الجمعة، 23 أغسطس، 2013

شى الله



لايق عليكى الأمل
 ياطرح هذا النهر
 لايق عليكى الامل
 وبقولها سر وجهر
شى الله وبركاتك
 ويابخت مين يصمد
 فوق الخدود درويش
 شيدتلك معبد
شى الله وبركاتك
 نظرة عيونك دهر
 شى الله وبركاتك
وقف الزمن م القهر
 شى الله وبركاتك
 سكران ف عز الضهر
شى الله وبركاتك
وينوبنى من حضرتك
 يا مؤمنة همسة
 أوصل عليها الصلاة
 الخمسة بالخمسة
 وينوبنى انى اتوه
 لا انام ولا انسى
 وينوبنى انى مريض
 وان العلاج باوان
 وان الاوان لسه
يا مؤمنة بالصبح
 لو صبحنا تنفس
 لاقول واقول واقول
 واهجر "أنا" الاخرس
شى الله وبركاتك
 لسانى اهوه معقود
 فكيه وليكى الاجر
 وحق رب الوجود
 وحق ريحة الفجر
 مانتيش اقل من السما حاجة
 لا لون ولا بهجة
 ولا بعد عنا ومطر
 فاتلونى وغيمى
 على اقل من مهلك
 واشتى طوفان كاسح
يجعلنا من اهلك

ليست هناك تعليقات: