت تنتقص تانى كرامتنا رجعت تنداس بالجزم تانى بيصدروا غاز لاسرائيل بيصدروا غاز ينوروا بيه واهلنا فى غزة عايشين فى العتمة بيصدروا غاز يتضرب بيه الفلسطينيين هنرفع راسنا ونقول احنا مصريين ازاى داحنا ماصدقنا قلنا بقى لنا شكل على المستوى الدولى والاقليمى هنرجع تانى زى زمان؟...

انا هتوجه بكلامى للناس اللى ملهاش فى السياسة بس طلعت تفتح صدرها للنار وللرصاص الناس اللى طلعت ووقفت قدام المدرعات الناس اللى غلبت الحديد اللى غلبت الالة العسكرية الناس اللى قالوا لاء الناس الرجالة اللى من ضهر رجالة الناس اللى داست برجليها ع الظالم المفترى المستبد وهقولهم الحقوا دول رجعوا يصدروا غاز لاسرائيل احوووووووووه رجعوا يصدروا غاز لاسرائيل انتوا عايزين كده ؟انت طلعتوا تصرخوا عشان كده؟انتوا هتسكتوا على كده؟...

انا هتوجه بكلامى لاسر الشهداء اللى ضنااااااااااااااهم اللى فى عشريناته دفع حياته عشان مصر هتوجه بكلامى للمصابين واسرهم اللى دفعوا عنيهم عشان مصر اللى اقعدوا واتشلوا عشان مصر الناس اللى لسه الرصاص فى جسمهم الناس اللى زى مصعب اللى فى جسمه 200رصاصة الناس اللى طلعت لسانها للموت وقالت لاء الناس اللى قالت لاء من قالوالاااااااااااااااااا فى وجه من قالوا نعم فى وجه اللى طاطوا واستحلوا الذل واستمروا المهانة وهقولهم مصر بتصدر غاز لاسرائيل مصرررررررررر عايزة تخسر 20مليار كل سنة تانى مصر اللى انتوا شفتوا المر عشان تتعالجوا فيها ومحدش عبركوا غيربعد ماتفضحوا بتصدر غاز لاسرائيل..

ياعالم ياخلق كرامتنا يالعالم ياخلق ثورتنا ياعالم ياخلق فلوسنا ياعالم ياخلق اتقوا الله بقى دى اسرائيل دى لو جامع يبقى يحرم عليها الكلام ده لو البيت محتاجه اللى تحتاجه مصر يحرم على اسرائيل عيييييييييييييب مينفعش كده ياحكومة عيييييييييييييييييب ماينفعش كده يامجلس ياعسكرى عيييييييييييييييييب المظاهرات برضه والاعتصامات هى اللى خاربة البلد وموقفة عجلة الاقتصاد؟ ...يعنى ام عجلة الاقتصاد تدور وندى نتاجها للصهاينة؟...ان شاالله عن امها ماقامت ان شالله تولع بجااااااااااااااااااااااااااااااااز وسخ البلد اللى تستخسر فى نفسها فلوسها وتديها لعدوها عدوها عدوها والله العظيم اسرائيل عدونا تلاتة بالله العظيم احنا حاربناهم وهما حاربونا .

الغاز ده بتاع النااااااااااااااس بتاعنا واحنا اللى نقول نديه لمين وطالما احنا محتاجين فلوس وواقعين اوى يبقى نديهم رزقنا بخسارة ؟ناكلهم ونجوع احنا؟....يااااااااااااااااااااالم ياعباقرة ده خط الاغز ده لسه متفجر قريب عايزينه يتفجر تانى؟!!!

انا بذكركم جميييييييييييييعا احنا صبرنا على شفيق 33 يوم تم فيه تستيف الاوراق وتهريب الفلوس وتظبيط المواقف وادينا اهوه فى المحاكمات نجيبهم كده يجولنا كده هنصبر على حكومة اكتر من نصها حزب وطنى لحد امتى؟...لحد مايخربوها؟وهيخربوها عن كده؟

هناك 4 تعليقات:

فتاه من الصعيد يقول...

انزل فهمهم طيب :) .... وانا هفهمهم وكلنا نفهمهم ونكلمهم

الواحد زهق من الاحباط ده

حلم بيعافر يقول...

زهقنا نقول وكل نقول نطلع احنا سبب الغلا والفلتان الامنى

نعمل ايه بس غير اننا نشد فى شعرنا؟

هى الاحباطات كتيرة بعد الثورة بس العبرة بالنهاية اهم حاجة نفضل نتكلم ونضغط ومنسكتش

شمس النهار يقول...

كنت تسمي البوست ده بوست تقليب المواجع

المجلس علي الحكومة علي الاستفتاء علي ده كله

علي الناس اللي نزلوا التحرير تحس ان في حلقة مفقودة
تفتكر خلصنا من ناس طلع لنا ناس تانيه ولا ايه

حلم بيعافر يقول...

شمس النهار

لا لا صامدون صامندون

كله يعدى باذن الله