الخميس، 16 مايو، 2013

عيل تايه

من art pics


تايهة؟
أنا تايه زيك بالظبط
قايم نايم
نايم قايم
فى خبط ورزع
ورزع وخبط

تايه برضه
راكب نازل 
نازل راكب
عمرى ما بوصل
آخر الخط

كنت أتناسى
كنت أغنى كتير
 وأتواسى
بإن عيون شط وشط

لما لقيتك فايتة 
بسرعة بسرعة
جريت ع التايهة
جريت وشبط

عيل عيل
حظه قليل
وإنت حكاية
توزع روحها 
على عروقه
كل ما ليله 
عليه بيليل
وإن فاق مرة 
يرفع عينه لفوق 
ويركز فيكى
ويتخيل
عيل عيل

نفسى أموت
أو ألاقى ف طريقك
بوصلة
نفسى أموت
أو يسخطنى الحب
فى شعرك خصلة
نفسى أموت
أو تنكشف الحجب أمامى
وأعمل زى الناس الواصلة
لما أتجلى 
أو تتجلى
نفسى أولى القبلة تجاهك
وإنت تولى
بس خسارة
إنت تتوهى
وأنا ف جهنم تيهك
أصلى

ليست هناك تعليقات: