الأربعاء، 17 أغسطس 2011

ياريتنى كنت معاهم...




انتو عارفين لما واحد تجيله الحصبة وهو صغير؟؟؟..مش هتجيله تانى لانه خلاص اخد مناعة.انتوا عارفين لما واحد يفضل ياكل مش بدوده طول عمره؟؟؟...ميهموش لو اتلقى فى الاكل صراصير لان خلاص مش هيقرف تانى كان قرف اولانى من الدود.انتوا عارفين لما واحد يفضل ياكل فول طول عمره؟؟؟....معتده بتتليس وبتعمل طبقة كده تمنع اى جراثيم عايزة تستخف دمه ولا ميكروبات بتستظرف يعنى خلاص بقى ضد الامراض ياجماعة.انتوا عارفين لما واحد يفضل يشم فى القنابل المسيلة خمس ست شهور وفى كل مرة يشم قنابل شكل؟؟؟...لما بيقف رمى القنابل عليه بيفضل يتهرش ويدور على قنبلة يشمها لانه خلاص ادمنها والادمان بقى وحش.انتوا عارفين لما واحد تتمسح به ارضيات مقرات امن الدولة فى مصر؟؟؟...مبيطيقش يطلع بره شوية ...عمنا الفاجومى كان بيفرح لما يتسجن لانه بيلاقى اكله ونومة ببلاش.انتوا عارفين لما واحد يخرج شايل قلبه على ايده قدام الرصاص الحى والمدرعات اللى سايقها غيلان مش بنى ادمين؟؟؟؟...صعب بعد كده انك تيجى تهدده بمسدس ده حتى ميملاش عينه ويفتكره مسدس ميه ويقولك كخ يا موشى كخ.

احالة الالاف من شباب مصر الطاهر البرىء العفيف الشريف قول زى انت عايز وصف كما يحلو لك ان تصف الى المحاكمات العسكرية لن يكون بعبعبا يخيفهم ويثنيهم عن الطريق الذى عزموا على المضى فيه قدما وازالة اى عقبات تواجههم عليه حتى وان كان ثمن ذلك ارواحهم فهم على اهبةو الاستعداد لبذلها راضين مطمئنين بيهزروا وهما رايحين يموتوا .

يبدون للناظر فرافير وعيال طرية ولكنهم فى الحقيقة انشف من الحجر واصلب من الدبابات وليس هذا كلام انشا فالايام قد اثبت ذلك كله بالفعل .فرجاء من العسكرى الذى يستدعى الشباب المدنى الى المحاكمات العسكرية الا ياخذ بالمناظر فرب مزة جميلة لطيفة رقيقة عند الجد تمسك اى حد واى حاجة قدامها تقرقشها بسنانها .

والله ان غير قلق على احد ممن ذهبوا الى المحاكمات العسكرية من هؤلاء الشباب لانى عارف انهم رجالة ووقفوا وقفة رجالة ويقدروا يثبتوا قدام الغولة ويقولوها عينك حمرا ولكن كل قلقى على اهاليهم وخصوصا اهالى الناس الغير معروفة .يعنى مثلا اسماء محفوظ الدنا اتقلبت عشانها بس فيه غيرها كتير الدنيا متقلبتش عشان محدش يعرفهم ودول المعاناة فى حكايتهم كلها بتكون على عاتق اهاليهم.

قمنا بثورة على طاغية بيتحاكم مدنى على مصاتيب وبلاوى سودة منها قتل وسرقة وخيانة عظمى واحنا بنتحاكم عسكريا على كلمة حق بس معلهش الوضع ده مش هيدوم كان اللى اسوء منه دام ومهما كان المجلس العسكرى عايز ياصل لحاجة عدت من زمان واسقطناها مش هيقدر .

يحز فى نفسى :Dبقى دللوقتى ايه؟؟؟...الحنونينين اللى قلبهم متقطع على منظر مبارك وهو فى القفص والعاقلين اللى بيقولوا ان محاكمة مبارك بتضيع هيبة الدولة وكل من شاكلهم ولف لفهم ...زيعنى عاجبكوا منظر الورد الاخضر ده والشوك عمال يجرح فيه ويزحفه ويقوله ستة استعد وارقد ؟؟؟....روحوا منكو لله يا بعدا يخلص منكوا ويزيدكوا عبط على عبط .


هناك تعليقان (2):

فتاه من الصعيد يقول...

حسبي الله ونعم الوكيل :(

شمس النهار يقول...

اطمن الشعب المصري خلاص
فاق ومش هيضرب تاني

اما اللامبارك بقا ده حدوته
عامل شو علشان اللي عاتفي من الشعب يأثر علي اللي مشعاتفيييي
:))
ده احنا بلد القيل والقال يااباااا
كل اللي شافوه نازل من الهيليكوبتر وماشي علي رجليه زي العفريت حكوا وقالوا
ده مخه تعبان ده كده هزء نفسه وضيع هيبته
كان اشرف له يدخل القفص علي رجليه
واو علي الاقل علي كرسي متحرك مش نايم علي ضهره
طيب ولما بيجي يصبغ شعره بيصبغه برضوا وهو نايم علي ضهره
هم يضحك وهم يبكي صحيح