الأحد، 8 سبتمبر، 2013

فلامنكو



فلامنكو..
لعل القهر ينسانا
وننسى غباوة المسافات
ما بينا يااحنا وما بينكو
ايقاعى مش لاقيله وش
وقلبى كل يوم بيكش
من الوجع اللى طالع
مننا ومنكو

أقرب تبعدى خطوة
تخطى
أبتدى أهرب
تملى الجو متكهرب
يعينا اللحن
ويعينكو

دى دمعة ولا دى ضحكة؟
ده حاجز ولا دى سكة
أشوف بعيونى بعض الوقت
 وبعض الوقت بعيونكو

فلامنكو..
ورقصة ناقصة ابطالها
لا سابها الواد ولا طالها
يا ناسج كل يوم حجة
تعطلها
كفاية
مش هقول تانى :
مخاصمينكو

يا نصى النائى 
لا تنأى
وحق الوحدة 
وحق التوهة والخنقة
مصيرنا واحد
ودينى هو ذات
دينكو

فلامينكو

ليست هناك تعليقات: