الثلاثاء، 21 مايو، 2013

جرافيتى



الجرافيتى 
ميهموش الحيطة لمين
مبيسألش الشارع فين
ولا مين هيشوف
الجرافيتى طفل صغير
فاتح صدره
بيموت خوفه من الخوف
وأنا هرسم قلبك جرافيتى
لو ساعد قلبك ووافيتى
قلبى الملهوف
هتلاقى كتير بده يساعد
هتلاقى الساعد والساعد
هتلاقى كفوف
لو شال الفرد هموم الكل
هنتباعد
وإن شال المجموع الهم
هنحب جماعة
ع  المكشوف

أنا هرسم قلبك جرافيتى
وف وسط الناس
أنا لا أعرف أحبس عصفورة
ولا عندى اقفاص
إن قلبك دق
فالثورة دى حق
انزلى قدامى وساعدينى
الراس بالراس
وعشان الحب هنا فضيحة
أنا هكتب اسمك ع القبلة
ومش مهتم
نويت أصلى لعيونك
واتعظ واتلم
نوينا نسعى للخلاص

أنا هرسم قلبك تحت الشمس
فى عز الحر
لونك طارح نفس البهجة
أبيض كان أو كان يسمر
لن يبقى من عمل العاشق
إلا الأشعار
لو طال الحلم ف يوم البر
إلا الحواديت
لو يوم تخضر
إلا الجرافيتى
لو غسل الرائى
من الشر
لن يبقى من عملى وعملك
لن يبقى من أملى وأملك
إلا حلاوة الخطوة الجاية
كل ديون إمبارح سقطت
كل الخوف الجارح مر


هناك تعليق واحد:

Wohnungsräumung يقول...

شكرا على الموضوع المتميز
Dank Thema Wohnungsräumung