الخميس، 31 أكتوبر، 2013

فزورة


محلل رياضى

وبايس أيادى

وماسح نعال

يعلق يشلق

يغلق غباوته

بذم الرجال

مبارك إله

ومرسى إله

وكل اللى يجى

فى قبله ووراه

يخطى يوطى

لسيده الجديد

مسلطح قفاه

يمرر يبرر
 
لسيده الرئيس

ويعبد ويحمد

عطايا الوريث

وشىء مش بعيد

حكايا جمال

ماهوش حد عادة

ولا حد همه

لا علم وشهادة

لكن الأكادة

دماغ عبقرية

فى نصب المكايد

وصنع الأذية

محلل رزية

وعم الكباتن

كما النمل ساكن

فى كل الأماكن

ما بيسيبش هبرة

بياكل كفيل

ويلدغ ككوبرا


ليست هناك تعليقات: