الخميس، 12 سبتمبر، 2013

خرابيش



من خرابيشنا على الفيسبوك


البوسة حرام والبوكس حلال !

فأما الحبيب فلا تقهر..

الحضن ف الحلم خير

التنهيدة
أعظم الإختراعات فى تاريخ البشرية.


الكلام اللى مبيتقالش بيتكاثر بيتكاثر
وبعدين بيروح ويسيب بقعة

سبحان من رفع السما
على غمازتين
وحط بينهم قوس قزح
سبحان من خلق الفرح
بيتنقل من عين لعين
عدوى
بيتعدى بيها القريب
ويتهدى بيها اللعين

لايسلم الشرف الرفيع من الأذى
الا بعد مااخد بوسة 

كل هذه التفجيرات يا كفرة؟!
اليوم اعترض احد الزبائن على السكر الزائد ف كنافة المحل فاستدار واطلق العنان لمؤخرته

الحب حاجة
والدنيا حاجة
حتى الاسماء متعارضة
وعشان كدهوه
حطينا قلوبنا ف التلاجة
وبقت باردة
 كلهم بيقولولى "ربنا معاك" وبيخلعوا وهما عارفين ان ربنا مش هيكون معايا من غيرهم.
 فيه ناس مشكلتها تفول عربيتها
وناس مشكلتها تفول معدتها
 المجد لخدودك ياللى ف بالى

بعيدا عن تابوهات الجنس والدين
الواحد لما بيلاقى بنت حلوة كده زى الوردة المفتحة بيحس انه عايز ياخدها حضن وبوسة كده لله ف لله يا اخى
 فرق قلبك ع المساكين

عزيزى الإنسان
تمسك بعادات وتقاليد لم تصنعها ولا تمنح نفسك فرصة لاختيار ما تريد
على اساس ان عندك حياة تانية تختار وتعوض فيها
 أضعف الإيمان يكون فيه حد أقصى للملكية الفردية.

ادى حنجرتى وادى حنجرتك
صوتهم دايب ف المجموع
نهتف نهتف نهتف نهتف
والصادق هو المسموع
 قلب النقاش فى أمر عام لهجوم شخصى  اسمه "تحرش"
 نوم الليبرالى عبادة 
  
يا تعيش

يا تستهلك وتُستهلك
 وبص الحرامى لصاحب البيت وقاله :
اسمع
انا عندى عزة نفس
لو زعلان ممكن اسيبلك البيت وامشى حالا
مش كل ما امد ايدى على حاجة تضرب بوز ف وشى كده.
 حين تضطر الشعوب لتحقيق العدالة بنفسها تحققها بقسوة ,بعنف,بتشف وجبروت.
 
 محدش ممكن يبقى ثرى فى مجتمع فقير بمجهوده.
 
 فيه ناس لو ماحبيتهاش تبقى بتخون نفسك.
 
 البهتان بهتان من كتر النسخ
البهتان محتاج علبة الوان
مش محتاج مكنة تصوير
او رغي كتير
 
 الثورة كلمة حب او بوسة
 
 
القافية تحكم
لاء ماتحكمنيش
نفسى ف كتابة بجناحات مع ريش
تقتل قيودى
ماتقتلنيش

اخسر يا صديقى
اخسر بضراوة
لا حاجة لك بكل ما يطمس روحك
اخسر حتى الثمالة
اخسر كل الأشياء التافهة
لتفسح مكانا للأشياء العظيمة.

لو انت طيب
ومتاكد ان الصورة هتطلع سودة
اعمل فلاش بقلبك
 يا حبيبى الإيمان مسألة قلبية
وإنت قلبك أضيق من خرم الإبرة !
 حكمة الكائنات السوداء
المؤسسات الامريكية وحشة وكخة وتسعى لاستعمار كل شبر على الكوكب بس احنا محتاجين لقرض صندوق النقد ولازم نبقى عاقلين
اينعم انتوا بتحبوا بعض بس مفيش فلوس ... سيبها تتجوز واحد معاه تنام وتاكل وتقوم وتخش الحمام
الدين فيه حاجات غريبة اوى محدش يصدقها بس لازم تصدقها عشان متبقاش كافر ووشيطان ووجاهتك الاجتماعية تقل
يابنى انت دماغك حلوة بس بلاش تتصادم مع الناس عشان متخسرش كل حاجة...اقله النعمة اللى انت فيها
الصبر جميل جميل الصبر بس العمر بيجرى ولازم تأمن مستقبلك وسيبك م الهبل بتاعك ده انت مش صغير
احنا عاملين زى فلاح عنده زرعة صغيرة ومستعجل عليها فقام راششسها مبيد وقتلها عشان ميستنهاش تكبر !
 البقاء للأنثى
 جميع العلوم الإنسانية بلا قيمة خارج إطار الرواية.
 العلاقات الإنسانية التى تنضج على نار هادئة علاقات أبدية فى الغالب.
 

ليست هناك تعليقات: