الاثنين، 5 ديسمبر، 2011

ياجنوبى-مشاركة فى جدارية أدون وطنى



يا جنوبى يا نوبى
يا أمير على قلب الغجرية
يا مخبى ف نن عيونك شمس
يا مربى ف حجرك حرية
لو تسقى الأرض ف طيبة بدمك
الزرعة هتطرح فيا
لو يجرى الضى بسرعة ليمك
السكة تنور ليا
يا مصحى الليل بربابة وناى
وموحى حروف الأغنية
تتغلل جوه الزمن الجاى
وتشد لجارنا الفجرية
لونى بلونك وبطيبتك
ألاقيك ببياض النية
وبضحكة تهز الغيم الكشرى
فيرخ حياة
ويداعب وردى بحنية
شريان وموصل قلبى بقلبك
معجونة فى طمية حكاوى الخلق
مماليك وملوك وممالك
ووجود وزوال
وصبح بيضوى فى لحظة طلق
مولود بيخبط على بابك
يا جنوبى يا نوبى
يا أمير على قلب الغجرية

هناك 5 تعليقات:

وجع البنفسج يقول...

كلماتك جميلة ومعبرة ..

سلمت أناملك اخي الكريم.

نور القمر يقول...

كلمات حلوه وفيها احساس شكرا اك
مع تحياتى
نور

شمس النهار يقول...

دي مين اللي كاتب الكلام الجميل ده
:))))

حلم بيعافر يقول...

شكرا شكرا

منورين

غير معرف يقول...

أجمل ما فيها دي:

يا جنوبى يا نوبى
يا أمير على قلب الغجرية
يا مخبى ف نن عيونك شمس
يا مربى ف حجرك حرية
لو تسقى الأرض ف طيبة بدمك
الزرعة هتطرح فيا


و أطرف ما فيا:
لما سألتني عن السمسميه اللي هي الآله الموسيقيه شبه الربابه و الناي و انا قولتلك انها أكله.. سمسم معجون بالعسل هون في فلسطين D:

هبله هبله يعني ! :)