الخميس، 28 يوليو، 2011

طباخ المشير 2




ست مشاهد اخرى من (طباخ المشير)

المشهد الاول...اجتماع لاصدار احد بيانات المجلس العسكرى

اللوا 1/طبعا انا اللى هكتب البيان المرة دى
اللوا 2/ ليه ان شاء الله ؟!...قالولك علينا طراطير؟!
اللوا 3/ بس بس لا انت ولا هو محدش هيكتب البيان ده غيرى
اللوا 4/عليا الطلاق لو ماسيبتونى اكتب البيان لانا واخد الوق والقلم وماشى...اظن انا اللى جايبهم؟...
اللوا 5/ياسادة يامحترمين عيب كده انتوا كبار...الراجل الفاضل اللى بيكتب البيانات هو اللى هيكتب ده كمان ...مفيش حاجة جدت يعنى
اللوا 1 /ايييييييييييييه؟...احنا ملناش نفس ولا اييييييييييييييه؟!

جلبة وضجة فى الاجتماع والمشير متجهم وصامت صمتا ينذر بعاصفة قادمة....عباد مختبىء خلف الباب يلتقط ما استطاعت اذناه ان تلتقطاه...

المشير/باااااااااااس ايييييييييييييه؟...ما تلموا نفسكوا يا بيادة منك ليه ...مفيش كبير قاعد بينكوا ولا ايه؟...

خبطة المشير على الطاولة تربك عباد فيقع على الباب ويدخل القاعة ملقى على الارض

المشير/خلاص خلاص انا لقيت اللى هيكتب البيان يا حضرات...انصراف



المشسهد الثانى

عباد يلقى بيان المجلس العسكرى

ياشعب مصر العظيم...عظيمة يامصر يا ارض الامم يا مهد الحرارة يا بحر الهرم...نيلك ده سكر نهرك معكر بين العمم...اما بعد...فقد وصلتنا انباء مؤكدة من جهاز مش مشكوك فى صحته ولا ملعوب فى اساساته ان هناك بعض الحركات الصايعة من جانب بعض الشباب الفرفور تتلقى فلوس وسمسرة من الاجانب الذين يلوشون ليلا ونهار فى الوطن ...واحنا كمصريين بنقول عيب الوطن معندوش غير كرامة واحدة وشرفه الوطن زى عود الكبريت لو انطفر ميولعش تانى....وانا من هذا المكان ومن فوق هذه المنصة ومن امام هذا اللوا الذى يقف امامى ويكز على اسنانه ويشتمنى فى سره ويحقد عليا لان المشير اختارنى انا وبدانى على كل الرتب فى القوات المسلحة لالقى هذا البيان اؤكد لكم ان حركة الفرافير تتلقى دعما من الخارج واللهم الموفق بكسر الفاء اهوه عشان محدش ظريف يطلع يقول ان عباد غلط فى التشكيل ...قشطة



المشهد الثالث ....مؤتمر صحفى لتوضيح وشرح البيان

صحفى 1/وحياة ابوك ياسيادة اللوا رئيس التحرير هينفخنى لو معرفتش مين حركة الهلاهيل
صحفى2/وانا وانا جوزى هيطلقنى...يالهوى مش جوزى والنعمة ماهو جوزى

صخب يستمر حوالى ربع ساعة مابين الضحك والغمز على علاقة الصحفية الشابة برئيس التحرير ابو شنب

اللوا/ الهدوء يا جماعة ارجوكم نلتزم الهدوء ...كنتم بتشيدوا بموقف القوات المسلحة من استكمال الدورى العام وانا بقولكم الحمدلله الدورى تم على خير وكمان الاهلى اخد الدورى وده فى حد ذاته انجاز واستقرار وخطوة للامام


صحفى 3/ايه ايه؟...مكناش بنتكلم فى كده خالص
اللوا/اسف معلهش العضمة كبرت يابنى...هاه...كنا بنتكلم فى ايه بقى؟
صحفى 3/ كنا عايزين نعرف مين المقصود بحركة الهلاهيل والتمويل الاجنبى ده ايه ظروفه؟
اللوا/اه...هرم خوفو...والله الموضوع برمته فى ايد وزير الاثار الجديد وبما ان الوزير استبعد فاحنا لسه بندور على وزير تانى ومش هقدر افيدك فى الموضوع ده حاليا
صحفى 4/يافندم يافندم انت بتوهنا ليه بس؟
اللوا/عايز تاكل خس؟...ما تكلموله وزير الزراعة يا استعلامات
صحفى 4/انت راجل كبير وبتخرف
اللوا/اه ياقليل الادب ...محاكمة عسكرية
صحفى/اشمعنه سمعت دى يعنى ؟!


