الاثنين، 5 مارس، 2012

غنوتين



ألف بوسة وألف وردة
للحكومة وللمعارضة
للحلول المستحيلة
والحلول النص واردة
ييإيدين والناس بتغلى
ع المكاتب هادية باردة
ألف وردة وألف وألف بوسة
للشخوصة المنفخوين
اللى طولهم نص بوصة
واستطالوا فين وفين
كله جاى جنب العروسة
فى الصور مين ولا مين
الكروش المستديرة
والوشوش المنفوخين
والفيران المستعيرة
توب أسود
والمشايخ والحدود
كل هذا الملك عيرة
امتى تصحى ياحلوة بس
امتى تصحى يا أميرة


الحقيقة والخيال مش قضية
انت بس تبصى بصة
تعرفى مين الرجال
تفهمى شر البلية
مين صلاته للعسس
ومين ولائه ليك وليا

انت بس تبصى بصة
الحقيقة مش منصة
الحقيقة نار وزدم
كان بيجرى ولا يزال
كان بيجرى ولم ولن
يجدى وياه اعتقال
يقفلوا فى الوش سكة
يتولد ألف احتمال
يتولد كامل مكمل
أصل فى أصول الجمال

 انت بس تبصى بصة
لسه فيه فى القلب لسه
ركعتين بعد ابتهال
لسه فيه عندك عيال
دينهم عطا
كونى شايفة وكونى حاسة
مش بعد موتة ومرمطة
يبقى انحيازك
للى دينهم الاحتيال

اسألينا
الحقيقة نو عنينا
الحقيقة غنوتين
فتشينا
غنوة حيلة وغنوة حيلة
كان عشانا يدوب امانى
فى دروب بعيدة ومستحيلة
حلم مستقوى بجناحه
فوق حدود المسجونين
والحقيقة غنوتين
غنوة حيلة وغنوة حيلة

هناك 3 تعليقات:

maha miho يقول...

هو انت هتفضل في الظل متواري كده كتير؟؟

مها ميهوووو

حلم بيعافر يقول...

اصبروا بس لما اخلص جيش

دانتو هتشوفوا ايام سودا ^_^

entrümpelung wien يقول...

بيكفى احلام خلينا واقع شوية