المشهد الرابع
كوريك ذنب لعباد بعد التلبيخ والعك فى بيان الممجلس العسكرى ....

ذراعين جانبا رفع....طلعت القمر على بطة نزلت من القمر زلابطة طلعت القمر على بطة نزلت من القمر زلابطة طلعت القمر على بطة نزلت من القمر على زلابطة طلعت القمر على بطة نزلت من القمر زلاطة.....

خطوة تنظيم شماااااااااااال....اه يانى يانى يانى مش هعمل كده تانى اه يانى يانى يانى مش هعمل كده تانى اه يانى يانى يانى مش هعمل كده تانى اه يانى يانى يانى مش هعمل كده تانى اه يانى يانى يانى مش هعمل كده تانى....


المشهد الخامس
المشير واحد اللواءات يتشاوران حول الخازوق الذى صنعه عباد ولبسه العسكريون جميعا

المشير/وهنعمل ايه ياسيادة اللوا فى المصيبة دى؟
اللوا/نالف حركة بالاسم اللى الجحش ده قال
المشير/الظاهر ان مفيش قدامنا حل غير كده
اللوا/انا عندى الناس اللى هتلبس
المشير/فى عرضك ابعد بقى عن شباب التحرير بقت مفقوسة اوى
اللوا/الخازوق لازم حد يلبسه...يا احنا يا هما ...ها يا سيادة المشير؟
المشير/خلاص يا سيادة اللوا...الله الموفق


المشهد السادس
برنامج تلفزيونى يناقش خبر نشرته جريدة اليوم السابع

المذيع/ورد للتو فى اليوم السابع خبر تضمن اعضاء حركة الهلاهيل وطبيعة نشاطاتها فى مصر
الضيف/ياعم صلى ع النبى هو فيه حركة فى مصر بالاسم ده؟
المذيع/الخبر بيقول انها حركة سرية كانت تعمل لصالح الاستخبارات الامريكية والايرانية
الضيف/ههههههههههه الله الله الله مرة واحدة؟!
المذيع/الخبر يقول انهم يمتلكون طبيعة مزدوجة

معانا اتصال من المنصورة ..محمد من المنصور ..الو يامحمد

محمد /السلام على من اتبع الهدى ..احب اقول ان المجلس العسكرى ده نعمة وانعم الله بها على مصر ولازم نبوس ايدينا عليها وش وضهر
المذيع/طيب يا اخ محمد عندك اضافة؟
محمد /الاضافات بدع ومفرد بدع بدعة وكل بدعة ضلالة وكل ضلالة فى النار والمجلس العسكرى هو الاصل والباقى تقليد

ومعانا اتصال اخر من القاهرة ...نجوى نجوى ....من القاهرة الو يانجوى

بارحب بيك يا قرموطى افندى انت وضيف الاجرى قصدى المحترم ...احب اقولكم ان حكاية الطبيعة المزدوجة دى واردة ومتتريقوش على الخبر والحركة الخبيثة دى فعلا موجودة وبتعمل زى ما بيان المجلس العسكرى قال بالظبط




هناك 5 تعليقات:

شمس النهار يقول...

ياااااااسيناريوهاااااتك

:)))))

ونبي عندك حق ده لو كاتبه طباخ ماكانش بقا كده

:))))

وظائف في وظائف يقول...

مدونة ممتازة ومقال رائع شكرا لك وبارك الله فيك محفوظة انشاء الله مصر من كل شر ...

د. ياسر عمر عبد الفتاح يقول...

كل عام وحضرتك بخير ,,
ربنا يتقبل منا صالح الأعمال
ويقوينا على الصيام

محمد ملوك يقول...

رمضان مبارك سعيد
وكل عام وأنتم بألف ألف خير
اللهم أهله علينا بالأمن والإيمان والسلامة والإسلام،
ربي وربكم الله، هلال رشد وخير إن شاء الله
وفقنا الله وإياكم لما يحبه ويرضاه

حلم بيعافر يقول...

كل سنة وانتم طيبين